প্রধান মন্ত্রী শ্রী নরেন্দ্র মোদীনা ঙসি কর্নাতক্কী কলাবুরাগী অমসুং তামিল নাদুগী কাঞ্চীপুরমদা চাউখৎথৌরাংগী মরুওইবা প্রোজেক্তশিং হৌদোকখ্রে।
কর্নাতক্কী কলাবুরাগীদা প্রধান মন্ত্রীনা প্লেক মায়খুম হাংদোক্লদুনা ই.এস.আই.সি. হোস্পিতাল অমসুং মেদিকেলকোলেজ, বেঙ্গলুরু লৈবাক মীয়ামদা কত্থোকখি। মহাক্না বত্তন নম্লদুনা হুবলীদা কে.আই.এম.এস. সুপরস্পিসিয়েলিতী ব্লোক, বেঙ্গলুরুদা ইনকম তেক্স এপ্পেল্লেৎ ত্রিব্যুনেল তর্মিনেল অমসুং বেঙ্গলোর য়ুনিবর্সিতীদাঅৱাং নোংপোক লমদমদগী লাকপা মহৈরোইশিংগীদমক নুপীগী হোস্তেলসু শঙ্গাখি। প্রধান মন্ত্রীনা প্লেকমায়খুম হাংদোক্লদুনা বি.পি.সি.এল. দিপোত রাইচুর তু কলাবুরাগীগী রিসাইতমেন্তকী উরেপ–উয়ুংসু তমখি।
প্রধান মন্ত্রী জন অরোগ্য য়োজনা: আয়ুশ্মান ভারতকী কান্নবা ফংলবশিংগসু প্রধান মন্ত্রীনা উন্নদুনা ৱারী শান্নখি।
তামিল নাদুগী কাঞ্চীপুরমদা প্রধান মন্ত্রীনা নেস্নেল হায়ৱে–৪৫সি.গী বিক্রাবন্দীদগী তঞ্জাবুর ফাওবগী লেনমরিগীদমক অমদি নেস্নেল হায়ৱে–৪গী করাইপেত্তাই–ৱালাজাপেৎ সেক্সনগী লেন তরুক্কীদমক উরেপ–উয়ুংতম্বা য়াওনা নেস্নেল হায়ৱে প্রোজেক্ত কয়া অমা হৌদোকখি। মহাক্না ৫ এম.এম.তি.পি.এ. কেপাসিতী ইন্নোরএল.এন.জি. তর্মিনেল লৈবাক মীয়ামদা কত্থোকখি। ইন্নোর এল.এন.জি. তর্মিনেলনা তামিল নাদু অমদি মনাকনকপা রাজ্যশিংদা এল.এন.জি. গ্যাস দিমান্দ কোকহনবদ মতেং ওইরগনি। মহাক্না ইরোদ–কারুর–তিরুচিরাপল্লী অমদি সালেম–কারুর–দিন্দীগুল রেলৱে লাইনশিংগী ইলেক্ত্রিফিকেশনসু লৈবাক মীয়ামদাকত্থোকখি।
প্রধান মন্ত্রীনা ভিদিও লিঙ্ককী খুত্থাংদা দা. এম.জি.আর. জানকী কোলেজ ওফ আর্তস এন্দ সাইন্স ফোর ৱুমেন, চেন্নাইদা দা. এম.জি. রামচন্দ্রগী মীতম মায়খুম হাংদোকখি।
ঙসি হৌদোকখ্রিবা চাউখৎ থৌরাংগী থবকশিং অসিনা কর্নাতকা অমসুং তামিল নাদুগী মীয়ামদা চাউনাকান্নহল্লগনি।
