Quote“ঐহাক্না অদোমগী নাক্তা চত্তুনা অদোমগী থৱাই য়াওবা, খোঙফম চেৎপা, থৌনা, থাজবগীদমক্তা থাগৎনীংবনা ঙাইঙমদ্রে”
Quote“ভারত থাদা য়ৌরে! ঐখোয়না লৈবাক্কী মিংচৎপু থাদা থমখ্রে”
Quote“মসিগী অনৌবা ভারত অসিনা 21শুবা চহি-চাগী মালেমগী অচৌবা শিংনবশিংগী ৱারোইশিন পুরক্লগনি”
Quote“তচদাউন তৌখিবগী মিৎকুপ্না চহি-চা অসিগী ইথিল খ্বাইদগী পীবা পুংফম অমা ওইরে”
Quote“ঙসিদি, মালেম পুম্বনা ভারতকী সাইন্সকী ইথিল, ঐখোয়গী তেক্নোলোজী অমসুং সাইন্তিফিক তেম্পরামেন্তপু উরে অমসুং মসিগী মপাঙ্গলবু শকখঙলে”
Quote“ঐখোয়গী ‘মুন লেন্দর’ অসিনা অঙ্গদকুম্না থা লৈমায়দা চেৎনা খোঙদারে”
Quote“চদ্রয়ান-3গী মুন লেন্দরনা তাখিবা মফম্বু হৌজিক ‘শিব শক্তি’ হায়না খঙনরগনি”
Quote“চন্দ্রয়ান-2গী খোঙ্গুল তাখিবা মফম্বু হৌজিক ‘তিরঙ্গা’ হায়না কৌরগনি”
Quote“চন্দ্রয়ান-3 লুনার মিসনগী মায় পাকপদা ঐখোয়গী নুপী সাইন্তিস্ত, লৈবাক্কী নারী শাক্তিগী অচৌবা থৌদাং য়াওরি”
Quote“ঐখোয়গী ‘অহুমশুবা পরিং’দগী ‘অহানবা পরিং’ ফাওবগী খোঙচত্তা ‘ISRO’গুম্বা ঐখোয়গী ইন্সতিত্যুসনগী অচৌবা থৌদাং য়াওরি”
Quote“ভারতকী খা থংবা মফমদগী থাগী খা মাইকৈ ফাওবগী খোঙচৎ অসি অরায়বা নত্তে”
Quote“ঙসিদগী হৌনা, ওগস্ত 23 অসিবু চহি খুদিংগী লৈবাক্কী স্পেস নুমিৎ হায়না পাংথোক্লগনি”
Quote“ভারতকী স্কৃপচরশিংদা য়াওরিবা এস্ত্রোনোমীগী ফোর্মুলাশিংবু সাইন্তিফিক ওইনা চুম্মী তাক্নবা অমসুং নৌহৌননা অমুক নৈননবা অনৌবা চারোন শুরোন্না মাঙদা থোক্লকপা তারে”
Quote“21শুবা চহি চাগী মতমসিদা, সাইন্স অমসুং তেক্নোলোজীগী লমদা লুচিং থৌদাং লৌরিবা লৈবাক অসিনা তুংলমচত্তা চঙশিল্লগনি”

প্রধান মন্ত্রী, শ্রী নরেন্দ্র মোদীনা গ্রীস্তগী লাক্লবা মতুংদা বেঙ্গালুরুদা লৈবা ISRO তেমিমিত্রী ত্রেক্কিং অমসুং কম্মান্দ সেন্তর নেতৱর্ক (ISTRAC)তা চৎখ্রে অমসুং চন্দ্রয়ান-3না মায় পাকপগীদমক্তা তীম ISROগী মফমদা ৱা ঙাঙখ্রে। প্রধান মন্ত্রীনা চন্দ্রয়ান-3গী মিসনদা শরুক য়াখিবা ISRO সাইন্তিস্তশিংগা উন্নদুনা ৱারী শাখি অমসুং মসিদা চন্দ্রয়ান-3না খঙবা ঙমখিবা ৱাফম কয়া অমসুং হৌজিক্কী ওইরিবা ফিভমগী মতাংদা মহাক্কী মফমদা পাউদমখি।

 

|

প্রধান মন্ত্রীনা সাইন্তিস্তশিংদা ৱা ঙাঙবদা, বেঙ্গালুরুগী ISRO তেমিমিত্রী ত্রেক্কিং অমসুং কম্মান্দ সেন্তর নেতৱর্ক (ISTRAC)তা লৈবদা নুংঙাইবা ফোংদোক্লদুনা মসিগুম্বা থৌদোক অসিদি হকচাং অমসুং ৱাখল্লোন অনিমকপু অশুক য়াম্বা হরাও নুংঙাইবগী মতৌনা থনবা য়াম্না তাঙবা পুংফম্নি হায়না ফোংদোকখি। ঙাইঙমদবগী মতৌনা থুমহৎপগুম্বা মীওইবগী পুন্সিদা য়াম্না তাঙনা থোকপা অখন্নবা পুংফম খরগী মতাংদা পল্লদুনা, প্রধান মন্ত্রীনা মসিগুম্বা মতৌ অসিমক মহাক্না সাউথ অফ্রিকা অমসুং গ্রীসকী খোঙচৎ মনুংদা ফাওখি অমসুং মহাক্কী ৱাখলনা মতম পুম্বদা চন্দ্রয়ান-3গী মতাংদা খন্দুনা লৈখি হায়না ফোংদোকখি। মহাক্না মাংজৌননা খঙহনবা লৈতনা ISTRACদা লাকপদা ISROগী সাইন্তিস্তশিংদা পীরিবা খুদোংচাদবশিংবু খঙলদুনা, মবুক্নিং নুংশিবগী শক্তম্না মায়থোংদা ময়েক শেংনা মমি তারিবা প্রধান মন্ত্রীনা মহাক অসি মফমসিদা লাক্নীংবনা লাংতক্নরবনি হায়রদুনা মহাক্না সাইন্তিস্তশিংবু মখোয়গী থৱাই য়াওবা, খোঙফম চেৎপা, থৌনা অমসুং ৱাখল চেৎপগী মতৌবু থাগৎপা ফোংদোকখি।

প্রধান মন্ত্রীনা মসিদি ইচম চম্বা মায় পাকপা অমা নত্তে হায়খি। মসিগুম্বা মায় পাকপা অসিনা ভারতকী সাইন্তিফিক পাৱরবু লোইবা নাইদবা স্পেস্তা শন্দোক্লবনি হায়খি। থৱাই নুংঙাইরবা প্রধান মন্ত্রীনা হায়খি, “ভারত অসি থাদা য়ৌরে, ঐখোয়গী লৈবাক্কী মিংচৎ অসি থাদা য়ৌরে”। মমাংদা অমুক্তা ফংখিদ্রিবা মসিগুম্বা মায় পাকপসিদা মিৎয়েং চঙলদুনা, প্রধান মন্ত্রীনা হায়খি, “অকীবা লৈতবা অমসুং হনবা লৈতবা ভারত অসি ঙসিগী ভারতনি। মসিগী ভারত অসিদি অনৌবা ৱাখল খল্লি, অমম্বদা চত্তুনা মালেমদা মঙাল পীবনি। মসিগী ভারত অসিনা 21শুবা চহি-চাগী মালেমগী অচৌবা শিংনবশিংগী ৱারোইশিন পুরক্কনি”।

তচদাউন তৌখিবগী পুংফম অদুদি ভারতকী কন্সিয়সনেস্তা অমর ওইদুনা লৈহৌরগনি হায়না প্রধান মন্ত্রীনা হায়খি। “তচদাউন তৌখিবগী মিৎকুপ্না চহি-চা অসিগী ইথিল খ্বাইদগী পীবা পুংফম অমা ওইরে। মসিবু ভারত মচা খুদিংনা মশাগী মায় পাকপনি হায়না খনগদবনি”, মহাক্না হায়খি। মসিগুম্বা অচৌবা মায় পাকপা অসি সাইন্তিস্তশিংনা মরম ওইরগা ফংলিবনি হায়না প্রধান মন্ত্রীনা হায়খি।

প্রধান মন্ত্রীনা মুন লেন্দরগী অচেৎপা খোঙফমগী ফোতোশিংগী মতাংদা পল্লদুনা অসুম্না হায়খি, “ঐখোয়গী ‘মুন লেন্দর’ অসিনা অঙ্গদকুম্না থা লৈমায়দা চেৎনা খোঙদারে। নাকল অমদা বিক্রমগী থৌনা লৈরে, অদুগা অতোপ্পা নাকল অমদনা প্রগ্যানগী তৌবা ঙম্বগী মতিক লৈরে”। মসিগী ফোতো অসিদি মমাংদা অমুক্তা উখিদ্রিবা থাগৈ মাইকৈ অমগীনি, অমসুং মসি ভারতনা লৌরিবনি হায়না মহাক্না হায়খি। “মালেম পুম্বনা ভারতকী সাইন্সকী ইথিল, তেক্নোলোজী অমসুং তেমপরামেন্তপু শকখঙলে”, শ্রী মোদীনা হায়খি।

 

|

“চন্দ্রয়ান 3গী মায় পাকপা অসিদি ভারতখক্কী নত্তে, মসিদি মীওইবা খুন্নাই পুম্বগীনি”, প্রধান মন্ত্রীনা হায়খি অমসুং মিসন অসিনা থীদোকপা কয়ানা লৈবাক খুদিংগী মুন মিসনগী অনৌবা খুদোংচাবা কয়া হাংদোক্লগনি হায়খি। মিসন অসিনা থাগী অরোনবা ৱাফম কয়া হাংদোকপতা নত্তনা পৃথীবীগী শিংনবা কয়াগী ৱারোইশিন পুরকপদসু তেংবাংগনি হায়না মহাক্না হায়খি। প্রধান মন্ত্রীনা চন্দ্রয়ান 3 মিসনগা মরী লৈনবা সাইন্তিস্ত, তেক্নিসিয়ন, ইঞ্জিনিয়র অমসুং মেম্বর খুদিংবু অমুক্কা হন্না থাগৎখি।

প্রধান মন্ত্রীনা লাউথোকখি, “চদ্রয়ান-3গী মুন লেন্দরনা তাখিবা মফম্বু হৌজিক ‘শিব শক্তি’ হায়না খঙনরগনি”। “শিব হায়বসিদা মীওইবা খুন্নাইগী য়াইফ য়ুম্বালগী ৱারেপ য়াওরি অমসুং শক্তিনা ৱারেপশিং অসিবু মঙফাওনহনবগী পাঙ্গল ঐখোয়দা পীরিবনি। থাগী শিব শক্তি পোইন্ত অসিনা হিমালয়গা কন্যাকুমারীগা লৈনবা মরীগী ৱাখল্লোন অমসু তাক্লি”, মহাক্না মখা তাখি।

সাইন্সনা খুমাং চাউশিল্লকপদা পুরকপা য়াইফ থৌরাংগী মতাংদা মিৎয়েং চঙলদুনা, প্রধান মন্ত্রীনা মসিগুম্বা অফবা ৱারেপশিং অসিদা শক্তিগী থৌজাল চঙই অমসুং মসিগী শক্তি অসিদি ঐখোয়গী নারী শক্তিনি হায়না ফোংদোকখি। চন্দ্রয়ান লুনার মিসনগী মায় পাকপা অসিদা ঐখোয়গী নুপী সাইন্তিস্তশিং, লৈবাক্কী নারী শক্তিগী অচৌবা থৌদাং য়াওরি হায়না মহাক্না মীয়ামগী পুক্নিং চীংশিনখি। শ্রী মোদীনা হায়খি, “থাগী শিব শক্তি পোইন্তনা ভারতকী মসিগুম্বা সাইন্তিফিক অমসুং ফিলোসোফোগী ৱাখল্লোন অসিগী শাখি ওইগনি”, মহাক্না মখা তাখি।

প্রধান মন্ত্রীনা চন্দ্রয়ান-2গী খোঙ্গুল তাখিবা মফম্বু হৌজিক ‘তিরঙ্গা’ হায়না কৌরগনি হায়না ফোংদোকখি। মসিগী পোইন্ত অসিনা ভারতনা হোৎনরকপা খুদিংগী ইথিল ওইগনি অমসুং মায়থীবা অসিনা অরোইবা নত্তে হায়বা ঐখোয়দা মতম পুম্বদা নীংশিংহনগনি হায়না প্রধান মন্ত্রীনা হায়খি। “তৌগে হায়না খনবগী অকনবা মতৌ লৈরবদি, মায় পাকপা হায়বসিদি শোইদ্রবনি”, মহাক্না হায়খি।

ভারতনা থাগী লৈমায়দা মায় পাক্না খোঙদাবা ঙম্বা 4শুবা লৈবাক অমা ওইরে হায়না ফোংদোক্লদুনা, ভারতকী স্পেস প্রোগ্রাম্না য়াম্না চম্না হৌরকখিবা অদু য়েংলুরগদি, প্রধান মন্ত্রীনা মসিগুম্বা মায় পাকপা অসি য়াম্না চাউবা মায় পাকপা অমনি হায়খি। ভারতপু থর্দ ৱর্ল্দ লৈবাক অমনি খন্নরম্বা অমসুং তঙাই ফদবা তেক্নোলোজী অমসুং তেংবাং লৈতবা মতম্বু মহাক্না নীংশিংখি। ঙসিদি, ভারতনা মালেমগী খ্বাইদগী মঙাশুবা চাউবা শেন্মিৎলোন ওইরে অদুগা ত্রী ওইরো, নত্ত্রগা তেক্নোলোজী ওইরো, ভারত অসি ঙসিদি ফর্স্ত ৱর্ল্দ লৈবাকশিংগী মনুং চল্লে হায়না প্রধান মন্ত্রীনা হায়খি। “ঐখোয়গী ‘অহুমশুবা পরিং’দগী ‘অহানবা পরিং’ ফাওবগী খোঙচত্তা ‘ISRO’গুম্বা ঐখোয়গী ইন্সতিত্যুসনগী অচৌবা থৌদাং য়াওরি”, প্রধান মন্ত্রীনা মখোয়গী হোৎনজমনশিংবু পল্লদুনা, ঙসিদি মখোয়না মেক ইন ইন্দিয়াবু থাদা য়ৌহল্লে হায়না ফোংদোকখি।

 

|

প্রধান মন্ত্রীনা থৌওং অসিবু খুদম ওইনা পীরদুনা, ISROগী হোৎনবা কনবা মতৌবু লৈবাক মীয়ামদা পাউদমখি। “ভারতকী খা থংবা মফমদগী থাগী খা মাইকৈ ফাওবগী খোঙচৎ অসি অরায়বা নত্তে”, প্রধান মন্ত্রীনা হায়খি অমসুং ISROনা মখোয়গী রিসর্চ ফেসিলিতীদা খুৎশেম্না শাবা থা অমসু শেম্লে হায়না পাউদমখি। মসিগুম্বা স্পেস মিসনগী মায় পাকপ অসিদি ভারতকী নহাশিংগী মরক্তা সাইন্স অমসুং ইন্নোভেসনগী ইথিল লৈবগী মতৌ অসিগী মরমদগীনি হায়না মহাক্না হায়খি। “মঙ্গলয়ান অমসুং চন্দ্রয়ানগী মায় পাকপা অমসুং গগনয়ানগীদমক্তা শেম্বা শারিবা অসিনা লৈবাক্কী হৌগৎলক্লিবা চারোন শুরোন্দা অনৌবা ইথিল অমা পীরে। অদোমগী অচৌবা মায় পাকপা অসিনা ভারতকী চারোন শুরোন কয়াবু মীকপ থোকহল্লে অমসুং মপাঙ্গল হাপ্লে”, শ্রী মোদীনা হায়খি। ঙসিদি, চন্দ্রয়ান হায়না মিং অসি ভারতকী অঙাং খুদিংনা শোন্নরি। অঙাং খুদিংনা সাইন্তিস্তশিংদা মখোয়গী তুংগী মতম্বু উনরি, মহাক্না হায়খি।

প্রধান মন্ত্রীনা ঙসিদগী হৌনা, ওগস্ত 23, চন্দ্রয়ান 3না থাদা সোফ লেন্দিং তৌখিবা নুমিৎ অসিবু চহি খুদিংগী ‘লৈবাক্কী স্পেস নুমিৎ’ হায়না পাংথোক্লগনি হায়না লাউথোকখি। লৈবাক্কী স্পেস নুমিৎনা সাইন্স, তেক্নোলোজী অমসুং ইন্নোভেসনগী ইথিলগী নুংঙাইবা ফোংদোক্কনি অমসুং ঐখোয়গী ইফমদা মতম পুম্বদা ইথিল পীদুনা লৈগনি হায়না মহাক্না হায়খি।

স্পেস সেক্তরগী মতিক অসিদি সেতিলাইত থাগৎপা অমসুং স্পেস এক্সপ্লোরেসনখক্তদা অকক্নবা লৈতে, মসিগী পাঙ্গল অসিদি ইজ ওফ লিবিং অমসুং ইজ ওফ গবর্নেন্সতসু উবা ফংগনি হায়না প্রধান মন্ত্রীনা হায়খি। মহাক্না প্রধান মন্ত্রী নৌনা ওইরকপা মতমদা কেন্দ্র সরকারগী জোইন্ত সেক্রেতরীগী থাক্তা লৈবা ওফিসরশিং অমসুং ISROগী মরক্তা পাংথোকখিবা ৱর্কশোপশিংবু মহাক্না নৌহৌননা নীংশিংখি। স্পেস এপ্লিকেসনগা গবর্নেন্সকা মরী লৈনহন্নবা হোৎনবদা ফংবা ঙম্লবা অচৌবা মায় পাকপা কয়া মহাক্না পনখি। স্বচ্ছ ভারত অভিয়ান; এজুকেসন, কম্ম্যুনিকেসন অমসুং হেল্থ সর্ভিসশিংবু অথাপা মফমদা য়ৌহনবা; তেলি-মেদিসিন অমসুং তেলি এজুকেসনগী লমদা স্পেস তেক্নোলোজীনা য়াখিবা থৌদাংশিংবু মহাক্না পনখি। মহাক্না NAVIC সীস্তেমগী থৌদাং অমসুং মসিনা মহৌশাগী ওইবা অমাঙ অতা থোকপা মতমদা পীবা তেংবাংগী মতাংদসু মহাক্না পাউদমখি। “ঐখোয়গী পি.এম. গতি শক্তি নেস্নেল মাস্তর প্লান অসি স্পেস তেক্নোলোজীদসু য়ুম্ফম ওই। মসিনা প্রোজেক্তশিংগী থৌরাং য়াৎপা, থবক্তা ওন্থোকপা অমসুং য়েংশিনবদসু মতেং পাংলি। মতমগী মতুং ইন্না পাকথোক-চাউথোকপা হেনগৎলক্লিবা স্পেস এপ্লিকেসনগী স্কোপ অসিনা ঐখোয়গী নহাশিংদা খুদোংচাবা পীবসু হেনগৎলক্লি”, প্রধান মন্ত্রীনা হায়খি।

 

|

প্রধান মন্ত্রীনা ISROদা ‘স্পেস তেক্নোলোজী ইন গবর্নেন্স’কী মতাংদা কেন্দ্র অমসুং রাজ্য সরকারগী তোঙান-তোঙানবা বিভাগশিংগা খুৎশম্নদুনা নেস্নেল স্পেস হেক্কাথোন শিনবীনবা ৱাফম হৌদোকখি। “মসিগী নেস্নেল হেক্কাথোন অসিনা ঐখোয়গী গবর্নেন্সপু ইফেক্তিব হেন্না ওইহনগনি অমসুং লৈবাক মীয়ামদা মতমগা চুনবা ৱারোইশিন পীবা ঙমগনি হায়বগী ঐহাক্না চেৎনা থাজৈ”, মহাক্না হায়খি।

প্রধান মন্ত্রীনা লৈবাক্কী নহাশিংদা থবক অমসু পীখি। মহাক্না হায়খি, “ঐহাক্না অনৌবা চারোন শুরোন্না ভারতকী স্কৃপচরশিংদা য়াওরিবা এস্ত্রোনোমীগী ফোর্মুলাশিংবু সাইন্তিফিক ওইনা চুম্মী তাক্নবা অমসুং নৌহৌননা অমুক নৈননবা মাঙদা থোক্লকপা পাম্মি। মসিদি ঐখোয়গী হেরিতেজ অমসুং সাইন্সকীদমক্তা য়াম্না মরু ওইবনি। মসিনা স্কুল, কোলেজ অমসুং য়ুনিভর্সিতীশিংগী মহৈরোইশিংগী ঙসিগী অনিশুবা থৌদাং অমসু পাম্বৈ অমদা ওইগনি। মীখা পোনবগী শাংলবা মতমদা ভারতকী সাইন্সকী লৌশিংগী লন-থুম অসি ফুমদুনা অমসুং লোত্তুনা লৈরুরে। ঙসিগী নিংতম্বগী অমৃত কাল অসিদা ঐখোয়না লন-থুম অসি থিদোক্কদবনি, রিসর্চ তৌগদবনি অমসুং মালেমদা মসিগী মতাংদা তাক্কদবনি”।

ভারতকী স্পেস ইন্দস্ত্রীনা মথংগী চহি খরসিদা বিলিয়ন দোল্লর 8তগী বিলিয়ন দোল্লর 16 য়ৌগনি হায়না অখঙ-অহৈশিংনা পানরিবা অসিবু প্রধান মন্ত্রীনা পাউদমখি। সরকারনা স্পেস সেক্তর রিফোর্মগীদমক্তা লেপ্পা লৈতনা হোৎনরিঙৈ অসিদা, লৈবাক্কী নহাশিংসু কন্ন হোৎনদুনা মমাংগী চহি 4দা স্পেসকা মরী লৈনবা স্তার্তঅপ কয়া শেমখি অমসুং স্তার্তঅপ মশিংনা 4দগী চাউরাকপা 150 য়ৌরে হায়না মহাক্না হায়খি। মাইগোবনা সেপ্তেম্বর 1দগী হৌনা শিল্লিবা চন্দ্রয়ান মিসনগী অচৌবা ক্বিজ কম্পিতিসন অসিদা লৈবাক শিনবা থুংবগী মহৈরোইশিংনা শরুক য়াবীয়ু হায়না প্রধান মন্ত্রীনা হায়খি।

ঙসিগী 21শুবা চহি-চাগী মতমসিদা, সাইন্স অমসুং তেক্নোলোজীগী লমদা লুচিং থৌদাং লৌবগী মরু ওইবদা মিৎয়েং চঙলদুনা, প্রধান মন্ত্রীনা ভারতনা মালেমগী খ্বাইদগী নহা ওইবা তেলেন্ত ফেক্তরী অমা ওইরে হায়খি। “সমুদ্রগী ইরোন্নুংদগী নোংদোন অতিয়া ফাওবদা, নহা ওইরিবা চারোন শুরোনশিংনা তৌগদবা য়াম্না লৈ”, প্রধান মন্ত্রীনা ‘দীপ আর্থ’তগীনা ‘দীপ সি’ অমদি নেক্স জেনেরেসন কম্প্যুতরদগী জেনেতিক ইঞ্জিনিয়রিং ফাওবগী মরক্তা লৈরিবা খুদোংচাবা কয়াগী মতাংদা পাউদম্লদুনা হায়খি। “অদোমগী অনৌবা খুদোংচাবা কয়া লেপ্পা লৈতনা ভারত্তা হাংদোরক্লিবনি”, মহাক্না মখা তাখি।

তুংগী চারোন শুরোনশিংবু লমজিং-লমতাকপীবা হায়বসি য়াম্না মরু ওই অমসুং ঙসিগী মরু ওইবা মিসনশিংবু তুংলমচত্তা পুদুনা খুমাং চাউশিলহনগদৌরিবসি মখোয়ননি হায়না প্রধান মন্ত্রীনা হায়খি। সাইন্তিস্তশিং অসি মখোয়গী রোল মোদেলনি অমসুং ঐখোয়না পাংথোক্কে খল্লবদি পাংথোকপা ঙম্মি হায়বসি মখোয়গী রিসর্চ অমদি চহি কয়াদগী কন্না হোৎনরক্লিবা অসিনা তাক্লে হায়না মহাক্না হায়খি। প্রধান মন্ত্রীনা মহাক্কী ৱারোল লোইশিল্লকপদা, লৈবাক মীয়াম্না সাইন্তিস্তশিংদা থাজবা থম্মি, অমসুং মীয়াম্না মখোয়গী মফমদা থৌজাল পীবা মতমদা, মখোয়না লৈবাক্কীদমক্তা কত্থোক্লিবা অসিগা লোয়ননা ভারতনা সাইন্স অমসুং তেক্নোলোজীগী মালেমগী লুচিংবা ওইবা ঙমগনি হায়না ফোংদোকখি। “ঐখোয়গী ইন্নোভেসনগী চপ মান্নবা ইথিল অসিনা ইং 2047দা চাউখৎপা ভারত অমগী মঙলান মঙফাওনবা ঙমহনগনি”, শ্রী মোদীনা হায়খি।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

  • Divyesh Kabrawala March 09, 2024

    congratulations
  • Mahendra singh Solanki Loksabha Sansad Dewas Shajapur mp December 07, 2023

    नमो नमो नमो नमो नमो नमो नमो नमो
  • Pritiva Deb October 07, 2023

    Jay sree ram 🚩🙏
  • SHEIK RIYAZ ALI September 14, 2023

    Congratulations
  • Er DharamendraSingh September 05, 2023

    बहुत बहुत बधाई 🕉🚩👏👏👏👏🇮🇳
  • pavulraj September 04, 2023

    congratulations
  • DEBASMITA MISHRA September 01, 2023

    In the History of Indian Politics, no , no Leaders have done much for our Scientists and encouraged them, for which I feel always proud of you and my Nation.
  • Mintu Kumar September 01, 2023

    नमस्कार सर, मैं कुलदीप पिता का नाम स्वर्गीय श्री शेरसिंह हरियाणा जिला महेंद्रगढ़ का रहने वाला हूं। मैं जून 2023 में मुम्बई बांद्रा टर्मिनस रेलवे स्टेशन पर लिनेन (LILEN) में काम करने के लिए गया था। मेरी ज्वाइनिंग 19 को बांद्रा टर्मिनस रेलवे स्टेशन पर हुई थी, मेरा काम ट्रेन में चदर और कंबल देने का था। वहां पर हमारे ग्रुप 10 लोग थे। वहां पर हमारे लिए रहने की भी कोई व्यवस्था नहीं थी, हम बांद्रा टर्मिनस रेलवे स्टेशन पर ही प्लेटफार्म पर ही सोते थे। वहां पर मैं 8 हजार रूपए लेकर गया था। परंतु दोनों समय का खुद के पैसों से खाना पड़ता था इसलिए सभी पैसै खत्म हो गऍ और फिर मैं 19 जुलाई को बांद्रा टर्मिनस से घर पर आ गया। लेकिन मेरी सैलरी उन्होंने अभी तक नहीं दी है। जब मैं मेरी सैलरी के लिए उनको फोन करता हूं तो बोलते हैं 2 दिन बाद आयेगी 5 दिन बाद आयेगी। ऐसा बोलते हुए उनको दो महीने हो गए हैं। लेकिन मेरी सैलरी अभी तक नहीं दी गई है। मैंने वहां पर 19 जून से 19 जुलाई तक काम किया है। मेरे साथ में जो लोग थे मेरे ग्रुप के उन सभी की सैलरी आ गई है। जो मेरे से पहले छोड़ कर चले गए थे उनकी भी सैलरी आ गई है लेकिन मेरी सैलरी अभी तक नहीं आई है। सर घर में कमाने वाला सिर्फ मैं ही हूं मेरे मम्मी बीमार रहती है जैसे तैसे घर का खर्च चला रहा हूं। सर मैंने मेरे UAN नम्बर से EPFO की साइट पर अपनी डिटेल्स भी चैक की थी। वहां पर मेरी ज्वाइनिंग 1 जून से दिखा रखी है। सर आपसे निवेदन है कि मुझे मेरी सैलरी दिलवा दीजिए। सर मैं बहुत गरीब हूं। मेरे पास घर का खर्च चलाने के लिए भी पैसे नहीं हैं। वहां के accountant का नम्बर (8291027127) भी है मेरे पास लेकिन वह मेरी सैलरी नहीं भेज रहे हैं। वहां पर LILEN में कंपनी का नाम THARU AND SONS है। मैंने अपने सारे कागज - आधार कार्ड, पैन कार्ड, बैंक की कॉपी भी दी हुई है। सर 2 महीने हो गए हैं मेरी सैलरी अभी तक नहीं आई है। सर आपसे हाथ जोड़कर विनती है कि मुझे मेरी सैलरी दिलवा दीजिए आपकी बहुत मेहरबानी होगी नाम - कुलदीप पिता - स्वर्गीय श्री शेरसिंह तहसील - कनीना जिला - महेंद्रगढ़ राज्य - हरियाणा पिनकोड - 123027
  • kheemanand pandey August 30, 2023

    जय विज्ञान🔬 जय अनुसंधान💛💛 सभी वैज्ञानिक समूह को हार्दिक शुभकामनाएँ और ढेरों बधाई🎉🎊
  • Vipinchandra Patel August 30, 2023

    Congratulations 👍🙏🇮🇳🇮🇳🇮🇳
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Raj Kapoor’s Iconic Lantern Donated To PM Museum In Tribute To Cinematic Icon

Media Coverage

Raj Kapoor’s Iconic Lantern Donated To PM Museum In Tribute To Cinematic Icon
NM on the go

Nm on the go

Always be the first to hear from the PM. Get the App Now!
...
Prime Minister Narendra Modi to participate in the Post-Budget Webinar on "Agriculture and Rural Prosperity"
February 28, 2025
QuoteWebinar will foster collaboration to translate the vision of this year’s Budget into actionable outcomes

Prime Minister Shri Narendra Modi will participate in the Post-Budget Webinar on "Agriculture and Rural Prosperity" on 1st March, at around 12:30 PM via video conferencing. He will also address the gathering on the occasion.

The webinar aims to bring together key stakeholders for a focused discussion on strategizing the effective implementation of this year’s Budget announcements. With a strong emphasis on agricultural growth and rural prosperity, the session will foster collaboration to translate the Budget’s vision into actionable outcomes. The webinar will engage private sector experts, industry representatives, and subject matter specialists to align efforts and drive impactful implementation.