প্রধান মন্ত্রীনা সাইক্লোন ‘তৌকতে’গীদমক শেম শারিবশিং য়েংশিন্নবা অৱাংবা থাক্কী মীফম পাংথোকখ্রে

Prime Minister directs senior officers to take every possible measure to ensure that people are safely evacuated

Ensure maintenance of all essential services such as Power, Telecommunications, health, drinking water: PM

Special preparedness needed for COVID management in hospitals, vaccine cold chain and power back up and storage of essential medicines in vulnerable locations due to cyclone: PM

প্রধান মন্ত্রী নরেন্দ্র মোদীনা সাইক্লোন “তৌকতে”না ওইহল্লক্লিবা ফীভম অসি লাকশিন্নবা মরী লৈনবা রাজ্যশিং অমসুং কেন্দ্রগী মন্ত্রালয়শিং/এজেন্সীশিংনা শেম-শারিবা অসি য়েংশিন্নবা ঙসি অৱাংবা থাক্কী মীফম অমা পাঙথোকখ্রে।

ইন্দিয়া মেতিরিওরোলোজিকেল দিপার্তমেন্ত (আই.এম.দি.)না সাইক্লোন “তৌকতে” অসিনা পুংদা কিলোমিতর ১৭৫ ফাওবগী নুংশিৎকী খোঙজেলগা লোইননা মে ১৮গী নুমিৎ য়ুংবা/নুমিদাং ৱাইরমদা পোর্বন্দর অমসুং নলিয়াগী মরক্তা লৈবা গুজরাতকী সমুদ্র তোর্বান্দা য়ৌরক্লবা য়াই হায়না ফোঙদোরকখ্রে। মসিনা জুনাগাধ অমসুং গীর সোমনাথতা কা হেন্না কনবা নোং অমসুং সৌরাস্ত্রা কচ্ছ অমসুং দিয়ুগী জিলাশিংগী মফম খরাদা – গীর সোমনাথ, দিয়ু, জুনাগাধ, পোর্বন্দর, দেবভুমি দ্বার্কা, অমরেলি, রাজকোত, জামনগর – য়াম্না অকনবা নোং চুবা য়াওনা গুজরাতকী সমুদ্র তোর্বান্দা লৈবা জিলাশিংদা অকনবা নোং চুহল্লবা য়ান্না লৈ।  আই.এম.দি.না মোর্বি, কচ্ছ, দেবভুমি দ্বার্কা অমসুং জামনগর জিলাশিং অসিগী সমুদ্র তোর্বানগী মফমশিংদা এস্ত্রোনোমিকেল তাইদতগী মিতর ২-৩ হেন্না ৱাংবা অমসুং পোর্বন্দর, জুনাগার, দিয়ু, সোমনাথ, অমরেলি, ভাবনগরদা মিতর ১-২ অমসুং গুজরাতকী লেমহৌরিবা সমুদ্র তোর্বানগী জিলাশিংদা মিতর ০.৫তগী মিতর ১ হেন্না ৱাংবা অসিনা মে ১৮গী নুমিৎ য়ুংবা/ নুমিদাং ৱাইরমদা লেন্দফোল তৌবা মতমদা নোংলৈ নুংশিৎকী অকনবা শাফুনা থুমজিনবা য়াই হায়না চেকশিনৱা থমখ্রে। আই.এম.দি.না পুং অহুম খুদিংগী মে ১৩দগী হৌনা মরী লৈনবা রাজ্য পুম্নমক্কী খ্বাইদগী নৌবা ফোর্কাস্তকা লোইননা বেলেতিনশিং থাদোক্লি। 

সমুদ্র তোর্বান্দা লৈবা রাজ্য পুম্নমক্কী চীফ সেক্রেতরীশিং অমসুং মরী লৈনবা কেন্দ্রগী মন্ত্রালয়শিং/এজেন্সীশিংদা লেপ্তনা পাউ ফাওনরি হায়না কেবিনেৎ সেক্রেতরীনা ফোঙদোকখ্রে।

গৃহ মন্ত্রালয় (এম.ঐচ.এ.)না ফীভম অসি পুং ২৪ য়েংশিল্লি অমসুং মরী লৈনবা রাজ্য সরকারশিং/য়ু.তি.শিং অমসুং সেন্ত্রেল এজেন্সীশিংদা পাউ ফাওনরি। এম.ঐচ.এ.না রাজ্য পুম্নমক্তা মাংজৌননা এস.দি.আর.এফ.কী অহানবা ইন্সতোলমেন্ত থাদোকখ্রে। এন.দি.আর.এফ.না হিশিং, ত্রী-কত্তরশিং, তেলিকোম ইক্বিপমেন্ত অসিনচিংবা য়াওরবা তীম ৪২ রাজ্য তরুক্তা মাংজৌননা শেম-শাদুনা লৈহনখ্রে অমসুং তীম ২৬না স্তেন্দবাইদা লৈহনখ্রে।

ইন্দিয়ন কোস্ত গার্দ অমসুং নেভীনা রিলিফ, থী-হুম্বা অমসুং রেস্ক্যু ওপরেসনশিংগীদমক জহাসশিং অমসুং হেলিকোপ্তরশিং দিপ্লোই তৌখ্রে। হীশিং অমসুং রেস্ক্যু ইক্বিপমেন্তগা লোইননা এয়র ফোর্স অমসুং আর্মীগী ইঞ্জিনীয়র তাস্ক ফোর্স য়ুনিৎশিং স্তেন্দবাইদা দিপ্লোই তৌদুনা থমখ্রে। নোংচুপ থংবা সমুদ্র তোর্বান্দা হ্যুমেনিতরিয়ন এসিস্তেন্স অমসুং দিজাস্তর রিলিফ য়ুনিৎশিংগা লোইননা জহাস তরেৎ স্তেন্দবাইদা লৈ। নোংচুপ থংবা সমুদ্র তোর্বান্দা সর্ভিলেন্স এয়রক্রাফ অমসুং হেলিকোপ্তরশিংনা সিরিএল সর্ভিলেন্স চত্থরি। ত্রিবেন্দ্রম, কন্নরুর অমসুং অতৈ নোংচুপ থংবা সমুদ্র তোর্বান্দা দিজাস্তর রিলিফ তীমশিং (দি.আর.তি.শিং) অমসুং মেদিকেল তীমশিং (এম.তি.শিং) স্তেন্দবাইদা লৈরি।

পাৱর মন্ত্রালয়না ইমর্জেন্সী রেস্পোন্স সিস্তেমশিং এক্তিবেৎ তৌখ্রে অমসুং মৈ মুৎখিবা থোক্লবদি খুদক্তা মৈ থাবা য়ানবা ত্রান্সফোর্মরশিং, দি.জি. সেৎশিং অমসুং ইক্বিপমেন্তশিংনচিংবা শেম-শাদুনা থম্লি। তেলিকোম মন্ত্রালয়না তেলিকোম তেলিকোম তাৱর অমসুং এক্সচেঞ্জ পুম্নমক তোইনা য়েংশিল্লি অমসুং নেৎৱর্ক য়ারক্তবা য়াওরকপদা শেম্নবা মপুং ফানা শেম শাদুনা লৈরি। হকশেল অমসুং য়াইফ-য়ুম্বাল মন্ত্রালয়না শোকহল্লকপা য়াবা রাজ্যশিং/য়ু.তি.শিংদা হেল্থ সেক্তরনা শোকহল্লবা মফমশিংদা কোবিদকী শেম-শানবা অমসুং রেস্পোন্সকীদমক এদভাইজরী থোকখ্রে। মখোয়না ক্বিক রেস্পোন্স মেদিকেল তীম ১০ অমসুং পব্লিক হেল্থ রেস্পোন্স তীম ৫ ইমর্জেন্সীগী হীদাক-লাংথকশিংগা লোইননা শেম শাদুনা থমখ্রে। পোর্ত, শিপ্পিং অমসুং ৱাতরৱেজ মন্ত্রালয়না শিপ্পিং ভেসেল পুম্নমক শাফনা থম্নবা খোঙথাংশিং লৌখৎখ্রে অমসুং ইমর্জেন্সী ভেসেলশিং (তগস) দিপ্লোই তৌখ্রে।

এন.দি.আর.এফ.না খুদোংথিনীংঙাই ওইবা মফমশিংদগী মীয়াম হোন্দোক্নবা মখোয়না শেম শারিবা অসিদা রাজ্যগী এজেন্সীগী মতেং পাংলি অমসুং নোংলৈ-নুংশিৎনা ওইহল্লকপা ফীভম করম্না লাকশিনগনি হায়বগী মতাংদা কম্ম্যুনিতী এৱের্নেস কেম্পেন লেপ্তনা পাঙথোক্লি।

য়েংশিল্লবা মতুংদা প্রধান মন্ত্রীনা মকোক থোংবা ওফিসরশিংদা রাজ্য সরকারশিংনা মীয়ামবু খুদোংথিবা থোকহন্দনা হোনদোক্নবা লৌখৎপা য়াবা খোঙথাং খুদিংমক লৌখৎনবা অমসুং পাৱর, তেলিকম্ম্যুনিকেসন্স, হেক্থ, দ্রিঙ্কিং ৱাতর অসিনচিংবা তঙাই ফদবা সর্ভিস পুম্নমক্তা অকাইবা পীদনবা অমসুং করিগুম্বা মখোয়দা অমাং অতা থোরকপদা খুদক্তা শেমজিন-শাজিন্নবা পাউতাক পীখ্রে। হোস্পিতালশিংদা কোবিদ মেনেজমেন্তগী, বেক্সিন কোল্দ চেন অমসুং অতৈ মেদিকেল ফেসিলিতীশিং অসিদা পাৱর বেক অপ থম্নবা অমসুং তঙাই ফদবা হীদাক-লাংথকশিং থম্নবা অমদি ওক্সিজেন তেঙ্করশিং পুথোক-পুশিন তৌবদা অপনবা থোক্তনবা অখন্ননা শেম শানবা মহাক্না মখোয়দা মখা তানা পাউতাক পীখ্রে। মহাক্না কন্ত্রোল রুমশিং পুং ২৪ মথৌ তৌনবসু খঙহনখ্রে। মহাক্না হায় জামনগরদা ওক্সিজেন সপ্লাই তৌবদা য়ারিবা মখৈ অপনবা থোক্তনবা অখন্ননা য়েংশিনবা মথৌ তাই হায়নসু ফোঙদোকখ্রে। মহাক্না মতম চানা সেন্সিতাইজেসন তৌনবা অমসুং তেংবাং পীবগী খোঙথাংশিংগী মতাংদা মফম অদুগী মীফম শরুক য়াহনবা মথৌ তাই হায়নসু ফোঙদোকখ্রে।

মীফম অদুদা গৃহ মন্ত্রী, এম.ও.এস. হোম, পি.এম.গী প্রিন্সিপল সেক্রেতরী, মন্ত্রালয়শিং/হোম বিভাগকী সেক্রেতরীশিং, সিভিল এভিএসন, পাৱর, তেলিকোম, শিপ্পিং, ফিশরীজ, এন.দি.এম.এ.গী মেম্বরশিং অমসুং মেম্বর সেক্রেতরী, চিয়রমেন, রেলৱেজ বোর্দ, এন.দি.আর.এফ. অমসুং আই.এম.দি.গী দিরেক্তর জেনরেলশিং অমসুং পি.এম.ও., এম.ঐচ.এ. অমসুং আই.এম.দি.গী মকোক থোংবা ওফিসরশিংনা শরুক য়াখ্রে।