ইকায়খুম্নরবী, প্রধান মন্ত্রী সেখ হসিনা,

লৈবাক অনিগী মীহুৎ কাংবুশিং

মেদিয়াগী মরুপ-মপাংশিং.

খুরুমজরি!

ঐনা প্রধান মন্ত্রী সৈখ হসিনা অমসুং মহাক্কী মীহুৎ কাংবু তরাম্না ওকচরি। হৌখিবা চহি অমদা, ঐখোয় ১০ রক উনখ্রে। ঐখোয়গী সরকারগী অহুমশুবা তামর্দা ঐখোয়গী অহানবা অতিথি প্রধান মন্ত্রী সৈখ হসিননা ওইবা মরম্না ঙসিগী মীফম অসি খন্নবা অমনি।

মরুপশিং,

ঐখোয়গী ‘য়ুম্লোন্নবনা অহানবা’ থৌশিল, এক্ত ইস্ত পোলিসি, ভিজন সাগর অমসুং ইন্দো-পেসিফিক ভিজনগী ইতিনফমদা বাংলাদেস লৈরি। হৌখিবা চহি অমদা, ঐখোয়না মীয়ামগী য়াইফনবা মরুওইবা প্রোজেক কয়া লোইশিনখ্রে। ভারত-বাংলাদেসকী মরক্তা অখৌরা-অগরতালাগী মরক্তা ৬শুবা ঙমখৈ লান্না চৎপা রেল লিঙ্ক থবক হৌখ্রে। খুলনা-মোঙ্গলা হিথাংফম্না ভারতকী অৱাং-নোংপোক লমদমগী রাজ্যশিংগী কার্গোগী থবক হৌখ্রে। অহানবা ওইনা মোঙ্গলা হিথাংফম রেলগা শম্নরে। মেগা ৱাত ১৩২০গী মাইত্রি থর্মেল পৱার প্লান্তগী য়ুনিত অনিমক মৈ পুথোকপা হৌরে। লৈবাক অনিগী মরক্তা ভারতকী রুপীনা ললো-ইতিক পাংথোকপা হৌরে। ভারত অমসুং বাংলাদেসকী মরক্তা গঙ্গা তুরেলদা মালেমদা খ্বাইদগী শাংবা তুরেলগী ক্রুইজ মাইপাক্না পাংথোকখ্রে। ভারত অমসুং বাংলাদেসকী মরক্তা অহানবা ঙমখৈ লান্না পুবা পাইপ লাইন থবক হৌখ্রে। ভারতকী গ্রিদ ফাওরগা নেপালদগী বাংলাদেসতা মৈ য়োনবা অসি ইনর্জি সেক্তরদা লমদম অসিদা মতেং পাংনবগী অহানবা খুদম্নি। শুপ্নগী চহি অমদা হিরম কয়াদা অসিগুম্বা অচৌবা থবক কয়া পাংথোকপা অসি ঐখোয়গী মরীশিংগী খোঙজেল অমসুং পাক-চাউবগী মমি তারে। 

মরুপশিং,

ঙসি, অনৌবা হিরমশিংদা মতেং পীন্নবা ঐখোয়না তুংকোইনা চৎনবা য়াবা পান্দম অমা শেম্লে। গ্রিন পার্তনরশিপ, দিজিতেল পার্তনরশিপ, ব্লু ইকোনোমি, স্পেস য়াওনা হিরম কয়াদা মতেং পাংননবা য়ানবা পুরকপা অসিনা লৈবাক অনিমক্কী নহারোলশিংদা কান্নবা পীরগনি। ভারত-বাংলাদেস “মাইত্রি সেতাল্লাইত” না ঐখোয়গী মরীশিং অনৌবা থাকশিংদা পুখৎলগনি। ঐখোয়না ঐখোয়গী পান্দম অসি চৎথোক-চৎশিন, ললোন-ইতিক অমসুং পুন্না থবক তৌমিন্নবদা মীৎয়েং থম্লি। হৌখিবা চহি ১০ অসিদা, ঐখোয়না ১৯৬৫ গী মমাঙদা লৈরম্বা চৎথোক-চৎশিন অমুক লৈহল্লে। হৌজিক ঐখোয়না দিজিতেল অমসুং ইনর্জিগী লমদা হেন্না মীৎয়েং চঙগনি। মসিনা লৈবাক অনিমক্কী শেন্মিৎলোন্দা হেন্না ইনোৎ পীগনি। ঐখোয়গী শেন-থুমগী মরীশিং অনৌবা থাকশিংদা পুখৎনবা, সিপাগী ৱারি শান্নবা হৌবা হায়না লৈবাক অনিনা য়ানরে। বাংলাদেসকী সিরাজগঞ্জতা ইনলেন্দ কন্তেন্নর দিপো অমা শাবদা ভারতনা মতেং পাংগনি।

মরুপশিং,
ভারত অমসুং বাংলাদেসনা তুরেল ৫৪ শরুক য়ামিন্নরি। ঈশিং ইচাউ থেংনবা, ঙল্লিঙৈদা চেকশিনৱা পীবা, থক্নবা ঈশিংগী প্রোজেকশিংদা ঐখোয় মতেং পাংনরি। ১৯৯৬ গঙ্গা ৱাতর ত্রিতি অমুক হন্না য়েংশিন্নবা ঐখোয়না তেক্নিকেলগী ৱারি শান্নবা হৌরে। বাংলাদেসকী তীসতা তুরেল ঙাক-শেন্নবা অমসুং য়েংশিন্নবা তেক্নিকেল তিম অমা অথুবদা বাংলাদেসতা চৎলগনি।

মরুপশিং,

ঙাক-শেনগী মতেং পীনবা অমসুং আর্মদ ফোর্সশিং মতমগা চুনবা মওংদা শেমগৎনবা ঙাক-শেনগী খুৎলায় পুথোকপদা মতেং পীনবা মখা তানা মপাঙ্গল কনখৎহন্নবা ঐখোয়না কুপ্না খন্নরে। তেরোরিজম লাকশিনবা, রেদিকেলিজম থেংনবা অমসুং শান্তি ওইনা ঙমখৈ ঙাকপগী লমদা ঐখোয় মতেং পাংনবা হেনগৎহনবা হায়না ঐখোয়না ৱারেপ লৌরে। ভারত মহাসাগর লমদমদা ঐখোয়গী মান্না পান্দম লৈরি। বাংলাদেসনা ইন্দো-পেসিফিক ওসিন ইনিসিয়েতিপ শরুক য়ানবা ৱারেপ লৌরকপদা ঐখোয়না তরাম্না ওক্লি। বিমসতেক য়াওনা লৈবাক অনিগী অমসুং মালেমগী ফোরমশিংদা ঐখোয় মতেং পাংনবা ঐখোয় মখা চৎথগনি।

মরুপশিং,

ঐখোয়গী মান্নবা নাৎ অমসুং মীগা মীগা লৈনবা অচেৎপা মরী অসি ঐখোয়গী মরীশিংগী য়ুম্ফম্নি। স্কোলারশিপশিং, ত্রেনিং অমসুং কেপাসিতি বিল্দিং মখা তানা হেনগৎহনবা হায়না ঐখোয়না ৱারেপ লৌরে। বাংলাদেসতগী ভারত্তা লায়য়েংবা লাকপা মীওইশিংদা ই-মেদিকেল ভিসাগী খুদোংচাবা ভারতনা হৌদোক্লগনি। বাংলাদেসগী অৱাং-নোংচুপ লমদমগী মীয়ামগী খুদোংচানবা রঙ্গপুরদা অনৌবা এসিস্তেন্ত হয় কম্মিসন অমা হাংদোক্নবা ঐখোয়না ৱারেপ লৌরে। ঙসি নুমিদাংৱাইরমদা শান্নগদৌরিবা ক্রিকেত ৱার্ল্দ কপ মেতচগীদমক ঐনা তিম অনিমক্তা য়াইফ-পাউজেল পীজরি।

মরুপশিং,

বাংলাদেস ভারতকী খ্বাইদগী চাউবা চাউখৎ-থৌরাংগী মরুপনি, অমসুং ঐখোয়গা বাংলাদেসগা লৈনবা মরীদা ঐখোয়না লুম্না লৌরি। তুংদু-লৈতাবা, নুংঙাই-য়াইফবা অমসুং চাউখৎপা বাংলাদেসগীদমক বঙ্গবন্ধুগী মঙলান থবক ওইনা পাংথোক্নবা ভারতকী থাজবা ঐনা অমুক হন্না পীরি। লাক্লিবা ২০২৬ দা বাংলাদেস চাউখৎলক্লিবা লৈবাক অমা ওইরগনি। “সোনার বাংলা”দা লমজিংবগীদমক ঐনা প্রধান মন্ত্রী সৈখ হসিনা থাগৎপা ফোঙদোকচরি। ‘বিকসিত ভারত ২০৪৭’ অমসুং ‘স্মার্ত বাংলাদেস ২০৪১’ মহৈ চানবা অমতা ওইনা ঐখোয়না ৱারেপশিং লৌগনি হায়না ঐনা থাজৈ।

অদোম থাগৎচরি।

 

 

 

 

 

  • कृष्ण सिंह राजपुरोहित भाजपा विधान सभा गुड़ामा लानी November 21, 2024

    जय श्री राम 🚩 वन्दे मातरम् जय भाजपा विजय भाजपा
  • Amrita Singh September 26, 2024

    हर हर महादेव
  • दिग्विजय सिंह राना September 18, 2024

    हर हर महादेव
  • Narendrasingh Dasana September 07, 2024

    जय श्री राम
  • Deepak kumar parashar September 07, 2024

    नमो
  • Avaneesh Rajpoot September 06, 2024

    jai shree ram
  • Vivek Kumar Gupta September 05, 2024

    नमो ..🙏🙏🙏🙏🙏
  • Vivek Kumar Gupta September 05, 2024

    नमो ...................🙏🙏🙏🙏🙏
  • Aseem Goel August 26, 2024

    🙏🙏🙏
  • Sandeep Pathak August 22, 2024

    jai shree Ram
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Global aerospace firms turn to India amid Western supply chain crisis

Media Coverage

Global aerospace firms turn to India amid Western supply chain crisis
NM on the go

Nm on the go

Always be the first to hear from the PM. Get the App Now!
...
Former UK PM, Mr. Rishi Sunak and his family meets Prime Minister, Shri Narendra Modi
February 18, 2025

Former UK PM, Mr. Rishi Sunak and his family meets Prime Minister, Shri Narendra Modi today in New Delhi.

Both dignitaries had a wonderful conversation on many subjects.

Shri Modi said that Mr. Sunak is a great friend of India and is passionate about even stronger India-UK ties.

The Prime Minister posted on X;

“It was a delight to meet former UK PM, Mr. Rishi Sunak and his family! We had a wonderful conversation on many subjects.

Mr. Sunak is a great friend of India and is passionate about even stronger India-UK ties.

@RishiSunak @SmtSudhaMurty”