Quoteঙসি ভারতনা মশাগী ওইবা লৌশিং, চৎনবী অমসুং অরিবা মতমগী তাকপীরম্বশিংদা য়ুম্ফম ওইদুনা মাংদা চংশিল্লি: পি.এম.
Quoteঐখোয়না ভিকসিৎ ভারতকী অচেৎপা ফিরেপকা লোয়ননা অমৃত কালগী অনৌবা খোঙচৎ অমা হৌখ্রে, ঐখোয়না মসি থাখিবা মতমগী মনুংদা লোইশিনবা ঙম্নবা হোৎনগদবনি: পি.এম.
Quoteঐখোয়না লৈবাক শেমগৎপগী লম পুম্নমক্তা লমজিংনবগীদমক ঙসি ঐখোয়গী নহারোলবু শেম শাগদবনি, ঐখোয়গী নহারোলনা রাজনিতীদসু লৈবাক অসি লমজিংগদবনি: পি.এম.
Quoteঐখোয়গী ফিরেপতি 21শুবা চহিচাগী ভারতকী রাজনিতী, লৈবাক্কী তুংলমচৎকী অনৌবা শক্তম ওইগদবা হৈশিংবা অমসুং ইনর্জেতিক ওইবা নহারোল লাখ অমা রাজনিতীদা পুশিনবনি: পি.এম.
Quoteস্পিরিচুএলিতী অমসুং সস্তেনেবল দিবেলপমেন্তগী মরু ওইবা ৱাখল্লোন অনি অসি নীংশিংবা মরু ওই, ৱাখল্লোন অনি অসি হর্মোনাইজ তৌদুনা ঐখোয়না অফবা তুংলমচৎ অমা শেমগদবনি: পি.এম.

প্রধান মন্ত্রী শ্রী নরেন্দ্র মোদীনা ঙসি  ভিদিও কনফরেন্সকী থোংদা গুজরাতকী রামকৃষ্ণ মথতা থৌরম অমদা ৱা ঙাংখ্রে। মীয়াম তিনখিবা অদুদা ৱা ঙাংলদুনা শ্রী মোদীনা ইকাই খুম্নরবা শ্রীমত স্বামী গৌতমানন্দ জী মহারাজ, ভারত অমসুং মপান লৈবাক্তগী লাকপা রামকৃষ্ণ মথ অমসুং মিসনগী ইকাই খুম্নরবা সন্তশিং, গুজরাতকী মুখ্য মন্ত্রী শ্রী ভুপেন্দ্র পতেল অমসুং অতোপ্পা শক্নাইরবা মীওইশিংদা মহাক্কী য়াইফ পাউজেল পীখি। শ্রী মোদীনা লাইরেম্বী শরদা, গুরুদেব রামকৃষ্ণ পরমহন্স অমসুং স্বামী বিবেকানন্দদা ইকায় খুম্নবা উৎখি। মহাক্না মখা তাখি মদুদি ঙসিগী প্রোগ্রাম অসি শ্রীমতী স্বামী প্রেমানন্দা মহারাজকী মপোক কুমওন্দা শিল্লি অমসুং মহাকপু ইকায় খুম্নবা উৎলি।

প্রধান মন্ত্রীনা হায়খি, "চহি চা কয়াগী মমাংদগী মালেম অসিদা অফবা থবকশিং শেমগৎ-শাগৎপদা শক্নাইরবা মীওইশিংগী ইনর্জী অসি মখা তানা লৈরি।" স্বামী প্রেমানন্দ মহারাজকী মপোক কুমওন্দা, লেখামবাদা নৌনা শাবা লাই খুরুমফম অমসুং সাধু নিভাস শাবনা ভারতকী লাইনিংবা চৎনবীবু মপাঙ্গল কনখৎহল্লগনি হায়না মহাক্না মখা তাখি। শ্রী মোদীনা হায়খি মদুদি সেবা অমসুং এজুকেসনগী খোঙচৎ অমা হৌরে, মসিনা তুংগী মীরোন কয়াদা কান্নবা ফংহল্লগনি। শ্রী রামকৃষ্ণ দেব মন্দির, লায়রবা মহৈরোইশিংগী হোস্তেল, ভোকেসনেল ত্রেনিং সেন্তর, হোস্পিতাল অমসুং ত্রেভেলরগী রেসিদেন্সীগুম্বা অফবা থবকশিং অসিনা স্পিরিচুএলিতি শন্দোক্নবা অমসুং মীওইবা জাতিদা সেবা তৌনবা মেদিয়ম অমা ওইগনি হায়না মহাক্না মখা তাখি। প্রধান মন্ত্রীনা হায়খি মদুদি মহাক্না সন্তশিংগী মরক্তা লৈববু অমসুং স্পিরিচুএল এনভাইরনমেন্তপু পাম্মি। মহাক্না প্রধান মন্ত্রীবু থাগৎপা ফোংদোকখি অমসুং য়াইফ পাউজেল পীখি।

 

|

সানন্দগা মরী লৈনবা মীকুপশিং অদু নৌহৌনা নীংশিংলদুনা শ্রী মোদীনা হায়খি মদুদি লমদম অসিনা চহি কয়াগী মমাংদগী নাথৈদুনা লৈরক্লবা মতুংদা হৌজিক য়াম্না মথৌ তারিবা শেন্মিৎলোনগী চাউখৎপা অদু উবা ফংলি। মহাক্না হায়খি মদুদি সন্তশিংগী য়াইফ-মঙ্গোল অমসুং সরকারগী খোঙথাং অমসুং পোলিসীশিংনা চাউখৎ-থৌরাং অসি পুরক্লে। মতমগী মতুং ইন্না খুন্নাইগী মথৌ তাবশিংদা অহোংবা লাক্লিবা অসি পল্লদুনা শ্রী মোদীনা সানন্দ অসি ইকোনোমিক দিবেলপমেন্তকা লোয়ননা স্পিরিচুএল দিবেলপমেন্তকী সেন্তর অমা ওইরসনু হায়না মহাক্কী অপাম্বা ফোংদোকখি। তংদু লৈতাবা পুন্সি অমগীদমক্তা, শেলগা লোয়ননা থাজবগী মগুন অসিসু চপ মান্ননা মরু ওই হায়না মহাক্না মখা তাখি। শ্রী মোদীনা নুংঙাইবা ফোংদোকখি মদুদি ঐখোয়গী সন্তশিং অমসুং ঋশিশিংগী লমজিং মখাদা সানন্দ অমসুং গুজরাত অসি মসিগী মাইকৈ অসিদা মাংলোমদা চংশিল্লি।

উ-পাম্বী অমদগী মহৈ-মরোং অমা ওইরকপা ঙম্বগী মতিক অসি মদুগী মরুনা খঙহল্লি হায়না পল্লদুনা প্রধান মন্ত্রীনা হায়খি মদুদি রামকৃষ্ণ মথ অসি অসিগুম্বা উ পাম্বী অমনি, আগী মহৈ-মরোং অসিদা স্বামী বিবেকানন্দগুম্বা অৱাংবা থাক্কী মীওই অমগী মপুং ফাবা ইনর্জী য়াওরি। মহাক্না মখা তাখি মদুদি মসিনা মরম ওইদুনা মসিনা লেপ্পা লৈতনা চাউখৎলক্লি অমসুং মসিনা মীওইবা খুন্নাইদা পীরিবা ইথিল অসি মশিং থিঙমদ্রবা অমসুং ঙমখৈ লৈতবা অমনি। রামকৃষ্ণ মথকী মপুং ওইবা ৱাখল্লোন অদু খঙনবগীদমক, মীওই অমনা স্বামী বিবেকানন্দবু খঙবা অমসুং মহাক্কী ৱাখল্লোনশিং অদু হিংবা মথৌ তাই হায়না প্রধান মন্ত্রীনা ফোংদোকখি। মহাক্না মখা তাখি মদুদি মহাক্না ৱাখল্লোনশিং অদু পুন্সিদা শিজিন্নবা তম্লকপা মতমদা মহাক্না লমজিং-লমতাক্লিবা মঙাল অদু মশামক্না থেংনখি। রামকৃষ্ণ মিসন অমসুং মসিগী সন্তশিংনা স্বামী বিবেকানন্দগী ৱাখল্লোনগা লোয়ননা মহাক্কী পুন্সিদা করম্না লমজিং-লমতাকপগে হায়বদু মেথমেতিক্সকী সন্তশিংনা খঙই হায়না মহাক্না মখা তাখি। শ্রী মোদীনা হায়খি মদুদি সন্তশিংগী য়াইফ-মঙ্গোলগা লোয়ননা মহাক্না মিসনগা মরী লৈনবা থবক কয়াদা থৌদাং লৌখি। শ্রী মোদীনা কুমজা 2005দা ভদোদরাগী দিলরাম বঙ্গলোবু পুজ্য স্বামি আতমাস্তানন্দ জী মহারাজকী লুচিং মখাদা রামকৃষ্ণ মিসনদা খুৎশিন্নবগী থৌরম অদু নীংশিংদুনা হায়খি মদুদি স্বামী বিবেকানন্দনসু মফম অসিদা মতম কুইনা লৈরম্মি।

 

|

মতমগী মতুং ইন্না মিসন অসিগী প্রোগ্রামশিং অমসুং থৌরমশিংগী শরুক অমা ওইরকপগী খুদোংচাবা অদু পল্লদুনা শ্রী মোদীনা হায়খি মদুদি ঙসিদি রামকৃষ্ণ মিসনগী মালেম শীনবা থুংনা মশা মশাগী ব্রাঞ্চ 280 লৈরে অমসুং ভারত্তা রামকৃষ্ণ ফিলোসোফিগা মরী লৈনবা আশ্রম সেন্তর 1200 রোম লৈরে। মহাক্না মখা তাখি মদুদি আশ্রমশিং অসিনা মীওইবা খুন্নাইগী সেবা তৌবগী ৱারেপ লৌবগী য়ুম্ফম ওইনা থবক তৌরি অমসুং গুজরাতনা মতম কয়াগী মমাংদগী রামকৃষ্ণ মিসনগী সেবাগী থবকশিং অসি উবা ফংলি। মহাক্না রামকৃষ্ণ মিসনগা মরী লৈনবা মীওইশিংনা চহি কয়াগী মমাংদা সুরতকী ঈশিং-ঈচাউ, মোর্বিগী দামগী খুদোংথীবা থৌদোক মতুংদা, ভুজতা য়ুহার হাবনা থোকহনবা অমাং অতাদা তেংবাং পীনবগী থৌরমশিং অমসুং গুজরাত্তা খুদোংথীবা থোকপা মতম খুদিংগী থৌরমশিং নীংশিংখি। প্রধান মন্ত্রীনা রামকৃষ্ণ মিসনগী মরুওইবা থৌদাংশিং অদু নীংশিংখি। মহাক্না হায়খি মদুদি মহৌশাগী ওইনা মহৌশাগী স্কুল 80 হেন্না লৈখিদ্রে।

গুজরাতকা লোয়ননা স্বামী বিবেকান্দগী স্পিরিচুএল লিঙ্কশিং পল্লদুনা প্রধান মন্ত্রীনা হায়খি মদুদি গুজরাতনা মহাক্কী পুন্সিগী খোঙচৎতা অচৌবা থৌদাং অমা লৌখি। মহাক্না মখা তাখি মদুদি স্বামী বিবেকানন্দনা গুজরাতকী মফম কয়াদা চৎখি অমসুং গুজরাত্তা স্বামীজীনা চিকাগো ৱার্ল্দ রিলিজন কনফরেন্সকী মতাংদা অহানবা ওইনা খঙখি। মহাক্না মখা তানা হায়খি মদুদি গুজরাত্তা মহাক্না লাইরিক কয়া অমা কুপ্না নৈনখি অমসুং বেদান্তা শন্দোক্নবগীদমক্তা শেম-শাখি। শ্রী মোদীনা হায়খি মদুদি কুমজা 1891দা স্বামী জী পোর্বন্দরগী ভোগেশ্বর ভবনদা থা কয়া লৈখি অমসুং মতমদুগী গুজরাত সরকারনা ভবন অসি রামকৃষ্ণ মিসনদা মেমোরিএল মন্দির অমা শানবা পীরম্মি। শ্রী মোদীনা হায়খি মদুদি গুজরাত সরকারনা 2012দগী 2014 ফাওবদা স্বামী বিবেকানন্দগী 150শুবা মপোক কুমওন পাংথোকখি। লোইশিনবগী থৌরম অদু ভারত অমসুং মপান লৈবাকশিংদগী দিসাইপল লিশিং কয়া শরুক য়াদুনা গান্ধীনগরগী মহাত্মা মন্দিরদা চাউনা পাংথোকখি। শ্রী মোদীনা গুজরাত সরকারনা হৌজিক্তি গুজরাতকা লৈনরিবা স্বামী জীগী মরীগী নীংশিংলগা স্বামী বিবেকানন্দ তুরিস্ত সর্কিৎ শাবগী ব্লুপ্রিন্ত অমা শেম-শারিবা অসিদা নুংঙাইবা ফোংদোকখি।

স্বামী বিবেকানন্দ অসি মোদর্ন সাইন্সকী অচৌবা শৌগৎপা অমা ওইরম্মি হায়না পল্লদুনা প্রধান মন্ত্রীনা হায়খি, স্বামী বিবেকানন্দনা সাইন্সকী মরুওইবা অসি পোৎশকশিং নৎত্রগা থৌদোকশিং শন্দোক্না তাকপদা নত্তে, অদুবু সাইন্সকী মরুওইবা অসি ঐখোয়বু পুক্নিং থৌগৎপদা অমসুং মাংলোমদা পুখৎপদনি হায়না মহাক্না থাজরম্মি। মোদর্ন তেক্নোলোজীগী লমদা ঙসি ভারতনা মাংজিল থাদুনা লৈরি হায়না পল্লদুনা শ্রী মোদীনা হায়খি মদুদি মালেমগী খ্বাইদগী চাউবা অহুমশুবা স্তার্তঅপ ইকোসিস্তেম ওইরকপা, মালেমগী খ্বাইদগী চাউবা অহুমশুবা ইকোনোমী ওইরকপগী মায়কৈদা খোঙথাং লৌখৎপা, ইনফ্রাস্ত্রকচরগী লমদা মোদর্ন কন্সত্রক্সন অমসুং মালেমগী ওইবা শীংনবশিং কোকহন্নবা ভারতনা পীরিবা সোলুসনশিং অসিনচিংবা কয়াদা ভারতকী শকখঙনবগী মশক অদু উবা ফংলি। মহাক্না মখা তাখি মদুদি ঙসিগী ভারত অসি মসিগী লৌশিং, চৎনবী অমসুং চহি চা কয়াগী ওইবা তম্বীরোলশিংদা য়ুম্ফম ওইদুনা মাংলোমদা চংশিল্লি। শ্রী মোদীনা হায়খি, "স্বামী বিবেকানন্দনা য়ুথ পৱার অসি লৈবাক অসিগী মপাঙ্গলনি হায়না থাজখি।" নহারোলশিংগী শক্তিগী মতাংদা স্বামী বিবেকানন্দগী ৱাহৈ অমা পল্লদুনা প্রধান মন্ত্রীনা হায়খি মদুদি হৌজিক মতম ওইরে অমসুং ঐখোয়না থৌদাং অসি লৌগদবনি। ভারতনা ঙসি অমৃত কালগী অনৌবা খোঙচৎ অমা হৌখ্রে অমসুং চাউখৎলবা ভারত ওইহন্নবা অচেৎপা ৱারেপ লৌরে হায়না মহাক্না মখা তাখি। ঐখোয়না পান্দম অসি মতম চানা ফংহনবা মথৌ তাই হায়না পল্লদুনা শ্রী মোদীনা হায়খি মদুদি "ভারত অসি মালেমগী খ্বাইদগী নহা ওইরিবা লৈবাক অমনি।" ঙসি ভারতকী নহারোলশিংনা মালেমদা মখোয়গী তৌবা ঙম্বশিং অমসুং কেপাসিতীশিং অদু উৎলে হায়না মহাক্না মখা তাখি। মালেমগী খ্বাইদগী চাউবা কম্পনীশিংদা ভারতকী নহারোলশিংনা লুচিংদুনা ভারতকী চাউখৎপগী থৌদাং লৌরি। ঙসি লৈবাক অসিদা মতম অমসুং খুদোংচাবা লৈরে হায়না পল্লদুনা শ্রী মোদীনা লৈবাক শেমগৎপগী লম খুদিংমক্তা লুচিংবগীদমক নহাশিং শেমগৎপগী তঙাইফদবা অদুদা অকনবা ৱাফম থমখি। তেক্নোলোজী অমসুং অতোপ্পা লমশিংগুম্না রাজনিতীদসু ঐখোয়গী নহাশিংনা লৈবাক অসিবু লুচিংবা মথৌ তাই হায়না মহাক্না মখা তাখি। মসিগী মাইকৈ অসিদা, প্রধান মন্ত্রীনা লাউথোকখি মদুদি জনুৱারী 12, 2025দা, য়ুথ দে ওইনা পাংথোকপা স্বামী বিবেকানন্দগী মপোক কুমওন্দা, সরকারনা দিল্লীদা য়ং লিদর্স দাইলোগ পাংথোক্লগনি। লৈবাক অসিগী খনগৎলবা নহারোল লিশিং অনী কৌগনি অমসুং ভারত শিনবা থুংবদগী নহারোল করোর কয়া শরুক য়াগনি হায়না মহাক্না মখা তাখি। মহাক্না মখা তারদুনা হায়খি মদুদি নহারোলশিংগী মীৎয়েংদগী চাউখৎলবা ভারত অমগী ৱারেপ অদু খন্ন-নৈনগনি অমসুং নহারোলশিংবু রাজনিতীগা শম্নহন্নবা রোদমেপ অমা শেমগনি। লাক্কদৌরিবা মতমশিংদা হৈ-শিংলবা অমসুং পুক্নিং থৌগৎপা নহা লাখ অমা রাজনিতীদা পুরক্নবা সরকারগী ৱারেপ অদু শ্রী মোদীনা ফোংদোকখি। মহাক্না হায়খি মদুদি নহাশিং অসিনা 21শুবা চহিচাগী ভারতকী রাজনিতী অমসুং লৈবাক অসিগী তুংলমচৎকী অনৌবা মশক অমা ওইগনি।

স্পিরিচুএলিতী অমসুং সস্তেনেবল দিবেলপমেন্ত, মালেম অসিবু হেন্না ফগৎহন্নবগীদমক নীংশিংগদবা মরুওইবা ৱাখল্লোন অনি অসিদা পুক্নিং চিংশিন্দুনা, প্রধান মন্ত্রীনা হায়খি মদুদি ৱাখল্লোন অনি অসিবু পুনশিন্নদুনা ঐখোয়না হেন্না ফবা তুংলমচৎ অমা শেম্বা ঙমগনি। মহাক্না মখা তাখি মদুদি স্বামী বিবেকানন্দনা স্পিরিচুএলিতীগী প্রাক্তিকেল সাইদতা মীৎয়েং চঙখি অমসুং খুন্নাইগী মথৌ তাবশিং মপুং ফাহনবা স্পিরিচুএলিতী অমা পামখি। মহাক্না মখা তারদুনা হায়খি মদুদি ৱাখল্লোনগী মপুং ফাবা ওইবগা লোয়ননা, স্বামী বিবেকানন্দনা অকোয়বগী ফিভম লুনান্না থম্বদা মরুওইবা পীখি।  শ্রী মোদীনা অকনবা ৱাফম থমখি মদুদি তুং কোইনা চৎনগদবা চাউখৎপগী পান্দম অসি শেন্মিৎলোন চাউখৎপা, খুন্নাইগী য়াইফ-থৌরাং অমসুং অকোয়বগী ফিভম ঙাক-শেনবগী মরক্তা তংদু লৈতাদুনা ফংহনবা য়াই। স্বামী বিবেকানন্দগী ৱাখল্লোনশিং অসিনা ঐখোয়না পান্দম অসি ফংনবা লমজিংগনি হায়না মহাক্না অকনবা ৱাফম থমখি। স্পিরিচুএলিতী অমসুং সস্তেনেবিলিতী অনিমক্তা বেলেন্স অসি য়াম্না মরু ওই হায়না পল্লদুনা শ্রী মোদীনা হায়খি মদুদি অমনা ৱাখলগী মনুংদা বেলেন্স শেম্মি, অদুগা অতোপ্পা অমনা ঐখোয়দা মহৌশাগী ফিভমগা লোয়ননা বেলেন্স লৈনবা তাকপী। শ্রী মোদীনা থাজবা থমখি মদুদি রামকৃষ্ণ মিসনগুম্বা ইন্সতিত্যুসনশিংনা মিসন লাইফ, এক পের মা কে নামগুম্বা ঐখোয়গী কেম্পেনশিং অসি হেন্না য়াঙখৎহনবদা মরুওইবা থৌদাং লৌবা ঙমগনি।

শ্রী মোদীনা হায়খি, "স্বামী বিবেকানন্দনা ভারতপু মপাঙ্গল কনবা অমসুং মশা-মরোমদোম লেপচবা লৈবাক অমা ওইনা উবা পাম্মি।" মহাক্কী ৱারোল লোইশিল্লদুনা মহাক্না হায়খি মদুদি মসিগী মঙলান অসি অথুবা মতমদা মঙফাওনহনগদবনি অমসুং মপাঙ্গল কনবা অমসুং মতিক লৈবা ভারত অমনা মীওইবা খুন্নাইদা অমুক্কা হন্না লমজিং-লমতাক পীগদবনি। মসিগীদমক্তা, লৈবাক অসিগী নাগরিক খুদিংমক্না গুরুদেব রামকৃষ্ণ পরমহন্স অমসুং স্বামী বিবেকানন্দগী ৱাখল্লোনশিং অসি মপুং ফাহনবা মথৌ তাই হায়না মহাক্না মখা তাখি।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

  • रीना चौरसिया February 19, 2025

    jai shree ram
  • Bhushan Vilasrao Dandade February 10, 2025

    जय हिंद
  • Vivek Kumar Gupta February 09, 2025

    नमो ..🙏🙏🙏🙏🙏
  • Vivek Kumar Gupta February 09, 2025

    नमो .......................🙏🙏🙏🙏🙏
  • Dr Mukesh Ludanan February 08, 2025

    Jai ho
  • kshiresh Mahakur February 07, 2025

    11
  • kshiresh Mahakur February 07, 2025

    10
  • kshiresh Mahakur February 07, 2025

    9
  • kshiresh Mahakur February 07, 2025

    7
  • kshiresh Mahakur February 07, 2025

    8
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
India’s fruit exports expand into western markets with GI tags driving growth

Media Coverage

India’s fruit exports expand into western markets with GI tags driving growth
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 22 ফেব্রুৱারি, 2025
February 22, 2025

Citizens Appreciate PM Modi's Efforts to Support Global South Development