রিপব্লিক ওফ তর্কীগী রাস্ত্রপতী হিজ এক্সিলেন্সী শ্রী রিসেপ তায়িপ ইর্দোগান্না ঙসি তেলিফোন্দা প্রধান মন্ত্রী শ্রী নরেন্দ্র মোদীগা ৱারী শানখ্রে।
রাস্ত্রপতী ইর্দোগান্না হন্দক্তা থোকখিবা তেরোরিস্তকী লান্দাদা লৈখিদ্রবশিংগী মফমদা অৱাবা ফোংদোকখি অমদি লান্দা অদুদা অশোক অপন নংখ্রবশিংবু অথুবা মতমদা ফগৎনবা য়াইফ পাওজেল পীখি।
তেরোরিজম অসি মালেমগী শান্তি অমসুং সেক্যুরিতীদা চাউনা অয়েৎপা অমা ওইরি হায়না প্রধান মন্ত্রী শ্রী নরেন্দ্র মোদীনা ফোংদোকখি। মহাক্না মরি লৈনবা লৈবাক পুম্নমক্না তেরোরিজমগী মায়োক্তা অথুবা মতমদা, অচেৎপা খোংথাং লৌখৎপগী মরুওইবা অদু ফোংদোকখি।
