প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী থোংদা জয়পুর মহাখেলদা ৱা ঙাংখ্রে। ২০১৭তগী হৌনা জয়পুর রুরেলগী লোক সভা এম.পি. শ্রী রাজ্যবর্ধন সিংহ রাথোরনা জয়পুর মহাখেল পাঙথোক্তুনা লাকখি।
থৌরম অসিদা ৱা ঙাংলদুনা প্রধান মন্ত্রীনা মেগা কম্পিতিসন অসিদা মেদলশিং লৌরকখ্রবা শান্নরোয়শিং, কোচশিং অমসুং মখোয়গী ইমুং-মনুংশিংদা নুংঙাইবা ফোঙদোকখি। মহাক্না হায় শান্নরোয়শিংনা শান্নবুংদা চংলিবা অসি শুপ্নগী শরুক য়ানবা খক্তা নত্তে অদুবু থোইনবা অমদি তমশিন্নবনি। শান্নরোয় অমত্তনা শান্নবুংদগী মখুৎ হাংনা হনখিদে হায়রদুনা প্রধান মন্ত্রীনা হায় “লেপ্পা লৈতনা তমশিল্লবা মতমদা শোইদনা থোইগনি”।
স্পোর্তসকী লমদা ভারতকী মীংচৎপু অৱাংবা থাক্তা পুখৎখিবা মশক নাইবা মীওই কয়ানা কম্পিতিসন অসিদা য়াওবা উরদুনা প্রধান মন্ত্রীনা রাম সিংহ, এসিয়ন গেম্সকী মেদলিস্ত, পেরা-এথেলিৎ দেবেন্দ্র ঝাঝারিয়া, ধ্যানচন্দ খেল রত্ন এৱার্দী, সক্ষি কুমারি, অর্জুন এৱার্দী অমসুং অতোপ্পা মকোক থোংবা এথেলিৎশিংগী মমিং পনখি। প্রধান মন্ত্রীনা ভারতকী মশক নাইবা মীওইশিং অসিনা জয়পুর মহাখেলদা নহা ওইরিবা শান্নরোয়শিংবু শৌগৎনবা থোরকপদা নুংঙাইবা ফোঙদোকখি।
প্রধান মন্ত্রীনা হায় মদুদি লৈবাক শিনবা থুংবদা স্পোর্তস কম্পিতিসনশিং অমসুং খেল মহাকুম্ভ মথং-মথং পাঙথোকপা অসিনা অচৌবা অহোংবশিং লাক্লি তাক্লি। রাজস্থান অসি নহারোলগী থৌনা লিংজেলগীদমক খঙনবা লমদম অমনি হায়রদুনা প্রধান মন্ত্রীনা হায় মদুদি লমদম অসিগী অঙাংশিংনা লানবুংবু মখোয়গী থৌনা-লিংজেলনা শান্নবুংদা ওন্থোকখিবগী খুদম পুৱারীনা ওইরি। লমদম অসিগী নহারোলশিংগী মেন্তেল অমদি ফিজিকেলগী মতিক-ময়াইশিং মখোং শোম্বগী রাজস্থানগী স্পোর্তসকী চৎনবী অসিবু থাগৎলদুনা হায়, “জাতিগী ঙাকশেলগী মতাংদা লাকপা মতমদা লেমহৌরিবা শরুকশিংদগী মতম চুপ্পদা রাজস্থান্না মাং থাদুনা থোরকই”। মহাক্না দাদা, সিতোলিয়া, রুমাল ঝাপত্তাগুম্বা য়েলহৌঙৈগী মশান্নাশিং অসি মকর সংক্রান্তিদা শান্নৈ হায়না খুদমশিং পীখি অমসুং মসি চহি কয়াদগী রাজস্থানগী চৎনবীগী শরুক অমা ওইদুনা লাকখি।
রাজস্থানগী মশিং লাকঙমদ্রবা শান্নরোয়শিংনা মখোয়গী মশান্ননা শরুক তমদুনা মচু অহুমগী ফিরাল অসি অনৌবা পনখৈশিংদা পুখৎখি হায়না ফোঙদোক্লদুনা প্রধান মন্ত্রীনা হায় মদুদি জয়পুরগী মীয়াম্না মখোয়গী পার্লিয়ামেন্তরিয়ন অসি ওলিম্পিক মেদলিস্ত অমা ওইনা থাগৎলকখি। মহাক্না মেম্বর ওফ পার্লিয়ামেন্ত ওইরিবা শ্রী রাজ্যবর্ধন সিংহ রাথোরনা শরুক তমখিবশিং অদু পাউদমখি অমসুং মহাক্না পার্লিয়ামেন্তেরিয়ন স্পোর্তস কম্পিতিসনশিংগী মওংদা শরুক তমদুনা হৌরক্লিবা মীরোলদা মতেং পাংবদা নুংঙাইবা ফোঙদোকখি। প্রধান মন্ত্রীনা হায়খি হেন্না কমপ্রিহেন্সিব ওইবা ফলশিং ফংনবগীদমক অসিগুম্বা খোঙথাংশিং অসি হেনগৎহনবা মথৌ তাই অমসুং জয়পুর মহাখেল মাইপাক্না পাঙথোকপা অসি খোঙথাংশিং অসিগী মথংগী মরু ওইবা মরী অমা ওইরি। জয়পুর মহাখেলগী মাইপাকপগী মতাংদা পল্লদুনা হায় মদুদি কম্পিতিসন অসিগী চহি অসিগী ইদিসন্দা তীম ৬০০ হেনবনা অমসুং নহারোল ৬,৫০০না শরুক য়াখি। মহাক্না হায় নুপীমচাগী তিম ১২৫ হেনবনা শরুক য়াবা অসিনা অফবা পাউজেল অমা পীরি।
প্রধান মন্ত্রীনা হায় “নীংতম্বগী অমৃত কাল অসিদা লৈবাক অসিনা অনৌবা ৱাহন্থোক অমা পীরি অমসুং অনৌবা ওর্দর অমা শেম্লি”। মহাক্না হায় স্পোর্তস অসি রাজনিতীগী মীৎয়েংগী মহুৎ শান্নরোয়গী মীৎয়েংদগী য়েংবা হৌরে। মহাক্না হায় নহারোলগীদমক ওইথোক্তবা অমত্তা লৈতে অমসুং পান্দম খুদিংমক অসি মখোয়গী তৌবা ঙম্বশিং, মশানা মশাবু ইকাই খুম্নবা, মরোমদোম লেপচবা ঙম্বা, খুদোংচাবা অমদি রিসোর্সশিংগী শক্তি অসি লৈরবা মতমদা লায়না মঙফাওনবা ঙম্মি।
প্রধান মন্ত্রীনা হায় মদুদি অসিগুম্বা এপ্রোচকী মমিশিং অসি চহি অসিগী বজেৎতসু উবা ফংই। মহাক্না হায় ২০১৪গী মমাংদা করোর ৮০০-৮৫০ এল্লোকেৎ তৌখিবা অদুগা চাংদম্নবা মতমদা স্পোর্তস মন্ত্রালয়না চহি অসিদা করোর ২৫০০গী বজেৎ অমা এল্লোকেৎ তৌখি। মহাক্না হায়, “লৈবাক্কী স্পোর্তস বজেৎ অসি ২০১৪দগী শরুক অহুমরোম হেনগৎলকখি”। মহাক্না মখা তারদুনা হায় মদুদি লৈবাক্কী স্পোর্তস ফেসিলিতীশিং অমসুং রিসোর্সশিং শেমগৎপদা চাদিং তৌগদবা ‘খেলো ইন্দিয়া’ কেম্পেন খক্তদা লুপা করোর ১০০০ হেন্না এল্লোকেৎ তৌখি।
প্রধান মন্ত্রীনা হায়খি ভারতকী নহারোলশিংগী মরক্তা স্পোর্তসকী অপাম্বা অমসুং তেলেন্তকী অৱাৎপা অমত্তা লৈতে অদুবু অপনবশিং থোকহনখিবা অসি সরকারদগী রিসোর্স অমদি তেংবাং ফংখিদবা অসিনি। মহাক্না হায় মদুদি ঙসিদি শান্নরোয়শিং অসিনা মায়োক্নখিবা সমস্যাশিং অসি কোকহনখ্রে। জয়পুর মহাখেল অসি চহি ৫-৬তগী পাঙথোক্তুনা লাকখি হায়না খুদম পীরদুনা প্রধান মন্ত্রীনা হায়খি খেল মহাকুম্ভ অসি বি.জে.পি.গী মেম্বর ওফ পার্লিয়ামেন্তশিংনা লৈবাক্কী শরুক খুদিংমক্তা পাঙথোক্লি মসিদা নহারোল কয়াগী তেলেন্তশিং মাংদা থোরক্লি।
প্রধান মন্ত্রীনা মাইপাকপশিং অসিগীদমক কেন্দ্র সরকারদা মনা পীখি মরমদি স্পোর্ত ফেসিলিতীশিং অসি জিলা অমসুং লোকেল লেবেলশিংদা শেমগৎলি। লৈবাক্কী জিলা কয়াদা লৈরিবা নহারোল লাখ কয়াগীদমক স্পোর্তস ইনফ্রাস্ত্রকচর শেমগৎলিবা হায়রদুনা প্রধান মন্ত্রীনা সহর কয়াদা স্পোর্তস ইনফ্রাস্ত্রকচর শেমগৎলিবা রাজস্থানগী রাজ্যগী মতাংদা পনখি। চহি অসিগী বজেৎ খ্বাইদগী ৱাংনা এল্লোকেৎ তৌখিবা নেস্নেল স্পোর্তস য়ুনিভর্সিতীদা মীৎয়েং থম্লদুনা প্রধান মন্ত্রীনা হায় “ঙসি লৈবাক অসিদা স্পোর্তস য়ুনিভর্সিতীশিং লিংখৎলি অমসুং খেল মহাকুম্ভগুম্বা অচৌবা ইভেন্তশিং প্রোফেস্নেল ওইবা মওংদা পাঙথোক্লি”। স্পোর্তস মেনেজমেন্ত অমসুং স্পোর্তস তেক্নোলোজীগা মরী লৈনবা লম খুদিংমক তমশিন্নবগী এনভাইর্নমেন্ত অমা শেম্বা মথৌ তাই মসিনা লমশিং অসিদা নহারোলশিংনা কেরিয়র অমা শেম্নবা খুদোংচাবা অমা পীরগনি।
কেন্দ্র সরকারনা চহি অমদা লুপা লাখ ৫ ফাওবা পীদুনা খ্বাইদগী ফবা শান্নরোয়শিং শেমগৎলি হায়রদুনা প্রধান মন্ত্রীনা হায়, “ঐখোয়গী সরকারনা শেলগী অৱাৎপা লৈবনা মরম ওইদুনা নহা অমত্তা শোত্থনা লৈহৌদনবা মীৎয়েং চংলি”। মহাক্না মখা তারদুনা হায় মরু ওইবা স্পোর্তস এৱার্দশিংদা থাদরিবা শেনফম অসিসু শরুক অহুম ফাওবা হেনগৎহনখি। চহি কয়া ওলিম্পিক্সকীদমক শান্নরোয়শিংবু শেম-শাবা য়াহল্লিবা তোপ্সকুম্বা স্কিমশিংগী খুদম পীরদুনা প্রধান মন্ত্রীনা হায়খি মদুদি সরকারনা ওলিম্পিক্সগুম্বা অচৌবা গ্লোবেল কম্পিতিসনশিংদা মপুং ফাবা শক্তিগা লোয়ননা মাগী শান্নরোয়শিংগীদমক লেপ্পি।
স্পোর্তসকী লমদা হকচাং ফনা থম্বগী মথৌ তাবা খক্তা নত্তনা নুংতিগী পুন্সিদসু মথৌ তাই হায়রদুনা প্রধান মন্ত্রীনা হায়খি মদুদি মসি শান্নরোয়গী খ্বাইদগী মরু ওইবা ৱাফম অমনি। মহাক্না খেলো ইন্দিয়া অমসুং ফিৎ ইন্দিয়াগুম্বা কেম্পেনশিংগী মতাংদা পল্লদুনা হায়, “নখোয়না হকচাং ফরবা খক্তদা সুপরহিৎ ওইনা ঙমগনি” অমসুং হকচাং ফনা থম্বদা মচি ওইবা চীঞ্জাক্কী থৌদাংগী মতাংদা ফোঙদোকখি। প্রধান মন্ত্রীনা হায় য়ুনাইতেদ নেসন্সনা ২০২৩গী চহি অসিবু ইন্তর্নেস্নেল ইয়র ওফ মিল্লেৎস হায়না পাঙথোক্লি অমসুং রাজস্থান অসি মিল্লেৎকী য়াম্না ফজবা চৎনবী, শ্রী অন্নগী হৌরকফম লমদম ওইরি। “রাজস্থানগী শ্রী অন্ন-বাজরা অমসুং শ্রী অন্ন-জ্বারনা লমদম অসিগী মশক তাক্লি” হায়না ফোঙদোক্লদুনা মফম অসিদা শেম্বা বাজরা পোরিজ অমসুং চুরমা নীংশিংখি। মহাক্না নহারোল পুম্নমক্তা মখোয়গী চীঞ্জাক্তা শ্রী অন্ন য়াওহনবা খক্তা নত্তনা মাগী ব্রান্দ এম্বেসেদর ওইনবা হায়খি।
প্রধান মন্ত্রীনা হায়খি লৈবাক অসিনা নহারোলগী অপুনবা চাউখৎ-থৌরাংগীদমক থবক পাইখৎলি অমসুং ঙসিগী নহারোলশিংনা মখোয়গী মলতি-তেলেন্তেদ অমসুং মলতি-দাইমেন্সনেল কেপাবিলিতীশিংনা মরম ওইদুনা লম অমা খক্তদা ফাজিনদুনা লৈবা পাম্লক্ত্রে। প্রধান মন্ত্রীনা হায় নাকল অমরোমদা মোদর্ন স্পোর্তস ইনফ্রাস্ত্রকচর শেমগৎলি অমরোমদনা অঙাংশিং অমসুং নহারোলগীদমক নেস্নেল দিজিতেল লাইব্রেরীগীদমক চহি অসিগী বজেৎতা প্রপোজ তৌখি অমসুং সহরদগী খুঙ্গং ফাওবগী থাক খুদিংমক্তা সাইন্স, সংস্ক্রৎ অমসুং হিস্তরীগুম্বা সবজেক্ত খুদিংমক্কী লাইরিকশিং ফংগনি।
স্পোর্তসকা মরী লৈনবা পোৎলমশিং অমসুং রিসোর্সশিং শারিবা এম.এস.এম.ই.শিংগী খুত্থাংদা মশিং য়াম্লবা মীওইশিংনা থবক ফংলি হায়না ফোঙদোক্লদুনা প্রধান মন্ত্রীনা হায়, “স্পোর্তস অসি শুপ্নগী জোনর খক্তা নত্তনা ইন্দস্ত্রী অমনি”। স্পোর্তস সেক্তরগা মরী লৈনবা এম.এস.এম,ই,শিং মপাঙ্গল কনখৎহন্নবা বজেৎ অসিদা মরু ওইবা ৱাফম কয়ামরুম লাউথোকখিবগী মতাংদা মহাক্না পাউদমখি। মহাক্না মেন্যুএল স্কিলশিং অমসুং খুৎকী খুৎলাইশিং পাইবা মীওইশিংদা চাউনা মতেং পাংগদৌরিবা পি.এম. বিশ্বাকর্ম কৌশল সম্মান হায়বদি পি.এম. বিকাস য়োজনা অসি খুদম ওইনা পীখি। মহাক্না হায় নহারোলশিংগীদমক অনৌবা মার্কেৎশিং শেমদুনা পি.এম. বিশ্বাকর্ম য়োজনানা মখোয়দা শেলগী তেংবাং পীদুনা ঐখোয়গী নহারোলশিংগীদমক অনৌবা থবক্কী খুদোংচাবশিং পীরগনি।
ৱারোল পীবা লোইশিল্লদুনা প্রধান মন্ত্রীনা হায়, “খোঙথাংশিং অসি থমোয় শেংনা লৌখৎলবা মতমদা শোইদনা অফবা ফলশিং ফংগনি”। মহাক্না হায় তোকিও ওলিম্পিক্স অমসুং কম্মনৱেল্থ গেম্স মনুংদা লৈবাক অসিনা লৌখৎখিবা খোঙথাংশিংগী মতাংদা পল্লদুনা হায় ফলশিং অদু মীপুম খুদিংমক্না উবা ফংখি। মহাক্না হায় জয়পুর মহাখেল মনুংদা লৌখৎখিবা খোঙথাংশিং অসিনা তুংলমচৎতা শোইদনা মহৈ য়ানগি। লোইশিনবদা প্রধান মন্ত্রীনা হায়, “নখোয়গী নরক্তগী লৈবাক্কী মথংগী গোল্দ অদি সিলভর মেদলিস্তশিং থোরক্কনি। করিগুম্বা নখোয়না অখাং কল্লবি নখোয়না ওলিম্পিক্সতসু মচু অহুমগী ফিরালগী মীংচৎ হেনগৎহনবা ঙমগনি। নখোয়না চৎপা মফম খুদিংমক্তা নখোয়না লৈবাক্কী মীংচৎ পুরক্কনি। ঐহাক্না থাজৈ ঐখোয়গী নহারোলশিংনা লৈবাক্কী মাইপাকপা মখা তানা পুরক্কনি”।
অতোপ্পশিংগা লোয়ননা থৌরম অসিদা জয়পুর রুরেলগী লোক সভা এম.পি. শ্রী রাজ্যবর্ধন সিংহ রাথোরনা শরুক য়াখি।
বেকগ্রাউন্দ
চহি অসিগী ওইনা কবাদ্দি কম্পিতিসন্দা মীৎয়েং থম্লিবা মহাখেল অসি জনুৱারী ১২, ২০২৩ হায়বদি নেস্নেল য়ুথ দেদগী পাঙথোকপা হৌখি। জয়পুর রুরেল লোক সভা কন্সতিত্যুএন্সীগী লেজিস্লেতিব এসেমব্লী রিজন ৮গী গ্রাম পঞ্চায়ৎ, ম্যুনিসিপাল অমসুং ৱার্দ ৪৫০ হেনবদগী নহারোল অমদি স্পোর্তসকী শান্নরোয় ৬৪০০ হেনবনা শরুক য়াবা উবা ফংখি। মহাকেল পাঙথোকপা অসিনা জয়পুরগী নহারোলশিংদা মখোয়গী স্পোর্তিং তেলেন্ত উৎথোক্নবা অমসুং মখোয়দা স্পোর্ত অসি কেরিয়র ওপ্সন অমা ওইনা লৌনবা উথিলসু পীনবা খুদোংচাবা অমা পীরি।
Events like Khel Mahakumbh help in harnessing sporting talent. pic.twitter.com/ug6KGCSzBk
— PMO India (@PMOIndia) February 5, 2023
राजस्थान की धरती तो अपने युवाओं के जोश और सामर्थ्य के लिए ही जानी जाती है। pic.twitter.com/EVYrER6cOb
— PMO India (@PMOIndia) February 5, 2023
आजादी के इस अमृतकाल में, देश नई परिभाषाएं गढ़ रहा है, नई व्यवस्थाओं का निर्माण कर रहा है। pic.twitter.com/IyiSzzTQwo
— PMO India (@PMOIndia) February 5, 2023
युवा भारत की युवा पीढ़ी के लिए असंभव कुछ भी नहीं है। pic.twitter.com/E1yjZ8KO2F
— PMO India (@PMOIndia) February 5, 2023
सांसद खेल महाकुंभ की वजह से देश की हजारों नई प्रतिभाएं उभरकर सामने आ रही हैं। pic.twitter.com/q1MpVZJkly
— PMO India (@PMOIndia) February 5, 2023
We are encouraging youngsters to pursue career in sports. Initiatives like TOPS is benefitting the youngsters to prepare for major sporting events. pic.twitter.com/Cpr2YYLJ06
— PMO India (@PMOIndia) February 5, 2023
भारत के प्रस्ताव पर यूनाइटेड नेशंस वर्ष 2023 को इंटरनेशनल मिलेट ईयर के तौर पर मना रहा है। pic.twitter.com/LHCV9xhdqn
— PMO India (@PMOIndia) February 5, 2023
देश युवाओं के सर्वांगीण विकास के लिए काम कर रहा है। pic.twitter.com/0XOUGU3Zqg
— PMO India (@PMOIndia) February 5, 2023
