প্রধান মন্ত্রীনা লুচীংদুনা এন দি এম এগী ৬সুবা মীফম পাথোকখ্রে
ঙসি নই দিল্লীদা প্রধান মন্ত্রী নরেন্দ্র মোদীনা লুচীংদুনা নেসনেল দিজাস্তর মেনেজমেন্ত ওথোরিতীগী ৬সুবা মীফম পাংথোকখ্রে।
লৈবাক অসিবু শোকহনবা অমাং-অতাশিং মপুং ফানা থেংননবা এন দি এম এনা পায়খৎলিবা থবকশিং প্রধান মন্ত্রীনা অমুক হন্না য়েংশিনখ্রে। হৌজিক এন দি এম এনা পায়খৎলিবা প্রোজেক্তশিংসু মহাক্না য়েংশিনখি।
পুন্সি অমসুং লন-থুম কন্নবা মরি লৈনবশিংগী মরক্তা পুন্না থবক তৌমিন্নবগী তঙাইফদবশিং অমসুং অপুনবগী ওইনা এক্সরসাইজশিং পাংথোক্নবা প্রধান মন্ত্রীনা তকশিনখি। দিজাস্তর মেনেজমেন্তগী লমদা মালেমগী ওইনা চৎনরিবা নিয়মশিং শীজিন্ননবা মহাক্না তকশিনখি।
কেন্দ্রগী হোম মিনিস্তর, রাজনাথ সিংহ, কেন্দ্রগী শেন-থুম মন্ত্রী অরুন জেতলী , কেন্দ্রগী লৌউ-শিংউ অমসুং লৌমীশিংগী য়াইফ-থৌরাং মন্ত্রী রাধা মোহন সিংহ অমসুং এন দি এম এগী ওফিসিয়েলশিং শরুক য়াখি।
