প্রধান মন্ত্রী শ্রী নরেন্দ্রা মোদী ঙসি বরানসীগী বনারস হিন্দু য়ুনিবর্সিতীদা চৎখ্রে। মহাক্না বরানসী ঘাৎকী ফক্লাংদা য়েকপা লাইশিং য়াওনা পন্দিৎ মদন মোহন মালবিয়াগী মীতম মায়খুম হাংদোকখি। পন্দিৎ মদন মোহন মালবিয়াগী মীতমদা মহাক্না লৈ কত্তুনা ইকায় খুম্নখি।
উত্তর প্রদেশকী রাজ্যপাল শ্রী রাম নায়ক, উত্তর প্রদেশকী মুখ্য মন্ত্রী শ্রী যোগী অদিত্যনাথ অমসুং শক্নাইরবা মীওই কয়ানা থৌরম অদুদা শরুক য়াখি।
মহাক্না পন্দিৎ মদন মোহন মালবিয়া কেন্সর হোস্পিতাল অমসুং ভাভা কেনসর হোস্পিতাল, লেহরতারাসু শঙ্গাখি। হোস্পিতালশিং অসিনা উত্তর প্রদেশ অমসুং মনাক নকপা রাজ্যশিং মধ্য প্রদেশ, ছত্তিসগর, ঝার্খন্দ, বিহারদগী অনাবশিংবু মপুং ফাবা লায়েং ফংহল্লগনি।
মহাক্না চপচাবা তেক্নোলোজীগা লোয়ননা অহানবা ন্যু ভাভাত্রোনসু লৈবাক মীয়ামদা কত্থোকখি।
মহাক্না দে কেয়র য়ুনিৎ অমসুং ও.পি.দি. য়েংশিনখি অমসুং অনাবশিংগা উনদুনা ৱারী শানখি।
প্রধান মন্ত্রীনা পি.এম.জে.এ.ৱাই. আয়ুশ্মান ভারতকী বেনেফিসরীশিংগসু উনদুনা ৱারী শানখি।
