ঙসি প্রধানমন্ত্রী শ্রী নরেন্দ্র মোদীনা উত্তর প্রদেশ ইনবেস্তর্স সমিৎ- ২০১৮দা হৌদোক ৱারোল পীখ্রে ।
অহোংবা অমা লাকপা মতমদা পুম্নমক্না উবা ফংই হায়না মহাক্না হায়খি । উত্তর প্রদেশতা অশুক য়াম্না চাওরবা ইনবেস্তর্স সমিৎকী ওর্গনাইজেসন অমসুং মশিং য়াম্লবা ইবেস্তরশিংনা শরুক য়ারিবা অসিনা মশা মথন্তা হোংলক্লিবা অদু তাক্লি হায়না মহাক্না মখা তাখি । তেনখ্রবা মতমগী মনুংদা মশাবু দিব্লপমেন্ত অমসুং প্রোসপেরিতীগী লম্বীদা পুরকপগীদমক্তা মহাক্না রাজ্যবু থাগৎপা ফোংদোকখি ।
রাজ্য অসিদা রিসোর্স অমসুং কেপেবিলিতী মরাং কাইনা লৈরি হায়না মহাক্না হায়খি । লৌউবনা মসিগী পাঙ্গলনি হায়না মহাক্না হায়খি । মহাক্না মুখ্যমন্ত্রী য়োগী আদিত্যনাথকী সরকারবু রাজ্য অসিগী নেগতিব এতমোসফিয়ারবু পোজিতিব ওইবা অমসুং আশা অমদা ওন্থোকপগীদমক থাগৎপা ফোংদোকখি ।
রাজ্য সরকারনা তোঙান তোঙানবা সেক্তরশিংগীদমক চান্নবা পোলিসীশিং শেম্লে হায়না মহাক্না হায়খী । রাজ্য সরকারনা নহাশিং, নুপীশিং অমসুং লৌমীশিংগী মফমদা শকখীবা ৱাশক অদু মপুং ফান্নবা কন্না হোৎনরি হায়না মহাক্না হায়খি । রাজ্য অসিনা “ৱান দিস্ত্রিক্ত, ৱান প্রদক্ত” স্কিম অমদা থবক তৌরি হায়না মহাক্না হায়খি । স্কিল ইন্দিয়া মিসন, স্তেন্দ অপ ইন্দিয়া, স্তার্ত অপ ইন্দিয়া অমসুং প্রধানমন্ত্রী মুদ্রা য়োজনাগুম্বা কেন্দ্র সরকারগী স্কিমশিং অসিনা “ৱান দিস্ত্রিক্ত, ৱান প্রদক্ত” স্কিম ইমপ্লিমেন্ত তৌবদা কান্নবা ফংহল্লগনি হায়না মহাক্না মখা তাখি । কেন্দ্র সরকারগী প্রধানমন্ত্রী কিষান সম্পদা স্কিম্না এগ্রীকলচর সেক্তরদা পোত্থোক মাংবা হন্থহনবদা মতেং ওইরগনি হায়না মহাক্না হায়খি ।
পাক শন্না চূ থাবনা রাজ্য অসিনা ইথানোল মরাং কাইনা পুথোকপা ঙমগনি হায়না মহাক্না হায়খি । উত্তর প্রদেশতা দিফেন্স ইন্দস্ত্রীয়েল কোরিদোর অমা লিংখৎলগনি মদুনা বুন্দেলখন্দ লমদমগী দিব্লপমেন্ততা কান্নবা ফংহল্লগনি হায়না প্রধানমন্ত্রীনা হায়খি । মথং চহিদা প্রয়াগতা পাংথোক্কদৌরিবা কুম্ব মেলানা মালেমদা অসিগুম্বা মখলগী খ্বাইদগী চাওবা থৌরম ওইগনি হায়না প্রধানমন্ত্রীনা হায়খি ।
