“লাইনীং-লাইশোনগী ওইবা হীরমগা লোয়ননা মীয়ামগী শেবা তৌবগী ৱাখল্লোনগা লোয়ননা ভক্তাশিংনা এন্তপ্রাইস অসিদা শরুক য়াগদবনি”
মীয়ামদা ওর্গানিক ফার্মিং, অনৌবা লৌউ-শিংউগী মওং-মতৌশিং পাইখৎনবা হায়খ্রেপ্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী থোংদা গুজরাত্তা উমিয়া মাতা ধাম লাইশঙ অমসুং লাইশঙনা কোল্লিবা মফমশিং য়াওনা মা উমিয়া ধামগী চাউখৎ-থৌরাংগী প্রোজেক্তকী উরেপ উয়ুং তম্বদা ৱা ঙাংখ্রে।
ধান মন্ত্রীনা হায়খি প্রোজেক্ত অসি ‘সবকা প্রয়াস’কী ৱাখল্লোন অসিগী মতিক চারবা খুদম অমনি মরমদি মসিগী অফবা প্রোজেক্ত অসিনা ময়াম্না হোৎনরিবশিং অসি থুংহল্লগনি। মহাক্না হায়খি লাইনীং-লাইশোনগী ওইবা হীরমগা লোয়ননা মীয়ামগী শেবা তৌবগী ৱাখল্লোনগা লোয়ননা ভক্তাশিংনা এন্তপ্রাইস অসিদা শরুক য়াগদবনি মরমদি মীয়ামগী শেবা তৌবা হায়বা অসি খ্বাইদগী চাউবা থৌনিবনি।
প্রধান মন্ত্রীনা ওর্গনাইজেসন অসিগী হীরম পুম্নমক্তা স্কিল দিবেলপমেন্তগী মচাক য়াওহন্নবা মীতিন অদুদা হায়খি। “ঐখোয়গী ঙল্লিঙৈ মতমশিংদা ইমুং-মনুংদা স্ত্রকচর অদু শেমগৎলম্মি অমদি স্কিল অদু লেগেসী ওইনা মথংগী মীরোন অদুদা খুৎশিন্নরম্মি। হৌজিক খুন্নাইগী লৈরিবা মওং অসিদা অহোংবা কয়া লাক্লে অদুনা ঐখোয়না মসিগী মথৌ তাবা মেকানিজম অদু শেমগৎতুনা মসি শাবগদবনি” হায়না মহাক্না ফোঙদোকখি।
শ্রী মোদীনা বেতি বচাও বেতি পরাও কেম্পেনগী মনুংদা মহাক্না উনঝাদা চৎখিবা অদুগী মতাংদা ফোঙদোকখি। খোঙচৎ অদুগী মনুংদা নুপী পোকপগী চাং খঙহন হন্থরকপা অসি মহাক্না লায়না অমনি হায়না খনখি। মহাক্না খুদোংথীবা অসি মীয়াম্না খংবীদুনা নুপীমচা মশিংগা নুপামচা মশিংগা চাউরাক্না মান্নরকপগী ফীভম অমা তপ্না তপ্না লাক্লিবা অসিগীদমক মীয়াম্বু থাগৎপা ফোঙদোকখি। মসিগা মান্ননা মহাক্না ইমা উমিয়াগী থৌজাল অমসুং মফম অদুগী ঈশিংগী অৱাবদা লাকশিন্নবা ভক্তাশিংনা শরুক য়াখিবা অদু নীংখি। মহাক্না দ্রিপ ইরিগেসন সিস্তেম চাউনা পাইখৎপগীদমক মখোয়দা থাগৎপা ফোঙদোকখি।
প্রধান মন্ত্রীনা হায়খি করিগুম্বা মা উমিয়া অসিনা লাইনীং-লাইশোনগী লমজিং লমতাকপীবা ওইরবদু ঐখোয়গী লম অসিনা ঐখোয়গী থৱায়নি। মহাক্না লমদম অসিদা সোইল হেল্থ কার্দ শীজিন্নবদা অপেনবা ফোঙদোকখি। মহাক্না মীয়ামদা গুজরাতজী অৱাং থংবা লমদমদা ওর্গানিক ফার্মিং তৌনবা হায়খি। ওর্গানিক ফার্মিং অসি জেরো বজেৎ ফার্মিং হায়নসু খঙনৈ। “ ফরে করিগুম্বা অদোম্না ঐহাক্না হায়জরিবা অসি চুনদে খল্লবদি ঐহাক্না অতোপ্পা পাম্বৈ অমগা হায়জগে। করিগুম্বা অদোম্না লম একর ২ লৈরবদি য়ামদ্রবদা একর ১দা ওর্গানিক ফার্মিং তৌবীয়ু লেমহৌরিবা একর অমা অদু হান্নগুম্বা লৌ উবীয়ু। হায়রিবা অসি চপ মান্ননা মথংগী চহিদা য়েংবীয়ু। করিগুম্বা অদোমদা মসি কান্নরবদি অদোমনা অপুনবা একর ২ অদু ওর্গানিক ফার্মিং তৌবীয়ু। মসিনা শেল চংহল্লোই অমসুং ঐখোয়গী লম অসি লৈহাও চেলহনগনি”, হায়না মহাক্না হায়জখি। মহাক্না দিসেম্বর ১৬তা পাঙথোক্কদবা ওর্গানিক ফার্মিংগী প্রোগ্রাম অসিদা শরুক য়ান্নবা ময়ামদা বর্তন তৌখি। মহাক্না ময়ামদা অনৌবা লৌ উবগী মওং-মতৌশিং অমসুং অনৌবা মহৈ-মরোংশিং থানবা হায়খি।
