Today, be it major nations or global platforms, the confidence in India is stronger than ever: PM
The speed of development of a Viksit Bharat is remarkable: PMMany aspirational districts have now transformed into inspirational districts of the nation: PMBanking the unbanked, Securing the unsecured and Funding the unfunded has been our strategy: PMWe have transformed the fear of business into the ease of doing business: PMIndia missed the first three industrial revolutions but is ready to move forward with the world in the fourth: PMIn India's journey towards becoming a Viksit Bharat, our government sees the private sector as a key partner: PM25 crore Indians have risen out of poverty in just 10 years: PMঙসি ন্যু দিল্লিদা প্রধান মন্ত্রী শ্রী নরেন্দ্র মোদী ই.তি নাউ গ্লোবেল ব্যুজিনেস সম্মিৎ ২০২৫ দা ৱা ঙাংখ্রে। থৌরম অদুদা প্রধান মন্ত্রীনা হায়খি মদুদি ঐখোয়গী সরকারগী অহুমশুবা তার্মদা অনৌবা খোঙজেল অমদা ভারত থবক তৌগনি। অনৌবা খোঙজেল অসি হৌজিক উরে অমসুং লৈবাক অসিনা শৌগৎলে। বিকসিত ভারতকী থবকশিংদা মপুংফানা শৌগৎপগীদমক ওরিসা, মহারাস্ত্রা, হরিয়ানা অমসুং ন্যু দিল্লিগী মীয়াম থাগৎপা ফোঙদোকচরি। বিকসিত ভারত অমগী পান্দম ফংনবা কমদৌনা লৈবাক অসিগী মীয়াম্না য়াম্না নকশিন্ননা থবক তৌরিবগে হায়বা মসিনা উৎলে।
প্রধান মন্ত্রীনা হায়খি ঙসিদি, মালেমগী অচৌবা লৈবাকশিং নত্ত্রগা মালেমগী লুপশিংনা, ভারত্ত থম্বা থাজবা হান্নদগী হেনগৎলে। মহাক ঙরাং ফ্রান্স অমসুং য়ু.এস.এ খোঙচত্তগী হল্লক্লে। পেরিসতা পাংথোকখিবা এ.আই এক্সন সম্মিৎতা ভারত থাজবগী মমি তারে। ঙসিদি, ভারত মালেমগী তুংলমচৎকী মরমদা খন্ন-নৈনবদা ময়াইদা লৈরে অমসুং থবক খরদশু মাঙজিল থারে। মসি ২০১৪ দগী ভারত্ত অনৌবা অওনবা কয়া পুরকখিবা অদুগী মখা চৎথরকপা অমনি। হৌখিবা চহি ১০ দা ভারত মালেমগী খ্বাইদগী চাউবা ইকোনোমি ৫ গী মনুং চেল্লে। চহি খর অসিদা ভারতনা মালেমগী অহুমশুবা খ্বাইদগী চাউবা ইকোনোমি ওইরকপা মীয়াম্না উবা ফংলগনি। য়াম্না য়াংবা খোঙজেল অমদা ভারত মাঙলোমদা চঙশিল্লি।
প্রধান মন্ত্রীনা হায়খি মদুদি থবক কন্না শুবা পামদবদগী মমাঙগী সরকারশিংনা অওনবশিং পুরকখিদে। ঙসিদি ভারত মপুংফানা থাজবগা লোবননা অওনবা কয়া পুরক্লে। লৈবাক অসিদা অচৌবা অহোংবশিংনা কমদৌনা অফবা অহোংবশিং পুরকপা ঙমগনি হায়বগী মতাংদা খন্ন-নৈনখিদে। লোয়লম লৈঙাক্কী পোৎলুম মখাদা হিংবা অসি ভারতকী হৈনবী অমা ওইরমখি। নিংতম্বা ফংলবা মতুংদা ফাওবা, বৃতিস মতমগী লেমহৌখাকশিং মখা তানা চৎনখি। ‘অচুম্বা ৱায়েন ফংহনবা থেংলবদি অচুম্বা ফংদে’ হায়বা ৱাহৈশিং অসি মতম কয়াগী মমাঙদগী তাদুনা লাক্লে, অদুবু মসিগী ৱাফম অসি কোকহন্নবা চপ চাবা থবকশিং পায়খৎখিদে। মতমগী মতুংইন্না, মীয়াম্না হায়রিবা থবকশিং অসি হৈনখি মরম অদুনা অহোংবা পুরকপা দরকার ওইবা অদু মখোয়না খঙখিদে। ফিবম অমনা অসিগুম্বা অফবা থবকশিং অসি খন্নখিদে অমসুং অসিগুম্বা খন্ন-নৈনবশিং থিংনবা শক্তি ফুদোকখি। গনতন্ত্র চৎপা লৈবাক অমদা, অফবা থবকশিংগী মরমদা খন্ন-নৈনবা অমসুং মরৈ য়েৎনবা অসি য়াম্না মরুওই। অরানবা ঙাংবা নত্ত্রগা অরানবা শন্দোকপা অসি গনতন্ত্রগী থকশিংনা হায়না খন্নরবা অমা লৈরমখি, করিগুম্বা অফবা থবকশিং খন্নরকপা মতমদা, গনতন্ত্র অসি মপাঙ্গল শোল্লি হায়নখি। মসিগী ৱাখল্লোন অসি থাদোকপা য়াম্না তঙাইফদে।
প্রধান মন্ত্রীনা হায়খি মদুদি ভারত্ত ১৮৬০ গী মতমদা পেনাল কোদশিংনা লোয়লম লৈঙাক মপাঙ্গল কনখৎহন্নবা অমসুং মীয়াম চৈরাক পীনবা পান্দম থমখি। চৈরাক পীবা খক্তদা য়ুম্ফম ওইবা লৈঙাক্ত অচুম্বা ফংহনবা ওইথোক্লোই অমসুং মসিনা মতম কয়া থেংথহল্লি। থা ৭-৮ গী মমাঙদা অনৌবা ভারতকী জুদিসিএল কোদ চৎনবা হৌবদগী অহোংবা কয়া পুরক্লে। খুদম অমা ওইনা, মীওই অহুম হাৎপগী কেস অমা এফ.আর.আই পানবদগী হৌরগা চৈরাক পীবা ফাওবদা শুপ্নগী নুমিৎ ১৪ খক চঙলে। মসিগা চপ মান্নবা মওংদা, নুমিৎ ২০ গী মনুংদা অঙাং অমা হাৎপগী কেস লোইশিল্লে।
প্রধান মন্ত্রীনা হায়খি মদুদি ওক্তোবর ৯,২০২৪ দা গুজরাত্ত থোকখিবা গেং রেপ কেস অমা ওক্তোবর ২৬ দা চার্জ সিত ফাইল তৌখি অমসুং ঙসি কোর্তনা মরাল লৈবা মীওই অদু চৈরাক পীরে। দিজিতেল ইভিদেন্সনা মরুওইবা থৌদাং অমা লৌদুনা, অন্ধ্র প্রদেসতা থা ৫ গী অঙাং অমদা চৎখিবা ক্রাইম অমগীদমক মরাল লৈবা মীওইদা চহি ২৫ গী চৈরাক ফংহনখ্রে। অতোপ্পা থৌদোক অমদা, অতোপ্পা রাজ্য অমদা ক্রাইম অমগীদমক হান্না জেলদা লৈরম্লবা মীওই অমা রেপ অমসুং মী হাৎপগী কেস অমদা ই-প্রিসন মোদুলনা মতেং পাংদুনা য়াম্না য়াংনা ফাখি। হৌজিক মীয়াম্না য়াম্না য়াংনা মতম চানা অচুম্বা ফংবা ঙম্লে।
লৌ অমসুং ইংখোলগী মপু ওইবগী মতাংদা অচৌবা অওনবা অমা পুরকপগী মতাংদা, প্রধান মন্ত্রীনা হায়খি য়ু.এনগী থিজিনবা অমগী মতুংইন্না লৈবাক অমদা লৌ অমসুং ইংখোলগী মপু ওইবগী হকশিং ফংদবা অসি অচৌবা খুদোংচাদবা অমনি হায়রি। মালেম শীনবা থুংনা মীওই মিল্লিয়ন কয়া আইনগী চে-চাংশিং লৈত্রি অমসুং লমগী চে-চাং পায়নবা হোৎনবদা লায়র তাহল্লে। অসিগুম্বা খুদোংচাদবা ফিবমশিং মমাঙগী সরকারশিংনা খঙখি অদুবু অসিগুম্বা অৱাবা থবকশিং অসি পায়খৎখিদে। মসিগী থৌওং অসিনা লৈবাক অমা শেমগৎপা নত্ত্রগা পানবা ওইথোক্লোই। শ্বামিতভা য়োজনা হৌদোক্তুনা লৈবাক অসিগী খুঙ্গং লাখ ৩ হেন্না দ্রোন সর্ভেশিং পাংথোক্লে অমসুং মীওই করোর ২.২৫ হেন্না লমগী কার্দশিং পায়রে। শ্বামিতভা য়োজননা মরম ওইদুনা, খুঙ্গংগী লমশিংদা লুপা করোর লাখ ১০০ হেনবগী লমশিংগী চে-চাং ফংহনখ্রে। হায়রিবা লমশিং অসি হান্নদগী লৈরক্লবনি, অদুবু লমগী চে-চাং পায়দবদগী শেন-থুম চাউখৎনবা থবকশিংদা শীজিন্নবা য়াখিদে। লমগী চে-চাং পায়দবদগী খুঞ্জাশিংনা বেঙ্কশিংদগী লোন লৌবা য়াখিদে। হৌজিক মসিগী খুদোংচাদবা অসি মতম চুপ্পগী ওইনা কোকহল্লে, য়োজনা অসিনা পীবা লমগী কার্দশিংনা কমদৌনা মীয়ামদা কান্নবা পীবগে হায়বগী মতাংদা লৈবাক শীনবা থুংবগী মফম কয়াদগী পাউ কয়া ফংলে।
স্কিম অসিগী মখাদা লমগী চে-চাং ফংলবী অমসুং চহি ২০ অপীকপা য়ুম অমদা মহাক্কী ইমুং-মনুং লৈরকপা অমসুং লমগী চে-চাং ফংলবা মতুংদা মহাক্না বেঙ্ক অমদগী লুপা লাখ ৮ গী লোন অমা ফংখিবী রাজস্থানদগী নুপী অমগা ৱারি শানখিবা থৌদোক অমা প্রধান মন্ত্রীনা পাউদমখি। শেনফম অসিদগী নুপী অদুনা দুকান অমা ফম্বা হৌখি আমসুং মদুদগী ফংলকপা শেনফম অদুনা মহাক্কী অঙাংশিং অৱাংবা থাক্কী লাইরিক তম্বদা শীজিন্নখি। অতোপ্পা রাজ্য অমগী অতোপ্পা থৌদোক অমগী মতাংদা, প্রধান মন্ত্রীনা হায়খি মদুদি খুঞ্জা অমনা বেঙ্ক অমদগী লুপা লাখ ৪.৫ গী লোন অমা লৌনবা মহাক্কী লমগী কার্দ শীজিন্নখি অমসুং পোৎ-চৈ পুথোক-পুশিনগী ললোন-ইতিক পাংথোক্নবা গারি অমা লৈখি। অতোপ্পা খুঙ্গং অমদা, লৌমী অমনা মহাক্কী লমগী কার্দ শীজিন্নদুনা লোন অমা লৌরগা লৌবুক্ত ঈশিং চাইনবা পোৎলমশিং লৈখি। হায়রিবা অওনবশিং অসিনা খুঙ্গংশিং অমসুং লায়রবশিংদা শেন তান্নবগী অনৌবা খুদোংচাবশিং ফংহল্লে। হায়রিবা ৱারিশিং অসি রিফোর্ম, পর্ফোম অমসুং ত্রান্সফোর্মগী অশেংবা ৱারিশিংনি অমসুং মসি মহৌশানা পাউচেশিং অমসুং তি.ভি চেন্নেলশিংদা থেংনরোই।
প্রধান মন্ত্রীনা হায়খি মদুদি অফবা লৈঙাক লৈতবনা মরম ওইদুনা নিংতম্বা মতুংদা লৈবাক অসিগী জিলা কয়া চাউখৎতনা লৈখি। হায়রিবা জিলাশিং অসিদা মীৎয়েং চঙবগী মহুত্ত, মখোয়না চাউখৎতবনি হায়না মিংথোন পীখি অমসুং মখোয়গী মরন্নাই ওইনা হুন্দোক্তুনা থমখি। কনাগুম্বা অমতনা মখোয়গী খুদোংচাদবশিং কোকহনবা পামখিদে অমসুং সরকারগী ওফিসারশিং চৈরাক পীবা ওইনা পোস্তিং পীখি। জিলা ১০০ হেন্না এস্পিরেসনেল দিস্ত্রিকশিং ওইনা লাউথোক্তুনা মসিগী থৌওং অসি ঐখোয়না হোংদোক্লে। লৈঙাক্কী থবকশিং ফগৎহন্নবা হায়রিবা জিলাশিং অসিদা নহা ওইরিবা ওফিসারশিং থারে, হায়রিবা জিলাশিং অসিদা সরকারগী মরুওইবা স্কিমশিং পায়খৎলে। ঙসিদি লৈবাক অসিগী এস্পিরেসনেল দিস্ত্রিক কয়া ইন্সপিরেসনেল দিস্ত্রিকশিং ওন্থোক্লে।
খুদম অমা পীরদুনা, প্রধান মন্ত্রীনা হায়খি ২০১৮ দা অসামগী বারপেতাদা ইলিমেন্তরি স্কুলশিংগী চাদা ২৬ খক অচুম্বা মহৈরোয় অমসুং ওজাগী রেসিও লৈরমখি, হৌজিক মসি চাদা ১০০ ওইরে। বিহারগী বেগুসারাইদা মীরোনবীশিং অহেনবা মচি ওইবা চীঞ্জাক ফংবা অসি চাদা ২১ ওইখি অমসুং য়ু.পিগী চান্দৌলিদা চাদা ১৪ ওইখি, ঙসিদি জিলা অনিমক চাদা ১০০ ফংলে। অঙাংশিংদা তিকা থাবগী থবক শিংথানিঙাই ওইনা ফগৎলে। য়ু.পিগী শ্রাবাস্তিদা চাদা ৪৯ দগী চাদা ৮৬ দা হেনগৎলে, তামিল নাদুগী রামানাথাপুরমদা চাদা ৬৭ দগী চাদা ৯৩ দা হেনগৎলে। অসিগুম্বা মাইপাকপশিং অসি উরগা, হৌজিক লৈবাক অসিদা ব্লোক ৫০০ এস্পিরেসনেল ব্লোকশিং ওইনা লাউথোক্লে অমসুং হায়রিবা মফমশিং অসিদা থবক য়াংনা পায়খৎলি।
প্রধান মন্ত্রীনা হায়খি মীফম অসিদা চহি কয়াগী লৌশিং লৈরবা ললোন-ইতিক্কী লুচিংবা কয়া শরুক য়ারি। ভারত্ত মখোয়গী ললোন-ইতিক্কী খুদোংচাবা কয়া পীনবা হৌখিবা চহি ১০ অসিদা অওনবা কয়া পুরক্লে। চহি ১০ গী মমাঙদাং, ভারতকী বেঙ্কশিং অৱাবা কয়া মায়োক্নখি অমসুং বেঙ্কগী থবকশিং ফিবম শোকখি, ভারতমচা মিল্লিয়ন কয়া বেঙ্কগী কান্নবশিং ফংখিদে। শেন্থং ফংনবা হোৎনবদা খ্বাইদগী ৱাবা লৈবাকশিংগী মনুংদা ভারত য়াওখি। বেঙ্কগী থবক মপাঙ্গল কনখৎহন্নবা সরকারগী লাল্লোংদি: বেঙ্ক একাউন্ত হাংদ্রিবশিং হাংদোকপা, লায়রবশিং অৱা-অনাদগী কনবা অমসুং শেন লৈত্রিবশিংদা শেন্থং পীবা অসিনি। হৌজিক খুঙ্গং খুদিংমক্ত কিমি ৫ গী মনুংদা বেঙ্ক ব্রাঞ্চ অমা নত্ত্রগা বেঙ্কিং করেসপোন্দেন্ত অমা লৈরে। মুদ্র য়োজননা বেঙ্কগী লোনশিং ফংদ্রিবা লনাই মীওইশিংদা লুপা করোর লাখ ৩২ রোম ফংহনখ্রে। এম.এস.এম.ইশিংনা য়াম্না লাইনা লোনশিং লৌবা য়াহল্লে অমসুং লম্বী নাকলদা পোৎ য়োল্লিবা মীওইশিং ফাওবা লাইনা লোনশিং ফংহনবগা লোয়ননা লৌমীশিংদা পীবা লোন শরুক অনিদা হেনগৎলে।
প্রধান মন্ত্রীনা হায়খি মদুদি সরকারনা মশিং য়াম্লবা লোনশিং অমসুং শেনফমশিং পীবা মতমদা বেঙ্কশিংগী শন্দোংশু হেনগৎলি। চহি ১০ গী মমাঙদা, বেঙ্কশিং শেন মাঙবা অমসুং এন.পি.এশিংগী মতাংদা পাউচেশিংগী ইদিতোরিএলশিং পীক থনখি। ঙসিদি, এপ্রিলদগী দিশেম্বর ফাওবদা, সরকারগী বেঙ্কশিংগী শেন্দোং লুপা করোর লাখ ১.২৫ হেল্লে। মসি পাউচেশিংগী হেদলাইনশিং খক্তদা অহোংবা পুরকপা নত্তে, বেঙ্কশিংগী অওনবশিং পুরক্লে অমসুং শেন্মিৎলোনগী য়ুম্বীশিং মপাঙ্গল কনখৎহনবা অদু উৎলে।
প্রধান মন্ত্রীনা হায়খি হৌখিবা চহি ১০ দা, ঐখোয়গী সরকারনা ললোন-ইতিক্কী অকিবা অসি ললোন-ইতিক পাংথোকপা নুংঙাইবদা ওন্থোক্লে। জি.এস.তিগী খুৎথাংদা অনৌবা অমতা ওইরবা কৈথেল অমা লিংখৎপদগী ইন্দস্ত্রিশিং কান্নবা ফংলে। হৌখিবা চহি ১০ অসিদা মমাঙদা অমুক্ত ওইখিদ্রিবা মওংদা ইনফ্রাস্ত্রকচর শেমগৎপদগী, পোৎ-চৈ পুথোক-পুশিনদা চঙবা খরচ হন্থরে অমসুং থবক ফগৎলে। সরকারনা কমপ্লাইয়েন্স চা কয়া মুৎথৎলে অমসুং জন বিশ্বাস ২.০ গী খুৎথাংদা কমপ্লাইয়েন্সশিং মশিং হন্থহল্লে। খুন্নাইদা সরকারনা অপনবা পীবা হন্থহন্নবা, দিরিগুলেসন কম্মিসন অমা লিংখৎলে।
প্রধান মন্ত্রীনা হায়খি তুংগীদমক থৌরাং তৌবগা মরী লৈনবা অচৌবা অওনবা অমা ভারতনা উবা ফংলে। অহানবা ইন্দস্ত্রিএল রিভোলুসন মনুংদা ভারত লোয়লম লৈঙাক্কী মনুংদা লৈখি। অনিশুবা ইন্দস্ত্রিএল রিভোলুসন মনুংদা, মালেম শীনবা থুংনা অনৌবা পুথোকপশিং অমসুং ফেক্তরি কয়া লিংখৎলকখি, ভারত্ত মফম অসিগী ইন্দস্ত্রিশিং মাঙহনখি অমসুং রো মেতরিএলশিং লৈবাক অসিগী মপান্দা পুখি। নিংতম্বা ফংলবা মতুংদা ফাওবা ফিবম অসিদা অহোংবা লাকখিদে। মালেম্না কম্পুতরগী অওনবদা চঙশিল্লকপা মতমদা, ভারত্ত কনাগুম্বা অমনা কম্পুতর অমা শানবা লাইসেন্স লৌখি। ভারতনা অহানবগী ইন্দস্ত্রিএল রিভোলুসন অহুমগী কান্নবশিং ভারতনা ফংখিদ্রবশু, মরিশুবা ইন্দস্ত্রিএল রিভোলুসন্দা মালেমগা লোয়ননা মাঙলোমদা চঙশিন্নবা হৌজিক ভারতনা থৌরাং তৌরে।
প্রধান মন্ত্রীনা হায়খি মদুদি বিকসিত ভারত অমা ওইরক্নবা মাইকৈদা চঙশিল্লিবা ভারতকী খোঙচত্ত, ঐখোয়গী সরকারনা প্রাইভেত সেক্তর অসি মরুওইবা খোঙলোয় অমা ওইনা উরি। স্পেস সেক্তর য়াওনা হৌজিক সেক্তর কয়া হাংদোক্লে অমসুং নহারোল কয়া অমসুং স্তার্দঅপশিংনা শিংথাবা য়ানা মতেং পাংলে। মীয়ামগী অথিংবা থম্লম্বা দ্রোন সেক্তরনা হৌজিক নহারোলশিংদা খুদোংচাবা কয়া পীরে। শেন্দোং তান্নবা কয়লা তানবগী থবকশিং হৌজিক লনাই ফার্মশিং শীন্নরে আমসুং লনাই কম্পেনিশিংদা নিলাম লাওবগী মনিংতম্বা পীরে। লৈবাক অসিগী রিন্যুএবল ইনর্জিগী মাইপাকপশিংদা লনাই কাংবুনা মরুওইবা থৌদাং লৌরি অমসুং পৱার দিস্ত্রিব্যুসনগী থবকশিংদা প্রাইভেস সেক্তর শরুক য়াবদা সরকারনা পুক্নিং থৌগৎলে। হন্দক্কী বজেত্ত শিংথানিঙাই ওইবা অহোংবা অমা ওইনা ন্যুক্লিয়ার সেক্তরদা লনাই কম্পেনি শরুক য়াবা য়াহল্লে।
প্রধান মন্ত্রীনা হায়খি ঙসিগী রাজনিতি অসি থবক ফজনা তৌবদা য়ুম্ফম ওইরে অমসুং মীয়ামগা লোয়ননা থবক তৌমিন্নবা অমসুং অফবা থবকশিং পাংথোকপশিং খক্ত হিংগনি হায়বা ভারতকী মীয়াম্না নাখৈ শেংনা উৎলে। সরকারনা মীয়ামগী খুদোংচাদবশিং উগদবনি অমসুং মমাংগী মীয়ামগী মীহুৎশিং মীয়ামগী খনবা ৱাৎখি অমসুং চপ চাবা ফিরেপ লৈখিদে। ঐখোয়গী সরকারনা মীয়ামগী অৱাবশিং খঙলে অমসুং মখোয়গী অৱাবশিং কোকহন্নবা দরকার ওইবা থবকশিং পায়খৎলে। হৌখিবা চহি ১০ অসিদা মীয়ামগী তঙাইফদবশিং ফংহনবা অমসুং মীয়ামগী ফিবম ফগৎহনবদগী ভারতমচা করোর ২৫ লায়রবা কোক্লে। লায়রবা কোক্লবা মশিং য়াম্লবা কাংবু অসি হৌজিক নিও-মিদল ক্লাসগী শরুক অমা ওইরে অমসুং হৌজিক মখোয়গী অহানবা চকা অনি পানবা গারি, অহানবা কার অমসুং অহানবা য়ুমগী মঙ মঙলে। মিদল ক্লাস শৌগৎনবা হন্দক্কী বজেত্ত লুপা লাখ ১২ ফাওবা ইনকম তেক্স কোমথোক্লে অমসুং শেন-থুমগী থবকশিং ফগৎহল্লে। হায়রিবা মাইপাকপশিং অসি থবক তৌবা অমসুং মীয়ামগী অৱাবা উবা সরকার অমা লৈবদগী ঙম্বনি।
প্রধান মন্ত্রীনা হায়খি মদুদি বিকসিত ভারত অমগী অশেংবা য়ুম্ফমদি থাজবনি অমসুং মসিগী মচাক অসি মীওই খুদিংমক, সরকার খুদিংমক অমসুং ললোন-ইতিক্কী লুচিংবা খুদিংমক্কী তঙাইফদবনি। মীয়ামগী মরক্ত থাজনবা লৈহন্নবা অকনবা থৌনাগা লোয়ননা সরকারনা থবক পায়খৎলি। মখোয়গী অনৌবা ৱাখলশিং মপুংফাহন্নবা ফিবম অমা ইন্নোবেতরশিংদা ফংহল্লে, তংদু লৈতাবা অমসুং মতেং পাংবা থৌশিলশিং ললোন-ইতিকশিংদা পীরে। মসিগী থাজবা অসি ই.তি সম্মিৎনা হেন্না মপাঙ্গল কনখৎহনগনি হায়বগী থাজবা থম্লি।
Click here to read full text speech
Today, be it major nations or global platforms, the confidence in India is stronger than ever. pic.twitter.com/PSSrV0eu7h
— PMO India (@PMOIndia) February 15, 2025
The speed of development of a Viksit Bharat... pic.twitter.com/mGSK5BKXGo
— PMO India (@PMOIndia) February 15, 2025
Many aspirational districts have now transformed into inspirational districts of the nation. pic.twitter.com/BJ5jMICwaY
— PMO India (@PMOIndia) February 15, 2025
Banking the unbanked…
— PMO India (@PMOIndia) February 15, 2025
Securing the unsecured…
Funding the unfunded… pic.twitter.com/9GL9RuQzTf
We have transformed the fear of business into the ease of doing business. pic.twitter.com/JuQMI1HMRw
— PMO India (@PMOIndia) February 15, 2025
India missed the first three industrial revolutions but is ready to move forward with the world in the fourth. pic.twitter.com/hddH3jozrO
— PMO India (@PMOIndia) February 15, 2025
In India's journey towards becoming a Viksit Bharat, our government sees the private sector as a key partner. pic.twitter.com/wMIERqTUW4
— PMO India (@PMOIndia) February 15, 2025
