ঙসি প্রধান মন্ত্রী নরেন্দ্র মোদীনা ফ্রেঞ্চগী রাস্ত্রপতি ইম্মানুয়েল মেক্রোন্দগী তেলিফোন কোল অমা ফংখ্রে।
মহাক্না পুৱারি ওইনা মীখলদা মাইপাকপদা রাস্ত্রপতি মেক্রোন্না প্রধান মন্ত্রী থাগৎপা ফোঙদোকখি অমসুং মহাক্কী অহুমশুবা তার্মগীদমক য়াইফ-পাউজেল পীখি।
প্রধান মন্ত্রী মোদীনা রাস্ত্রপতি মেক্রোন থাগৎপা ফোঙদোকখি অমসুং ভারত অমসুং ফ্রান্সকী মরক্তা মপাঙ্গল কনবা অমসুং থাজনিঙাই ওইবা অচেৎপা মরী লৈনবনা তুংদা অনৌবা থাকশিংদা পুখৎলকপা ঙমগনি হায়না ফোঙদোকখি।
‘হোরাইজন ২০৪৭’ রোদমেপ্তা থমখিবা থাজবশিং থবক ওইনা পাংথোক্নবা মখা তানা পুন্না থবক তৌমিন্ননবা লুচিংবা অনিনা য়ানখি।
পুৱারি ওইরবা দি-দেগী ৮৯শুবা কুমওন থৌরমদা প্রধান মন্ত্রী মোদীনা রাস্ত্রপতি মেক্রোনগী মফমদা য়াইফ-পাউজেল পীখি।
হন্দক পাংথোক্কদৌরিবা পেরিস ওলেম্পিক অমসুং পেরালেম্পিক গেমসগীদমক প্রধান মন্ত্রীনা মহাক্কী য়াইফ-পাউজেল পীখি।
মখা তানা পাউ ফাওনবা হায়না লুচিংবশিংনা য়ানখি।
Delighted to receive a phone call from my dear friend, @EmmanuelMacron. Conveyed my commitment to work together to accomplish the ambitious 'Horizon 2047' roadmap. The strong and trusted Strategic Partnership between India & France is slated to scale newer heights in the times to…
— Narendra Modi (@narendramodi) June 6, 2024
