প্রধান মন্ত্রী শ্রী নরেন্দ্র মোদী ঙসি অন্ধ্র প্রদেশকী গুন্তূরদা চৎখ্রে অমসুং অচৌবা প্রোজেক্ত অহুম মায়খুম হাংদোকখ্রে।
থৌরম অদুদা অন্ধ্র প্রদেশ অমসুং তেলঙ্গনাগী রাজ্যপাল শ্রী ই.এস.এল. নরাসিমহা, অমসুং কম্মর্স অমসুং ইন্দস্ত্রী অমদি সিভিল এভিয়েসনগী কেন্দ্রগী মন্ত্রী শ্রী সুরেশ প্রভুসু শরুক য়াখি।
লৈবাক অসিগী ইনর্জী সেক্যুরিতীদা ইনোৎ অমা ওইনা প্রধান মন্ত্রীনা ইন্দিয়ন স্ত্রাতেজিক পেত্রোলিয়ম রিজর্ব লিমিতেদকী ১.৩৩ এম.এম.তি. বিসাখাপত্নম স্ত্রাতেজিক পেত্রোলিয়ম রিজর্ব ফেসিলিতী জাতিদা কত্থোকখ্রে।
প্রোজেক্ত অসিগী মমল অসি লুপা কোতি ১১২৫নি। মসিগী ফেসিলিতীনা লৈবাক অসিদা খ্বাইদগী চাউবা অন্দরগ্রাউন্দ স্তোরেজ কম্পার্তমেন্তনি।
মহাক্না কৃষ্ণপত্নমদা ভারত পেত্রোলিয়ম কোর্পোরেসন লিমিতেদকী অনৌবা তর্মিনেল শেমগৎনবগীদমক উরেপ উয়ুং তমখি। একর ১০০দা শন্দোক্লিবা প্রোজেক্ত অসিগী পানরিবা শেনফম অসি লুপা কোতি ৫৮০নি। প্রোজেক্ত অসি ২০২০গী নবেম্বর থাদা কম্মিসন তৌগনি।
গ্যাস বেজ ইকোনোমীদা অচৌবা ইনোৎ পীরদুনা প্রধান মন্ত্রীনা অন্ধ্র প্রদেশকী কৃষ্ণ-গোদাবরী (কে.জি.) ওফশোর বেসিন্দা লৈরিবা ও.এন.জি.সি.গী এস ১ বাশিসতা দিবেলপমেন্ত প্রোজেক্ত জাতিদা কত্থোকখি। প্রোজেক্ত অসিগী মমল অসি চাউরাক্না লুপা কোতি ৫,৭০০নি। প্রোজেক্ত অসিনা ২০২০ ফাওবদা ওইল ইম্পোর্ত চাদা ১০ হন্থহন্নবা প্রধান মন্ত্রীগী পান্দম অদু ফংহনবদা থৌদাং য়ারগনি।
