“ৱেবিনারশিং অসিনা বজেৎ মনুংদা থমখিবা পান্দমশিং থুংহনবদা কেতলিস্ত অমা ওইখি”
“ঐখোয়না তুরিজমদা অনৌবা পনখৈশিং য়ৌনবা অনৌবা ৱাখল্লোন খনবা অমসুং মাংজৌননা প্লান তৌবা মথৌ তাই”“তুরিজম অসি অতাংবা পোৎ তাকপা ফজরবা ৱাহৈ অমা খক্তা নত্তে”“চহি অসিগী বজেৎনা লমথুংফমশিংগী হোলিস্তিক দিবেলপমেন্তদা মীৎয়েং থমখি”“ফেসিলিতীশিং অসি হেনগৎলকপনা কাশী বিশ্বানাথ, কেদার ধাম, পাবাগাধতা ভক্তাশিং থুংবদা শরুক কয়া হেনগৎহনখি”“লমকোইবশিংগী লমথুংফম খুদিংমক মশাগী রিভেন্যু মোদতা দিবেলপ তৌবা য়াগনি”“ঐখোয়গী খুঙ্গংশিংগী ফগৎলক্লিবা ইনফ্রাস্ত্রকচরনা মরম ওইদুনা তুরিজমগী সেন্তরশিং ওইরক্লি”“মমাং চহিগী জনুৱারীদা মীরমদগী লাকপা লমকোইবা লাখ ২ খক্তা ওইখিবগা অদুগা চাংদম্নবদা চহি অসিগী জনুৱারীদা লাখ ৮ ওইখি”“ভারতনা চাউনা চাদিং তৌবা লমকোইবশিংদসু খদোংচাবা কয়া পীবা ঙমগনি”“লৌউ-শিংউ, রিএল ইস্তেৎ দিবেলপমেন্ত, ইনফ্রাস্ত্রকচর অমসুং তেক্সতাইলগুম্না তুরিজম অসি চপ মান্নবা পোতেন্সিএল লৈ”প্রধান মন্ত্রী শ্রী নরেন্দ্র মোদীনা ‘দিবেলপিং তুরিজম ইন মিসন মোদ’ হায়বা হীরমদা পাঙথোকপা বজেৎ মতুংগী ৱেবিনার অমদা ৱা ঙাংখ্রে। মসি কেন্দ্রগী বজেৎ ২০২৩দা লাউথোকখিবা থৌশিলশিং নীংথিনা ইমপ্লিমেন্ত তৌনবগী ৱাখল্লোন অমদি পাউতাকশিং লৌনবা সরকারনা পাঙথোকপা বজেৎ মতুংগী ৱেবিনার ১২গী তরেৎ শুবনি।
থৌরম অসিদা ৱা ঙাংলদুনা প্রধান মন্ত্রীনা হায়খি মদুদি ঙসিগী অনৌবা ভারতনা অনৌবা ৱার্ক কলচরগা লোয়ননা মাংদা চংশিল্লি। ভারতকী মীয়াম্না চহি অসিগী বজেৎপু থাগৎনরক্লিবা অসিদা মহাক্না অপেনবা ফোঙদোকখি। মমাংগী ৱার্ক কলচরগী মতাংদা পল্লদুনা প্রধান মন্ত্রীনা হায়খি মদুদি বজেৎ মতুংগী ৱেবিনারশিংগুম্বা ইন্নোভেতিব ওইবা করিগুম্বা খরা অসি হৌজিক পাল্লিবা সরকারনা বজেৎ মমাং অমসুং মতুংদা স্তেকহোল্দরশিংগা খন্ন-নৈনবগী ৱাখল্লোন অসি চেল্লদ্রবদি ওইথোক্লমলোই। ৱেবিনারশিং অসিগী মপুং ওইবা পান্দম অসি বজেৎকী আউৎপুৎ মেক্সিমাইজ তৌবা লোয়ননা মতম চানা ইমপ্লিমেন্ত তৌবনি হায়না প্রধান মন্ত্রীনা ফোঙদোকখি। শ্রী মোদীনা হায়খি, “ৱেবিনারশিং অসিনা বজেৎ মনুংদা থমখিবা পান্দমশিং থুংহনবদা কেতলিস্ত অমা ওইনা মথৌ তৌখি”। চহি ২০ হেন্না সরকারগী মকোক ওইনা থবক তৌরকপগী এক্সপরিয়েন্সকী মতাংদা পল্লদুনা প্রধান মন্ত্রীনা হায় সরকারনা লৌবা স্ত্রেতেজিক ওইবা ৱারেপ অমা হেক্তগা স্তেকহোল্দর পুম্নমক্না মখোয় মশাবু মসিগী পরিং মখাদা চৎলবা মতমদা থাখিবা মতমগী মনুংদা অপাম্বা ফলশিং পুরকপা ঙমগনি। হৌজিক ফাওবদা পাঙথোকখিবা বজেৎ মতুংগী ৱেবিনারশিংগী খুত্থাংদা লাকখিবা সজেসনশিংদা মহাক্না অপেনবা ফোঙদোকখি।
প্রধান মন্ত্রীনা অনৌবা ৱাখল্লোন পুথোক্নবা অমসুং অনৌবা পনখৈশিং য়ৌনবা ভারতকী তুরিজম অসিবু মাংদা পুখৎনবা প্লান তৌবগী মথৌ তাবা ফোঙদোকখি। তুরিস্ত দেস্তিনেসনশিং শেমগৎত্রিঙৈ মমাংদা মীৎয়েং চংগদবা পেরামিতরশিংগী মতাংদা পল্লদুনা প্রধান মন্ত্রীনা মফম অমগী পোতেন্সিএল, লমথুংফম অদুদা লাইনা চৎপা অমসুং লমথুংফম অদু প্রমোৎ তৌনবা অনৌবা লম্বীশিংগী মতাংদা ফোঙদোকখি। মহাক্না মখা তারদুনা হায় পেরামিতরশিং অসিনা তুংলমচৎকীদমক রোদমেপ অমা শেম্বদা পেরামিতরশিং অসিনা মতেং পাংই। প্রধান মন্ত্রীনা লৈবাক অসিগী তুরিজমদা লৈরিবা অচৌবা স্কোপ অসিগী মতাংদা ফোঙদোকখি অমসুং কোস্তেল তুরিজম, বীচ তুরিজম, মেগ্রুব তুরিজম, হিমালয়ন তুরিজম, এদভেঞ্চর তুরিজম, ৱাইল্দলাইফ তুরিজম, ইকো তুরিজম, হেরিতেজ তুরিজম, স্পিরিচুএল তুরিজম, ৱেদিং দেস্তিনেসনশিং, তুরিজম ভাইয়া কনফরেন্স অমসুং স্পোর্তস তুরিজমগী মতাংদা পনখি। মহাক্না রামায়ন সর্কিৎ, বদ্ধ সর্কিৎ, কৃষ্ণ সর্কিৎ, নোর্থইস্ত সর্কিৎ, গান্ধী সর্কিৎ অমসং লম্বোইবশিংগী তীর্থ য়াত্রাগী মফমশিং অসি খুদম ওইনা পীখি অঞসং মসিদা পুন্না থবক তৌবগী মথৌ তাবা লৈ হায়না অকনবা ৱাফম থমখি। প্রধান মন্ত্রীনা হায় মদুদি লমথুংফমশিংগী হোলিস্তিক দিবেলপমেন্তদা মীৎয়েং থম্বগা লোয়ননা চহি অসিগী বজেৎকী কম্পিতিতিব স্পিরিৎ অমসং চেলেঞ্জকী লম্বীগী খত্থাংদা ভারত্তা মফম কয়া মশক খঙদোকখি। শ্রী মোদীনা তোঙান-তোঙানবা স্তেকহোল্দরশিংনা করম্না থবক তৌবগে হায়বগী মতাংদা কুপ্না খন্ন-নৈন্নবা হায়খি।
প্রধান মন্ত্রীনা তুরিজম অসি লৈবাক্কী ইনকম ৱাংবা গ্রুপশিংগা খক্তা মরী লৈনবা ফেন্সী ওইবা ৱাহৈ অমনি হায়বগী লান্না থাজনবী অদুবু মাংহনখি। মহাক্না হায় য়াত্রাশিং অসি চহিচা কয়াদগী ভারতকী নাৎ অমসুং খুন্নাইগী পুন্সিরোলগী শরুক অমা ওইদুনা লাকখি অমসুং মীয়াম্না মখোয়দা রিসোর্স অমত্তা লৈতবা মতমদা ফাওবা তীর্থ য়াত্রাশিংদা মীয়াম্না চৎখি। মহাক্না চার ধাম য়াত্রা, দ্বাদাশ জ্যোতির্লিং য়াত্তা, শক্তিপীথ ৫১গী য়াত্রা অসি খুদম ওইনা পীখি অমসুং হায়খি মদি মসিনা লৈবাক্কী অপুনবগী শক্তম মপাঙ্গল কনখৎহনবগা লোয়ননা ঐখোয়গী লাইফমশিংগা কন্নেক্ত তৌখি।.লৈবাক্কী অচৌবা সহর কয়াগী অপুনবা ইকনোমী অসি য়াত্রাশিং অসিগী মপাল তাংখি হায়রদুউনা প্রধান মন্ত্রীনা য়াত্রাশিংগী অরিবা মতমগী চৎনবী লৈজরবসু মতমগা চুনবা ফেসিলিতীশিং লৈহন্নবগী শেমগৎ-শাগৎপগী অৱাৎপা লৈবদা নুংঙাইতবা ফোঙদোকখি। মহাক্না হায়খি মীখা পোনবগী চহি চা কয়া অমসুং নীংতম্বা ফংলবা মতুং দিকেদ কয়া মফমশিং অসি রাজনিতীগী ওইবা মওংদা নাথৈদনা থমখিবা অসিনা লৈবাক অসিদা অমাংবা থোক্নবগী হৌরকফম ওইখি। ফেসিলিতীশিং হেনগৎলকপনা লমকোইবশিংগী মরক্তা মীৎয়েং চীংশিনবা হেনগৎহনখি হায়না ফোঙদোক্লদুনা প্রধান মন্ত্রীনা হায়, “ঙসিগী ভারতনা ফীভম অসিদা অহোংবা পুরক্লি। মহাক্না বারানসিগ কাশি বিশ্বানাথ ধাম অসি খুদম ওইনা পীখি অমসুং মমাংদা নৌনা শেমগৎত্রিঙৈ মমাংদা চহি অমদা মন্দির অসিদা মীওই লাখ ৮০রোম লাক্লমখি অদুবু নৌনা শেমজিল্লবা মতংদা হৌখিবা চহি অসিদা তুরিস্ত ফুতফোল করোর ৭ হেনখি। কেদারঘাতিদা নৌনা শেমজিনবগী থবক লোইশিন্দ্রিঙৈ মমাংদা লাখ ৪-৫ খক্তা লাকখবা অদুগা চাংদম্নবদা বাবা কেদার য়েংবা লাকপা ভক্তি লাখ ১৫ ওইরে। মতৌ অসুম্না গুজরাতকী পাবাগাথ অসিদা মা কালিকা সর্শন তৌনবা তীর্থ য়াত্রা চৎপা মীওই লিশিং ৪-৫ লাকলম্বা অদুগা চাংদম্নবদা নৌনা শেমজিল্লবা মতুংদা লিশিং ৮০ লাকখি। প্রধান মন্ত্রীনা হায় ফেসিলিতীশিং অসিদা হেনগৎলকোআ অসিনা লমকোইবশিংগী মশিংদা হকথেংননা হেনগৎহনখি অমসুং মশিং হেনগৎলকপা হায়বা অসি থবক অমসুং মশানা মশাদা থবক পীজবগী চাং হেনগৎলকপনি। প্রধান মন্ত্রীনা স্তেচু ওফ য়ুনিতীগী মতাংদা পনখি, মসি মালেমগী খ্বাইদগী ৱাংবা মীতমনি অমসুং শাবা লোইবগী চহি অমগী মনুংদা মফম অসিদা লমকোইবা লাখ ২৭ লাকখি। মহাক্না হায়খি ভারতকী তুরিজম সেক্তর অসি সিভিল এমেনিতীশিং হেনগৎলকপা, অফবা দিজিতেল কন্নেক্তিবিতী, অফবা হোতেলশিং অমসুং হোস্পিতালশিং, অমোৎপগী মমি তাদবা অমসুং অফবা ইনফ্রাস্ত্রকচরগা লোয়ননা শরুক কয়া হেনগৎলকখি।
প্রধান মন্ত্রীনা গুজরাতকী অহমদাবাদতা লৈরিবা কানকারিয়া লেক প্রোজেক্তকী মতাংদসু পনখি অমসুং পাৎ অসি নৌনা শেমগৎপগী মথক্তা ফুদ স্তোলশিংদা থবক তৌরিবশিংগীদমক স্কিল দিবেলপমেন্ত ফংহনখি। মহাক্না মোদর্ন ইনফ্রাস্ত্রকচরগা লোয়ননা লুনানবদা মীৎয়েং চংখি অমসুং চৎনবা য়াবা এন্ত্রী ফীসশিংগী মথক্তা নুমিৎ খুদিংগী মফম অসিদা মীওই ১০,০০০রোম লাকখি হায়না ফোঙদোকখি। প্রধান মন্ত্রীনা হায়খি, “তুরিস্ত দেস্তিনেসন খুদিংমক মশাগী ওইবা রিভেন্যু মোদেলসু শেমগৎকদবনি”।
ফগৎলক্লিবা ইনফ্রাস্ত্রকচরনা মরম ওইদুনা তুরিজম মেপতা মনুং হঞ্জিনবা খুঙ্গংশিং হৌজিক্তি য়াওরে হায়না ফোঙদোক্লদুনা প্রধান মন্ত্রীনা হায়খি, “ঐখোয়গী খুঙ্গংশিংনা তুরিজমগী সেন্তরশিং ওইরক্লি”। মহাক্না হায়খি কেন্দ্র সরকারনা ঙমখৈদা লৈবা খুঙ্গংশিংগীদমক ভাইব্রেন্ত ভিলেক স্কিম হৌদোকখি অমসুং হোমস্তেশিং, অপীকপা হোতেলশিং অমসুং রেস্তোরেন্তশিংগুম্বা বিজিনেসশিং সপ্পোর্ত তৌবা মথৌ তাই।
ভারত্তা লাকপা মীরমগী লমকোইবশিংগী মশিং হেনগৎলক্লিবা অসিগী মতাংদা পল্লদুনা প্রধান মন্ত্রীনা ভারত্তা মীৎয়েং থম্বা হেনগৎলক্লি অমসুং মমাং চহিগী জনুৱারীদা লাখ ২ খক্তা ওইরম্বা অদুগা চাংদম্নবদা চহি অসিগী জনুৱারীদা ভারত্তা মীরমগী লমকোইবশিং অসি লাখ ৮ ওইখি। অসিগুম্বা লমকোইশিং প্রোফাইল তৌবগী মথৌ তাবা অমসুং চাউনা চাদিং তৌবা ঙম্বশিংবু লৈবাক অসিদা মীৎয়েং চীংশিন্নবা অখন্নবা লালোং য়াৎনবা প্রধান মন্ত্রীনা ফোঙদোকখি। মহাক্না হায়খি মদুদি মীরমগী লমকোইবশিং ভারত্তা লাকপদা চাংচৎ ওইনা দোলর ১৭০০ চাংদিং তৌখি অমরোমদা ইন্তর্নেস্নেল ত্রেবেলরশিংনা অমরিকাদা চাংচৎ ওইনা দোলর ২৫০০ অমসুং ওস্ত্রেলিয়াদা দোলর ৫০০০ চাদিং তৌখি। প্রধান মন্ত্রীনা হায়খি মদুদি রাজ্য খুদিংমক্না ৱাখল্লোন অসিগা চান্ননবা মওংদা মখোয়গী তুরিজম পোলিসীদা অহোংবা পুরকপা মথৌ তাই। মহাক্না থা কয়া লৈবাক অসিদা কেম্প তৌদুনা লৈবা বর্দ ৱাৎচরশিংবু খুদম ওইনা পীখি অমসুং অসিগুম্বা পোতেন্সিএল তুরিস্তশিংগীদমক তার্গেৎ তৌনবা পোলিসীশিং শেম্নবা হায়খি।
তুরিজম সেক্তরদা থেংনরিবা শীংনবশিংগী মতাংদা পল্লদুনা প্রধান মন্ত্রীনা প্রোফেস্নেল তুরিস্ত গাইদশিংগী অৱাৎপা লৈ হায়খি অমসুং গাইদশিংগীদমক লোকেল কোলেজশিংদা সর্তিফিকেৎ কোর্সশিং হাংবা মথৌ তাই হায়খি। মহাক্না অকক্নবা তুরিস্ত দেস্তিনেসন অমদা থবক তৌরিবা গাইদশিং অসি মখোয়বু হেক য়েংবদা তুরিস্তশিংনা খঙবা ঙম্নবা অকক্নবা দ্রেস নত্ত্রগা য়ুনিফোর্ম থমগদবনি। প্রধান মন্ত্রীনা হায়খি তুরিস্তকী ৱাখল অসি ৱাহং কয়ানা থল্লি অমসং গাইদশিংনা ৱাহং পুম্নমক্কী পাউখুমশিং পীদুনা মখোয়বু মতেং পাংবা ঙমগনি।
প্রধান মন্ত্রীনা অৱাং নোংপোক্তা স্কুল অমসুং কোলেজকী ত্রিপশিং চৎতুনা মীয়ামদা হেন্না খঙহন্নবা অমসং লমকোইবশিংগীদমক ইনফ্রাস্ত্রকচর অমসুং ফেসিলিতীশিং শেমগৎপা হৌনবা অকনবা ৱাফম থমখি। মহাক্না ৱেদিং দেস্তিনেসনশিং লোয়ননা স্পোর্তস দেস্তিনেসনশিং প্রোমোৎ তৌনবসু হায়খি। প্রধান মন্ত্রীনা ভারত্তা মালেম শিনবা থুংবদগী লাকপা লমকোইবশিংনা চৎনবা তুরিস্ত দেস্তিনেসন ৫০ শেমগৎনবা ৱাফম থমখি। মহাক্না য়ুনাইতেদ নেসন্সতা য়াওরিবা লোলশিংদা তুরিস্ত দেস্তিনেসনগীদমক এপশিং দিবেলপ তৌনবসু ফোঙদোকখি।
ৱারোল পীবা লোইশিনবদা প্রধান মন্ত্রীনা ৱেবিনার অসিনা তুরিজমগা মরী লৈনবা হীরম খুদিংমক কুপ্না খন্নগনি অমসুং অফবা সোল্যুসনশিং পুরক্কনি হায়বগী থাজবা ফোঙদোকখি। লোইশিনবদা প্রধান মন্ত্রীনা হায়, “লৌউ-শিংউ, রিএল ইস্তেৎ দিবেলপমেন্ত, ইনফ্রাস্ত্রকচর অমসুং তেক্সতাইলগুম্বা তুরিজমনসু লৈবাক অসিদা চপ মান্নবা পোতেন্সিএল লৈ”।
भारत में हमें टूरिज्म सेक्टर को नई ऊंचाई देने के लिए Out of the Box सोचना होगा और Long Term Planning करके चलना होगा। pic.twitter.com/Mwp8UG6RML
— PMO India (@PMOIndia) March 3, 2023
भारत के संदर्भ में देखें तो टूरिज्म का दायरा बहुत बड़ा है। pic.twitter.com/5KqMErKjfa
— PMO India (@PMOIndia) March 3, 2023
जब यात्रियों के लिए सुविधाएं बढ़ती हैं, तो कैसे यात्रियों में आकर्षण बढ़ता है, उनकी संख्या में भारी वृद्धि होती है, ये भी हम देश में देख रहे हैं। pic.twitter.com/ZQ8GEhsEDv
— PMO India (@PMOIndia) March 3, 2023
बेहतर होते इंफ्रास्ट्रक्चर के कारण हमारे दूर-सुदूर के गांव, अब टूरिज्म मैप पर आ रहे हैं। pic.twitter.com/cAecutjVEJ
— PMO India (@PMOIndia) March 3, 2023
