ঙসি প্রধান মন্ত্রী শ্রী নরেন্দ্র মোদীনা নিউ দিল্লিগী ভারত মন্দাপমদা ভারতকী খ্বাইদগী চাউবা অমসুং মখল অসিগী অহানবা মোবিলিতি একজিবিসন-ভারত মোবিলিতি গ্লোবেল এক্সপো ২০২৪ থৌরমদা ৱা ঙাংখ্রে। মহাক্না এক্সপোশু য়েংখি। ভারত মোবিলিতি গ্লোবেল এক্সপো ২০২৪ দা মোবিলিতি অমসুং ওতোমোতিপ ভেলু চেনশিংদা ভারতকী তৌবা ঙম্বশিং উৎলি। এক্সপো অসিদা একজিবিসনশিং, মীফমশিং, বয়ার-সেল্লর মীতশিং, স্তেৎ সেসনশিং, রোদ সেফতি পেভিলিয়ন অমসুং মীয়ামগী ওইবা গো-কার্তিংগুম্বা থৌরমশিং পাংথোক্কনি।
তিনখিবা মীয়ামদা ৱা ঙাংবদা, প্রধান মন্ত্রীনা হায়খি অচৌবা থৌরম অসিগীদমক ভারতকী ওতোমেতিপ ইন্দস্ত্রি থাগৎচরি অমসুং এক্সপোদা মখোয়গী পোৎথোকশিং উৎপগীদমক একজিবিতরশিং থাগৎচরি। লৈবাক অসিদা অসিগুম্বা অচৌবা থৌরমশিং পাংথোকপা অসিদা মহাক অপেনবা ফাওই। দিল্লিগী মীয়াম ভারত মোবিলিতি গ্লোবেল এক্সপো ২০২৪ য়েংগদবনি অমসুং মসিদা মোবিলিতি অমসুং সপ্লাই চেনগী কাংলুপ মফম অমদা পুল্লে।
প্রধান মন্ত্রীনা হায়খি মহাক্কী অহানবা তার্মদা মোবিলিতিগা মরী লৈনবা মীফম অমা পাংথোকখ্রে অমসুং মহাক্না বেত্তরি অমসুং ইলেক্ত্রিক গারিশিংদা মীৎয়েং থমখি অমসুং মহাক্কী অনিশুবা তার্মদা শিংথাবা য়ানবা চাউখৎলকপা উবদা অপেনবা ফাওই অমসুং অহুমশুবা তার্মদা মোবিলিতিগী অনৌবা চাউখৎপশিং উরগনি।
২০৪৭ দা চাউখৎলবা ভারত অমা ওইহন্নবা পান্দম অমুক হন্না নিংশিংলদুনা প্রধান মন্ত্রীনা হায়খি হৌজিক অসি চপ চারবা মতমনি। ভারত চঙশিল্লি অমসুং য়াংনা চঙশিল্লি। হৌজিক অসি মোবিলিতি সেক্তরগী অমৃত কাল হৌরকপনি। ভারতকী শেন্মিৎলোন য়াংনা চাউখৎলক্লি অমসুং হৌজিক লৈরিবা সরকার অসিগী অহুমশুবা তার্মদা মালেমদা অহুমশুবা খ্বাইদগী চাউবা ইকোনোমি ওইনবা ভারতনা থৌরাং তৌদুনা লৈরে। হৌখিবা চহি ১০দা সরকারনা কন্না হোৎনবদগী মীওই করোর ২৫ লায়রবা কোক্লে। মীওই অমা লায়রবা কোক্লকপা মতমদা, চৎথোক-চৎশিনগী পাম্বৈ অসি সাইকল অমা, চকা অনি পানবা গারি নত্ত্রগা চাকা মরি পানবা গারি অমা অহানবা ওইনা দরকার ওইরকই। নিও-মিদল ক্লাসশিংগী দরকার ওইবশিং ফংহন্নবা হোৎনবা অসি য়াম্না মরুওই। লৈবাক অসিগী মিদল ক্লাসশিংগী শেন্থোক হেনগৎলকপা অসিনা ভারতকী মোবিলিত সেক্তরদা থৌনা হাপ্লগনি।
শ্রী মোদীনা হায়খি শেন-থুমগী ফিবম ফগৎলকপা অমসুং শেন্থোক হেনগৎলকপা মশিং অসিনা মোবিলিতি সেক্তরদা অনৌবা থাজবা লৈহল্লে। ২০১৪ গী চহি ১০গী মমাংদা ভারত্তা কার করোর ১২ য়োনখিবা অদু ২০১৪গী মতুংদা কার করোর ২১ য়োনখি। চহি ১০গী মমাংদা চহি অমদা ইলেক্ত্রিক কার লিশিং ২ য়োনখিবা অদু হৌজিক চহি অমদা কার লাখ ১২ য়োল্লে। হৌখিবা চহি ১০দা পেসেঞ্জর গারি চাদা ৬০ হেনগৎলে অমসুং চাকা অনি পানবা গারি চাদা ৭০ হেনগৎলে। জনুৱারিদা থাদা য়োনখিবা কার মশিং অসি হান্নগী রেকোর্দশিং থুগায়রে। লৈবাক অসিদা মোবিলিতি সেক্তরনা মমাঙদা অমুক্তা ওইখিদ্রিবা ফিবম অমা উবা ফংলে অমসুং অদোম্না মসিগী কান্নবা লৌগদবনি।
প্রধান মন্ত্রীনা হায়খি তুংগী দরকার ওইবশিং য়েংলগা ঙসিগী ভারতনা অনৌবা থৌশিলশিং শেম্লি। ২০১৪ দা ভারতকী কেপিতেল এক্সপেন্দিজর অসি লুপা করোর লাখ ২ গী মখাদা লৈখি অমসুং ঙসিদি লুপা করোর লাখ ১১ হেল্লে। মসিনা ভারতকী মোবিলিতি সেক্তরদা খুদোংচাবা কয়া পীরে। মমাঙদা অমুক্তা ওইখিদ্রিবা ফিবম অমদা রেল, লম্বী, এয়রপোর্ত, ঈশিং লম্বী অমসুং মখল খুদিংমক্কী ত্রান্সপোর্ততা চাদিং তৌরে।
প্রধান মন্ত্রীনা হায়খি অপীবা মতমগী মনুংদা ইঞ্জিনিয়ারিংগী অঙকপা অতল তন্নেল অমসুং অতল সেতু লোইশিল্লে। হৌখিবা চহি ১০দা ভারত্তা অনৌবা এয়রপোর্ত ৭৫ শেমগৎলে অমসুং কিমি লাখ ৪গী খুঙ্গংগী লম্বীশিং অমসুং কিমি ৯০,০০০গী নেসনেল হায়ৱেশিং শেমগৎলে, কিমি ৩৫০০গী হায়-স্পিৎ কোরিদোরশিং শেমগৎলে, অনৌবা সহর ১৫ দা মেত্রো লৈরে অমসুং রেল লম্বী ২৫,০০০ শেমগৎলে। রেল কোচ ৪০,০০০ অনৌবা বন্দে ভারত মখলগী বোগিশিং ওন্থোক্নবা বজেত্তা লাউথোক্লে। হায়রিবা কোচশিং অসি হান্নগী ত্রেনশিংদা হাপচিন্দুনা ভারত রেলৱেজ অওনবা পুরক্লগনি।
প্রধান মন্ত্রীনা হায়খি ঐখোয়গী সরকারগী খোঙজেল অমসুং পাক-চাউবা অসিনা ভারত্তা মোবিলিতিগী মশক হোংহল্লে। লোজিস্তিক্সকী খুদোংচাদবশিং কোকহন্নবা থবকশিং পায়খৎলে। পি.এম নেসনেল গাতি শক্তি মাস্তরপ্লান্না লৈবাক অসিদা অপুনবা ত্রান্সপোর্ত চাউখৎহল্লে। এয়রক্রা অমসুং জহাজ লিজ তৌনবা গিফ সিতি রিগুলেতোরি ফ্রেমৱার্ক পুথোক্লে। নেসনেল লোজিস্তিক্স পোলিসিনা লোজিস্তিক্সকী খুদোংচাদবশিং কোকহল্লে। দেদিকেদেদ ফ্রেদ কোরিদোরশিংনা পুথোক-পুশিনগী চাদিং হন্থহল্লে। কেন্দ্রগী বজেত্তা লাউথোকখিবা রেলৱেজ ইকোনোমিক কোরিদোর অহুমনা লৈবাক অসিদা চৎথোক-চৎশিন নুংঙাইহল্লগনি।
প্রধান মন্ত্রীনা হায়খি ললোন-ইতিক ফগৎহনবা অমসুং রাজ্যশিংগী ঙমখৈশিংদা চেক পোস্তশিং লৌথোকপদা গুদস অমসুং সর্বিস তেক্স(জি এস তি)না অওনবা পুরকখি। ফাস্ত-তেগ তেক্নোলোজিনা থাউ অমসুং মতম কনবা ঙম্লে। ফাস্ত-তেগ তেক্নোলোজিনা ইকোনোমিদা চহিগী ওইনা লুপা করোর ৪০,০০০ গী কান্নবা পীরে।
শ্রী মোদীনা হায়খি ওতো অমসুং ওতোমেতিপ কম্পোনেন্ত ইন্দস্ত্রিনা মরুওইবা থৌদাং অমা লৌদুনা, ভারত হৌজিক মালমেগী শেন-থুমগী শক্তি অমা ওইরক্নবা ঙাইদুনা লৈরে। ঙসি ভারত পেসেঞ্জর গারি খ্বাইদগী য়াম্না পুথোকপা মালেমদা অহুমশুবা লৈবাক ওইরে অমসুং ললোন-ইতিক্কী গারি শাবা মালেমগী মকোক থোংবা লৈবাক অহুমগী মনুংদা য়াওরে। সরকারনা প্রদক্সন লিঙ্ক ইন্সেন্তিপ(পি এল আই) স্কিম হৌদোক্তুনা সেক্তর কয়া মতেং পাংলে। ইন্দস্ত্রিগী ওইনা, সরকারনা লুপা করোর ২৫,০০০ হেনবগী প্রদক্সন লিঙ্ক ইন্সেন্তিপ(পি এল আই) স্কিম অমা পায়খৎলে।
প্রধান মন্ত্রীনা হায়খি নেসনেল ইলেক্ত্রিক মোবিলিতি মিসন্না ইলেক্ত্রিক গারিশিং পুথোকপা হেনগৎহল্লে। ইলেক্ত্রিক গারিশিং পাম্নবা হেনগৎহন্নবা সরকারনা লুপা করোর লিশিং ১০ থাদরে। ফেম স্কিমনা লৈবাক অসিগী কোনুং অমসুং অতোপ্পা সহরশিংদা ইলেক্ত্রিক বসশিং চেনহল্লে। রিছার্স অমসুং ইন্নোবেসন পুক্নিং থৌগৎনবা চহি অসিগী বজেত্তা লুপা করোর লাখ ১ গী ফন্দ অমা কাইথোক্লে অমসুং স্তার্দঅপশিংদা তেক্স কোমথোকপা মখা তানা শাংদোক্লে। হায়রিবা ৱারেপশিং অসিনা মোবিলিতি সেক্তরদা অনৌবা খুদোংচাবশিং পীরগনি। ইলেক্ত্রিক গারিগী ইন্দস্ত্রিদা খ্বাইদগী চাউনা মায়োক্নরিবা অৱাবা অসি মমল অমসুং বেত্তরিনি। হিরম অসিদা থিজিন্নবা হায়রিবা ফন্দশিং অসি শীজিন্নগদবনি।
প্রধান মন্ত্রীনা হায়খি ভারত্তা মরাংকাইনা ফংলবা রো মেতরিএলশিংদগী বেত্তরি শানবা থিজিন্নবা ইন্দস্ত্রিনা থবক পায়খৎকদবনি অমসুং গ্রিন হায়দ্রোজেন অমসুং ইথানোলগী হিরমশিংদা চঙশিনগদবনি। করিগীদমক ভারত্তা ফংবা রো মেতরিএলশিং শীজিন্নদুনা বেত্তরিশিং পুথোক্নবা থিজিল্লোইদৌরিবনো? ওতো সেক্তরনা গ্রিন হায়দ্রোজেন অমসুং ইথানোলগী লমদা থিজিনগদবনি।
প্রধান মন্ত্রীনা হায়খি সিপ্পিং ইন্দস্ত্রিদা হায়ব্রিদ ভেসেলশিং পুথোক্নবা লৈবাক অসিনা মশানা শেমগৎচবা তেক্নোলোজি শীজিন্নবা য়াম্না মরুওই। লৈবাক অসিনা মশানা শেমগৎচবা তেক্নোলোজি শীজিন্নদুনা হায়ব্রিদ ভেসেলশিং পুথোক্নবা মাইকৈদা ভারতকী সিপ্পিং মিনিস্ত্রিনা থবক পায়খৎলে। স্তার্দঅপশিংনা মরম ওইদুনা লৈবাক অসিদা দ্রোন সেক্তর অনৌবা থাকশিং য়ৌরে অমসুং দ্রোনশিংগী মরমদা থিজিন্নবা ফন্দশিং শীজিন্নগদবনি। ঈশিংগী লম্বীশিং শীজিন্নদুনা শেন য়াম্না চঙহন্দনা চৎথোক-চৎশিন তৌবা য়ারে অমসুং লৈবাক অসিনা মশানা শেমগৎচবা তেক্নোলোজি শীজিন্নদুনা হায়ব্রিদ ভেসেলশিং পুথোক্নবা সিপ্পিং মিনিস্ত্রিনা থবক পায়খৎলি।
প্রধান মন্ত্রী মোদীনা হায়খি মোবিলিতি ইন্দস্ত্রিদা দ্রাইভরশিংগী মীওইবগী নুংঙাই-য়াইফবগী মাইকৈদা পুক্নিং চঙগদবনি। দ্রক দ্রাইভরশিংনা অৱাবা কয়া মায়োক্নরি। ত্রক দ্রাইভরশিং অমসুং মখোয়গী ইমুং-মনুংশিংগী অৱাবশিং সরকারনা খঙলে। অনৌবা স্কিম অমগী অহানবা তাঙ্কক্তা চীঞ্জাক, অফবা থক্নবা ঈশিং, তোইলেতশিং, পার্কিং অমসুং দ্রাইভরশিংগী পোথাফমশিং য়াওরবা মতমগা চুনরবা বিল্দিং ১০০০ নেসনেল হায়ৱেশিংদা শেমগৎলে। মসিনা ত্রক দ্রাইভরশিং অমসুং তেক্সি দ্রাইভরশিং অনিমক হিংবদা লাইহনগনি অমসুং চৎথোক-চৎশিন নুংঙাইহনগনি অমসুং মখোয়গী হকশেলগী ফিবম ফগৎহনগনি অমসুং এক্সিদেন্তশিং থোকপা হন্থহনবদা মতেং পাংগনি।
মথং চহি ২৫ দা মোবিলিতি সেক্তরগী খুদোংচাবশিং পল্লদুনা, প্রধান মন্ত্রীনা হায়খি হায়রিবা খুদোংচাবশিং অসি মপুংফনা শীজিন্ননবা ইন্দস্ত্রি মশামক অওনবা পুরক্কদবনি। মোবিলিতি সেক্তরদা তেক্নিকেলগী শিন্মীশিং অমসুং ত্রেন তৌরবা দ্রাইভরশিং য়াম্না ৱাৎলি। ঙসি লৈবাক অসিদা আই.তি.আই লিশিং ১৫ হেনবনা ইন্দস্ত্রি অসিদা মেনপৱার পীরি। ইন্দস্ত্রিনা দরকার ওইবা কোর্সশিং হাংদোক্নবা আই.তি.আইশিংগা পুন্না থবক তৌমিন্নগদবনি। অমনবা গারিশিং চপখায়নবগীদমক পীরকপদা অনৌবা গারিশিংদা রোদ তেক্স কোমথোক্নবা সরকারগি স্ক্রাপ্পেজ পোলিসি লৈরে।
প্রধান মন্ত্রীনা হায়খি এক্সপো অসিদা ভারতকী থৌনা উৎলি। ঙসি ঐখোয়না অরিবা অপনবশিং লৌথোকপা অমসুং মালেম অসি অমতা ওইহনবা পাম্মী। মালেমগী সপ্লাই চেন্দা ভারতকী থৌদাং হেনগৎহনবা ঐখোয়না পাম্মী। ভারতকী ওতো ইন্দস্ত্রিদা মপান নাইদ্রবা খুদোংচাবা কয়া লৈরে। অমৃত কালগী পান্দমগা লোয়ননা অমসুং ভারত মালেমদা লুচিংবা অমা ওইহন্নবা মাঙলোমদা চঙশিনগদবনি। লৌমীশিংগী মতেংগা লোয়ননা তয়ার ইন্দস্ত্রিনা মপান লৈবাকশিংদগী রব্বরশিং পুশিল্লকপা হন্থহনগদবনি।
অরোইবদা মহাক্না হায়খি অপীকপা ৱাখল থাদোক্কদবনি অমসুং মতেং পীনবগী ৱাখল চেনগদবনি। ইন্দস্ত্রি অসিনা লৈবাক অসিগী মশাগী ওইবা দিজাইনগী হৈশিংবা অদু য়োকখৎকদবনি। অদোম্না নশামক থাজবা মতমদা, মালেম শীনবা থুংনা অদোম থাজগনি। অদোম্না মীৎয়েং তারিবা অদু, অদোম্না উরিবা গারিশিং অদু অদোমগী ওইগদবনি।
থৌরম অদুদা শরুক য়াখিবশিংগী মনুংদা কম্মর্স অমসুং ইন্দস্ত্রিগী য়ুনিয়ন মিনিস্তর শ্রী পিয়ুস গোয়াল, রোদ, ত্রান্সপোর্ত অমসুং হায়ৱেজগী য়ুনিয়ন মিনিস্তর শ্রী নিতিন গাদকারি, মাইক্রো, স্মোল অমসুং মেদিয়ম ইন্তরপ্রাইজেসগী য়ুনিয়ন মিনিস্তর শ্রী নরায়ন রানে, পেত্রোলিয়ম অমসুং নেচরেল গ্যাসকী য়ুনিয়ন মিনিস্তর শ্রী হরদিপ সিংহ পুরি অমসুং হেভি ইন্দস্ত্রিসকী য়ুনিয়ন মিনিস্তর শ্রী মহেন্দ্র নাথ পান্দে য়াওখি।
নুঙগীৱারোল
লৈবাক ৫০ হেনবগী একজিবিতর ৮০০ হেনবা শরুক য়াদুনা অৱাংবা থাক্কী তেক্নোলোজিশিং, স্তেনেবল সোলুসনশিং অমসুং মোবিলিতিগী অনৌবশিং উৎখি। এক্সপো অসিদা গারি শাবা কম্পেনি ২৮ হেন্নবা অমসুং ওতো কম্পোনেন্ত শাবা কম্পেনি ৬০০ হেন্না শরুক য়াখি। মালেমগী কৈথেল ১৩ হেনবগী ব্রান্দ ১০০০ হেনবনা মখোয়গী পোৎথোকশিং, তেক্নোলোজিশিং অমসুং সর্বিস থৌরম অদুদা উৎকনি।
একজিবিসন অমসুং কনফরেন্সশিংগা লোয়ননা থৌরম অদুদা মোবিলিতিগী থবকশিং ফগৎহন্নবা জাতি অমসুং রিজনেলগী থাকশিংদা পুন্না থবক তৌমিন্নদুনা রাজ্যশিংনা পায়খৎলিবা থবকশিং উৎকনি।
आज का भारत, 2047 तक विकसित बनने के लक्ष्य को लेकर आगे बढ़ रहा है: PM @narendramodi pic.twitter.com/ewrGSTQGfF
— PMO India (@PMOIndia) February 2, 2024
India is on the move, and is moving fast: PM @narendramodi pic.twitter.com/Gf3lRDx2mi
— PMO India (@PMOIndia) February 2, 2024
हम समुद्र और पहाड़ों को चुनौती देते हुए एक के बाद एक engineering marvel तैयार कर रहे हैं, वो भी record समय में: PM @narendramodi pic.twitter.com/g6xlcWZhxz
— PMO India (@PMOIndia) February 2, 2024
हमारी सरकार की Fame Scheme भी बहुत सफल रही है।
— PMO India (@PMOIndia) February 2, 2024
इसी स्कीम के तहत आज राजधानी दिल्ली समेत कई शहरों में हजारों इलेक्ट्रिक बसें चलनी शुरू हुई हैं: PM @narendramodi pic.twitter.com/RCsh4VF0CI
जो ट्रक चलाते हैं, जो टैक्सी चलाते हैं, वो ड्राइवर हमारी सामाजिक और आर्थिक व्यवस्था का एक अभिन्न हिस्सा हैं: PM @narendramodi pic.twitter.com/lwltLDzp1C
— PMO India (@PMOIndia) February 2, 2024
