“কাশী অসি লৌশিং, থৌদাং অমসুং অচুম্বগী লন তুংফম্নি হায়না খঙনৈ অমসুং মসিদি তসেংনা ভারতকী কলচর অমসুং স্পিরিচুএলগী কোনুংনি”
“ভারত্তা লৈরিবা ঐখোয়না মতম নাইদ্রবা অমসুং তোঙানবা মতৌনা থল্লবা চৎনবীগীদমক্তা চাউথোকচৈ। ঐখোয়গী মমল নাইদ্রবা কলচরগী হেরিতেজপু ঐখোয়না য়াম্না লুনা লৌজৈ”“”য়ুগে য়ুগীন ভারত নেস্নেল ম্যুজিয়ম” অসিনা লোইরকপা মতমদা ভারতকী চহি লিশিং 5000গী পুৱারী অমসুং চৎনবী উৎলিবা মালেমগী খ্বাইদগী চাউবা ম্যুজিয়ম ওইরগনি”“মিৎনা উবা ঙম্বা হেরিতেজ হায়বসিনা মেতরিএল ভেল্যু লৈবখক নত্তনা মসিনা ঐখোয়গী লৈবাক্কী পুৱারী অমসুং শক্তাকসু ওইরিবনি”“হেরিতেজ হায়বসি শেন্মিৎলোনগী শাহৌ অমসুং দাইবর্সিফিকেসনগী মরু ওইবা এসেৎ অমা ওইরি, অমসুং ৱাফম অসি ভারতকী ‘বিকাস ভি, বিরাসত ভি’ হায়রিবা মন্ত্র অসিদা মমি তারি”“ভারতকী নেস্নেল দিজিতেল দিস্ত্রিক্ত রিপোজিতরীনা নিংতম ইহৌগী ৱারীশিংবু নৌহৌননা থিদোকপদা তেংবাংলি”“ৱর্কিং গ্রুপনা C মরি – কলচর, ক্রিএতিবিতী, কম্মর্স অমসুং কোলাবোরেসনগী মরু ওইবশিংবু শকখঙখি”প্রধান মন্ত্রী, শ্রী নরেন্দ্র মোদীনা ঙসি উত্তর প্রদেশকী ভরানসীদা ভিদিও কনফরেন্সকী খুত্থাংদা G20 কলচরগী মন্ত্রীশিংগী মীফমদা ৱা ঙাঙখ্রে।
প্রধান মন্ত্রীনা কাশী হায়নসু খঙনবা ভরানসীদা দিগ্নিতরীশিংবু তরাম্না ওকখি অমসুং মহাক্কী পার্লিয়ামেন্তরী কনস্তিত্বেস্নী ওইরিবা শহর অসিদা G20 কলচরগী মন্ত্রীশিংগী মীফম পাংথোক্লিবা অসিদা নুংঙাইবা ফাওই হায়না ফোংদোকখি। কাশীবু খ্বাইদগী লিবা অহিংবা শহর অমনি হায়রদুনা, প্রধান মন্ত্রীনা মসিগা নক্ননা লৈরিবা সার্নাথকী তাউন অসিদা বুদ্ধনা মহাক্কী অহানবা সর্মোন পীখিবনি হায়না পাউদমখি। “কাশী অসি লৌশিং, থৌদাং অমসুং অচুম্বগী লন তুংফম্নি হায়না খঙনৈ অমসুং মসিদি তসেংনা ভারতকী কলচর অমসুং স্পিরিচুএলগী কোনুংনি”, প্রধান মন্ত্রীনা হায়খি অমসুং মীথুংলেনশিংনা গঙ্গা আর্তী থৌরম য়েংবীয়ু, সার্নাথতা চৎপীয়ু অমসুং কাশীগী অহাও অথুমসু চাবীয়ু হায়খি।
ঐখোয়বু অমত্তা ওইহনবা ঙম্বা অমসুং তোঙান-তোঙানবা বেকগ্রাউন্দ অমসুং মিৎয়েংশিং খঙবা ঙমহনবগী কলচরগী নুংগী ওইবা মতিক মগুন্দা মিৎয়েং চঙলদুনা, প্রধান মন্ত্রীনা G20 কলচর মন্ত্রীশিংগী থবকশিং অসি মীওই খুন্নাই অপুনবগী ওইনা য়াম্না মরু ওই হায়না ফোংদোকখি। “ভারত্তা লৈরিবা ঐখোয়না মতম নাইদ্রবা অমসুং তোঙানবা মতৌনা থল্লবা চৎনবীগীদমক্তা চাউথোকচৈ। ঐখোয়গী মমল নাইদ্রবা কলচরগী হেরিতেজপু ঐখোয়না য়াম্না লুনা লৌজৈ”, শ্রী মোদীনা ভারতনা মশাগী হেরিতেজ মফমশিংবু ঙাক শেন্নবা অমসুং ইনোৎ হাপ্নবা হোৎনরিবা অসিগী মতাংদা পাউদম্লদুনা হায়খি। লৈবাক অমসুং খুঙ্গংগী থাক্তা লৈরিবা লৈবাক্কী কলচরগী এসেৎশিং অমসুং আর্তিস্তশিংবু খঙদোক্নবা হোৎনবগী থৌওংবুসু মহাক্না পনখি। ভারতকী কলচরবু শকখঙনবা মখল কয়াগী সেন্তর শাখৎলিবা অসিগী মতাংদা মহাক্না পল্লদুনা ভারতকী ত্রাইবেল খুন্নাইশিংগী মতিক-মগুন লৈরবা কলচর উৎলিবা লৈবাক্কী তোঙান-তোঙানবা মফমদা লৈরিবা ত্রাইবেল ম্যুজিয়মশিংগী খুদম পীখি। নই দিল্লীদা লৈবা প্রধান মন্ত্রীগী ম্যুজিয়মগী মতাংদা পল্লদুনা, প্রধান মন্ত্রীনা মসিদি ভারতকী গনতন্ত্রগী হেরিতেজ উৎনবা হোৎনবা খ্বাইদগী তোপ-তোপ্পা থৌওং অমনি হায়না ফোংদোকখি। হৌজিক শাগৎলিবা ”য়ুগে য়ুগীন ভারত নেস্নেল ম্যুজিয়ম” অসিগী মতাংদা মহাক্না পাউদম্লদুনা মসিনা লোইরকপা মতমদা ভারতকী চহি লিশিং 5000গী পুৱারী অমসুং চৎনবী উৎলিবা মালেমগী খ্বাইদগী চাউবা ম্যুজিয়ম ওইরগনি হায়না মহাক্না মখা তাখি।
প্রধান মন্ত্রীনা কলচরগী লন-থুমশিংবু নীংথিনা শেমজিনবগী মরু ওইবা হীরম অসিগী মতাংদা পাউদম্লদুনা, ৱর্কিং গ্রুপ অসিগী হোৎনজমনশিংবু মহাক্না তরাম্না ওকখি অমসুং মিৎনা উবা ঙম্বা হেরিতেজ হায়বসিনা মেতরিএল ভেল্যু লৈবখক নত্তনা মসিনা ঐখোয়গী লৈবাক্কী পুৱারী অমসুং শক্তাকসু ওইরিবনি হায়না ফোংদোকখি। “মীপুম খুদিংনা মশাগী কলচরগী হেরিতেজপু খঙজবা অমসুং মদুগী নুংঙাইবা লৌবগী হক লৈ”, শ্রী মোদীনা হায়খি। ভারতনা ইং 2014দগী হৌদুনা লৈবাক্কী অরিবা সিভিলাইজেসনগী নুংঙাই য়াইফবা মতৌ তাকপা মসিগুম্বা আর্তিফেক চা কয়া লৈবাকসিদা অমুক পুরক্লে হায়না প্রধান মন্ত্রীনা পাউদমখি। মহাক্না অহিংবা হেরিতেজকী মাইকৈদা হোৎনরিবশিং অমসুং ‘কলচর ফোর LiFE’তা তেংবাংবগী থৌওংশিংবু থাগৎপা ফোংদোকখি। প্রধান মন্ত্রীনা মখা তারদুনা, কলচরেল হেরিতেজ হায়বসি নুংদা হক্লিবা অদুখক নত্তে, মসিদি চারোন-শুরোন কয়াদগী পীথদুনা লাক্লিবা চৎনবী, নাৎ অমসুং কুহ্মৈশিং অদুবুনি হায়খি। ৱর্কিং গ্রুপ্না হোৎনরিবা খুদিংনা সস্তেনেবল ওইবা প্রেক্তিস অমসুং পুন্সি মহিংবু খুমাং চাউশিলহনগনি হায়বগী থাজবা থম্মি হায়না ফোংদোকখি।
হেরিতেজ হায়বসি শেন্মিৎলোনগী শাহৌ অমসুং দাইবর্সিফিকেসনগী মরু ওইবা এসেৎ অমা ওইরি, অমসুং ৱাফম অসি চাউখৎ থৌরাংগা লোয়ননা হেরিতেজ হায়বা ৱাহন্থোক লৈব্রিবা ভারতকী ‘বিকাস ভি, বিরাসত ভি’ হায়রিবা মন্ত্র অসিদা মমি তারি হায়না প্রধান মন্ত্রীনা মীয়ামগী পুক্নিং চীংশিনখি। “ভারতনা তোপ-তোপ্পা আর্ত অমসুং ক্রাফ 3000মুক্কা লোয়নবা মশাগী চহি লিশিং অনি শুরবা ক্রাফ হেরিতেজকীদমক্তা চাউথোকচরি”, প্রধান মন্ত্রীনা মরোমদোম লেপচবা ঙম্বগী থৌওংবু খুমাং চাউশিলহনবগা লোয়ননা ভারতকী ক্রাফকী তোপ-তোপ্পা মতৌবু উৎলিবা ‘ৱান দিস্ত্রিক্ত, ৱান প্রদক্ত’ খোঙথাংদা মিৎয়েং চঙদুনা হায়খি। G20 লৈবাকশিংনা কলচর অমসুং ক্রিএতিব ইন্দস্ত্রী খুমাং চাউশিলহন্নবা হোৎনরিবা থৌওংশিং অসিগী অচৌবা মরু ওইবা লৈ, মরমদি, থবকশিং অসিনা হীরম পুম্নমক মনুং চন্দুনা শেন্মিৎলোন চাউখৎহনবদা তেংবাংবগা লোয়ননা ক্রিএতিবিতী অমসুং ইন্নোভেসনবুসু শৌগৎলি হায়না মহাক্না অহেনবা মিৎয়েং চঙখি। ভারতনা লাক্কদৌরিবা থা খরগী মনুংদা বিলিয়ন দোল্লর 1.8কা লোয়নবা পি.এম. বিশ্বকর্ম য়োজনা হৌদোক্লগনি হায়না প্রধান মন্ত্রীনা পাউদমখি। মসিনা নাৎকী ওইবা আর্তিসানশিংদা তেংবাংবগী ইকোসীস্তেম অমা শেমগৎকনি অমসুং মখোয়বু মখোয়গী ক্রাফতা চাউখৎহনবদা তেংবাংগনি অমসুং ভারতকী ইনাক খুল্লবা কলচরগী হেরিতেজতা শরুক তম্বগী খুদোংচাবসু পীগনি হায়না মহাক্না মখা তাখি।
কলচরগী ফজবা শকখঙবদা তেক্নোলোজী অসিসু য়াম্না মরু ওইবা খোঙলোই অমা ওই হায়না পাউদম্লদুনা, প্রধান মন্ত্রীনা নিংতম ইহৌগী ৱারীশিংবু নৌহৌননা থিদোকপদা তেংবাংলিবা ভারতকী নেস্নেল দিজিতেল দিস্ত্রিক্ত রিপোজিতরীগী মতাংদা পনখি। ভারতনা মশাগী কলচরগী ওইবা মশক নাইবা মফমশিংবু হেন্না নীংথিজনা ঙাক-শেনবগা লোয়ননা কলচরগী লমদা মরু ওইবা মফমশিংবু লমকোয়বশিংনা লাক্নিংবা হেলহন্নবা তেক্নোলোজী শিজিন্নবগী থৌওংদা মহাক্না মিৎয়েং চঙখি।
প্রধান মন্ত্রীনা মহাক্কী ৱারোল লোইশিনবা ওইনা, G20 কলচর মন্ত্রীশিংগী ৱর্কিং গ্রুপ্না বাসুদৈবা কুতুম্বাকম - পৃথীবি অমা, ইমুং অমা, তুংগী মতম অমগী ইথিল শাগোন্নরিবা ‘কলচর য়ুনাইৎস ওল’ কেম্পেন হৌদোকপা অসিদা নুংঙাইবা ফাওই হায়না পাউদমখি। মহৈ য়াল্লে খঙবা ঙমহনগদবা G20 এক্সন প্লান অমা শেম্বদা মখোয়না লৌরিবা মরু ওইবা থৌদাংশিংবুসু মহাক্না থাগৎখি। “অদোমগী থবকশিংদা C মরি – কলচর, ক্রিএতিবিতী, কম্মর্স অমসুং কোলাবোরেসনগী মরু ওইবশিংগী মমি তারি। মসিনা ঐখোয়বু কলচরগী শক্তিগী কান্নবা লৌবা ঙমহনগনি অমসুং পুম্নমক্কী খনবা, ইনক্লুসিব ওইবা অমসুং তংদু লৈতাবা তুংগী মতম অমা শেম্বদা তেংবাংগনি”, প্রধান মন্ত্রীনা মহাক্কী ৱারোল লোইশিনখি।
