লৈবাক্কী মফম খরদা চৎথরিবা য়ৈখাই থিনগাইবগী থৌদোকশিংদা প্রধানমন্ত্রীনা য়াম্না কন্না য়ানিংদবা ফোংদোকখ্রে
য়ুমলৈ কৈরৈ মন্ত্রীগা ৱারি শান্নখ্রে; মরাল লৈবশিংগী মথক্তা অকনবা খোংথাং লৌখৎকনি হায়খ্রে
লৈবাক্কী মফম খরদা চৎথরিবা য়ৈখাই থিনগাইবগী থৌদোকশিংদা প্রধানমন্ত্রী শ্রী নরেন্দ্র মোদীনা য়াম্না কন্না য়ানিংদবা ফোংদোকখ্রে অমসুং মরাল লৈবশিংগী মথক্তা অকনবা খোংথাং লৌখৎকনি হায়খ্রে। লৈবাক্কী মফম খরদা মুর্তী থুগাইবগী থৌদোকশিং থোক্লি। মসিগা মরি লৈননা প্রধান মন্ত্রীনা য়ুমলৈ কৈরৈ মন্ত্রীগা উন্নদুনা ৱারি শান্নখি অমসুং অসিগুম্বা থৌদোকশিংবু য়াম্না কন্না য়ানিংদবা ফোংদোকখি। য়ুমলৈ কৈরৈ মন্ত্রালয়না য়ৈখাই থিনগাইবগী অসিগুম্লবা থৌদোকশিং অসিবু হকচিন্না লৌরি। অসিগুম্বা থৌদোকশিং থিংনবা লৌখৎপা য়াবা খোংথাং পুম্নমক লৌখৎনবা য়ুমলৈ কৈরৈ মন্ত্রালয়না রাজ্যশিংদা খঙহনখ্রে। অসিগুম্বা থৌদোকশিংদা শরুক য়ারিবা মীওইশিং অদু মরিলৈনবা আইনগী মখাদা বিচার চত্থগনি।
