প্রধান মন্ত্রী, শ্রী নরেন্দ্র মোদীনা ২০২১গী দিসেম্বর ৩০দা উত্তরাখন্দগী হল্দৱানিদা চৎকদৌরি। মহাক্না লুপা করোর ১৭৫০০গী মথক্তা ওইবা প্রোজেক্ত ২৩ হৌদোক্লগনি অমসুং উরেপ-উয়ুং তম্লগনি। প্রোজেক্ত ২৩ অদুগী মনুংদা লুপা করোর ১৪১০০গী মথক্তা ওইবা প্রোজেক্ত ১৭কী উরেপ-উয়ুং তম্লগনি।মসিগী প্রোজেক্তশিং অসিনা অতোপ্পা কয়া অমগী মনুংদা ইরিগেশন, রোদ, হাউজিং, হেল্থ ইনফ্রস্ত্রকচর, ইন্দসত্রী, সেনিতেশন, থক্নবা ঈশিংগী সপ্লাই রাজ্য শিনবা থুংনা সেক্তর/এরিয়াশিংগী মখল কয়া অমা মসিগী মনুং চল্লগনি। প্রোগ্রাম অসিদা লম্বি পাকথোকপগী প্রোজেক্ত কয়া অমা, পিথোরাগরদা হাইদ্রোপাৱর প্রোজেক্ত অমা, অমসুং নৈনিতালদা সিৱরেজ নেতৱার্ক ফগৎহন্নবা প্রোজেক্তশিং য়াওনা প্রোজেক্ত ৬ হৌদোকপা উরগনি। হোদোক্লিবা প্রোজেক্তশিং অদুগী ওইনা চংলিবা অপুনবা শেনফম অদু লুপা করোর ৩৪০০গী মথক্তা ওইগনি।
ধান মন্ত্রীনা চাউরাক্না লুপা করোর ৫৭৫০ চংনা শাগদৌরিবা লখৱার মল্তিপর্পোস প্রোজেক্তকী উরেপ-উয়ুং তম্লগনি। মসিগী প্রোজেক্ত অসি অহানবা ওইনা ১৯৭৬তা খন্নখি অমসুং চই কয়া পন্দুনা লৈখি। মতম শাংনা পনদুনা লৈরক্লবা প্রোজেক্তশিংনা হেন্না মরু ওইনা লৌগদবনি হায়বা প্রধান মন্ত্রীগী ৱাখল্লোন অসিনা প্রোজেক্ত অসিগী উরেপ-উয়ুং তম্নবগী য়াম্না চাউরবা ইনোৎ অমা ওই। লৈবাক অসিগী ওইনা য়াম্না মরু ওইবা প্রোজেক্ত অসিনা অহেনবা লম হেক্তর চাউরাক্না ৩৪,০০০দা লৌউ-শিংউবা য়াহনগদৌরিবনি, হাইদ্রো পাৱর মেগা ৱাত ৩০০ পুথোক্কনি অমসুং উত্তরাখন্দ, উত্তর প্রদেশ, হরিয়ানা, দিল্লী, হিমাচল প্রদেশ অমসুং রাজস্থান হায়রিবা রাজ্য তরুক অসিদা থক্নবা ঈশিংগী সপ্লাই পীগদৌরিবনি।
লৈবাক অসিগী অথাপ্পা মফমশিংদা লম্বি-থোংগী ফিভম ফগৎহন্নবা প্রধান মন্ত্রী মঙলান অদুগী মনুং চন্না, চাউরাক্না লুপা করোর ৮৭০০গী রোদ সেক্তর প্রোজেক্ত কয়া অমা হৌদোক্লগনি অমসুং উরেপ-উয়ুং তম্লগনি।
উরেপ-উয়ুং তমগদৌরিবা প্রোজেক্তশিং অসিগী মরক্তা লুপা করোর ৪০০০ দগীসু হেন্না চংনা শাগদৌরিবা কি.মি. ৮৫গী ওইবা লেন মরি থোকপা মোরাদাবাদ-কাসিপুর রোদ; কি.মি. ২২ শাংগদৌরিবা লেন অনি থোক্কদৌরিবা গদরপুর-দিনেসপুর-মদকোতা-হল্দৱানি রোদ (এস.এচ.-৫) অমসুং কি.মি. ১৮ সাংগদৌরিবা কিচ্চাদগী পন্তনগর (এস.এচ.-৪৪) রোদ; উধম সিং নগরদা কি.মি. ৮ শাংগদৌরিবা খাতিমা বাইপাসকী কন্সত্রক্সন; লুপা করোর ১৭৫ হেন্না চংনা শাগদৌরিবা লেন মরি থোকপা নেস্নেল হাইৱে (এন.এচ. ১০৯ দি.)সু য়াওরি । মসিগী রোদ প্রোজেক্তশিং অসিনা গরৱাল, কুমাওন অমসুং তেরাই মফমসিংদা চৎথোক চৎশিনগী খুদোংচাবা হেনগৎহনগনি অমসুং উত্তরাখন্দ অমসুং নেপালগী কনেক্তিভিতীসু ফগৎহনগনি। লম্বি-থোং নুঙাইবা অসিনা মরম ওইদুনা জিম কোরবেত নেস্নেল পার্কতা চৎপগী খুদোংচাবা হেনগৎহনবতা নত্তনা রুদ্রপুর অমসুং লালকুআনদা লৈরিবা ইন্দস্ত্রীএল এরিয়াশিংদসু খুদোংচাবা কয়া ফংহনগনি।
মখাতানা, প্রধান মন্ত্রীনা প্রধান মন্ত্রী গ্রাম সরক য়োজনাগী মখাদা রাজ্য অসি শিনবা থুংনা রোদ প্রোজেক্ত কয়া অমসু উরেপ-উয়ুং তম্লগনি। প্রোজেক্তশিং অসিগী মনুং চন্না লুপা করোর ৬২৫ হেন্না চংনা পুন্না কি.মি.১১৫৭ শাংবা খুঙ্গংগী লম্বি ১৩৩ অমসুং লুপা করোর ৪৫০ রোম চংগদৌরিবা থোং ১৫১গী শাবগী প্রোজেক্তসু য়াওরি।
প্রধান মন্ত্রীনা হৌদোক্কদৌরিবা রোদ প্রোজেক্তশিং অসিগী মরক্তা লুপা করোর ২৫০০ হেন্না চংনা শাগদবা নগিনাদগী কাসিপুর (এন.এচ-৭৪)গী কি.মি. ৯৯ শাংবা লম্বি পাকথোকপগী রোদ প্রোজেক্ত অসি য়াওরি অমসুং ওল-ৱেদর রোদ প্রোজেক্তকী মনুং চন্না মফম অহুমদা লুপা করোর ৭৮০দগী হেন্না চংনা পাকথোকহনগদবা স্ত্রেতেজিক তনকপুর-পিথোরাগর রোদ (এন.এচ. ১২৫)সু য়াওরি। লম্বি পাকথোকহনগদবা মফম অহুম অদুদি চ্যুরানিদগী অঞ্চোলি (কি.মি.৩২), বিলখেততগী চম্পাৱত (কি.মি.২৯) অমসুং তিলোনদগী চ্যুরানি (কি.মি.২৮)নি। লম্বি পাকথোকপগী প্রোজেক্তশিং অসিনা অথাপ্পা মফমশিংদা লম্বি-থোংগী ফিভম ফগৎহনবদা নত্তনা লমদম অদুদা তুরিজম, ইন্দসত্রীয়েল অমসুং কমর্সিয়েল এক্তিভিতিশিং হেনগৎহল্লগনি। হৌজিক্তি স্ত্রেতেজিক ওইরবা তনকপুর-পিথোরাগর রোদ অসি নোংজু-নুংশা খায়দনা চৎথোক-চৎশিন তৌবা য়ারগনি মসিনা মরম ওইরগা বোর্দর এরিয়াশিংদা আর্মীশিংবু অপনবা-অথিংবা লৈতনা য়ৌহনবা ঙমলগনি অমসুং কৈলাস মানসরোৱর য়াত্রাগীদমক্তসু লম্বি থোং নুংঙাইহল্লগনি।
রাজ্য অসিগী মেদিকেল ইনফ্রাস্ত্রকচর চাউথোক্নবা হোৎনবা ওইনা অমসুং লৈবাক অসিগী শরুক পুম্নমক শিনবা থুংনা মীয়ামদা মালেমগী থাক্তা লৈবা মেদিকেল ফেসিলিতীশিং পীনবগীদমক্তা, প্রধান মন্ত্রিনা উধম সিং নাগর জিলাদা এ.আই.আই.এম.এস. রিশিকেশ সেতলাইত সেন্তর অমসুং পিথোরাগরদা জগজিৱন রাম গোবর্নমেন্ত মেদিকেল কোলেজকী উরেপ-উয়ুং তম্লগনি।মসিগী হোসপিতাল অনি অসি মথংশিৎনা চাউরাক্না লুপা করোর ৫০০ অমসুং ৪৫০ চংনা শাগদৌরিবনি। ফগৎলবা মেদিকেল ইনফ্রাস্ত্রকচর অসিনা কুমাওন অমসুং তেরাই রিজনগী মীয়ামদা মতেং পাংবদা নত্তনা উত্তর প্রদেশকী লোন্নবা মফমশিংদা লৈরিবশিংদসু মতেং পাংগনি।
প্রধান মন্ত্রীনা উধম সিং নাগর জিলাদা সিতারাগঞ্জ অমসুং কাশিপুর হায়রিবা সহর অনি অসিদা লৈরিবা শেল-থুমগী ফিভম য়াম্না শোল্লবা কাংলুপশিংগীদমক্তা চাউরাক্না য়ুম ২৪০০ শানবগী উরেপ-উয়ুং তম্লগনি। মসিগী য়ুমশিং অসি প্রধান মন্ত্রী আৱাজ য়োজনা (অর্বান)গী মখাদা পুন্না লুপা করোর ১৭০ হেন্না চংনা শাগদৌরিবনি।
রাজ্য অসিগী খুঙ্গংগী মফমশিংদা তোতিগী ঈশিং সপ্লাই ফগৎহন্নবা, প্রধান মন্ত্রীনা জল জীৱন মিশনগী মখাদা রাজ্য অসিগী জিলা ১৩দা ৱাতর সপ্লাই স্কীম ৭৩গী উরেপ-উয়ুং তম্লগনি। স্কীমশিং অসিনা অপুনবগী ওইনা চাউরাক্না লুপা করোর ১২৫০ চংগনি অমসুং মসিনা রাজ্য অসিদা খুঙ্গংগি য়ুমথোং লাখ ১.৩ হেন্না কান্নগনি। মখাতানা, হরিদ্বার অমসুং নৈনিতালগী অর্বান এরিয়াশিংদা অফবা ঈশিং লেপ্তনা ফংহন্নবা, প্রধান মন্ত্রিনা সহর অনি অসিগীগীদমক্তা ৱাতর সপ্লাই স্কীমশিংগীসু উরেপ-উয়ুং তম্লগনি। স্খিমশিং অসিনা হরিদ্বারদা চাউরাক্না কনেক্সন ১৪৫০০ পীগনি অমসুং হল্দৱানিদা কনেক্সন ২৪০০গী মথক্তা পীগনি, মসিনা মরম ওইরগা হরিদ্বারগী চাউরাক্না মীশিং লাখ অমা অমসুং হল্দৱানিগী মীশিং চাউরাক্না ১২০০০দা কান্নগনি।
লমদম অমগী মশাগী হান্নদগী লৈজরকপা পোতেন্সিয়েল অদুবু নিংথিজনা শিজিন্নবগীদমক্তা অনৌবা লম্বি নত্রগা হিরম কয়া অমা পুথোক্নবা প্রধান মন্ত্রীগী তুংগীদমক্তা ওইবা ৱাখল্লোন অদুগী মনুং চন্না কাশিপুরদা একর ৪১গী অরোমা পার্ক অমা অমসুং সিতারাগঞ্জতা একর ৪০গী ইন্দসত্রিয়েল পার্ক অমগী উরেপ উয়ুং তম্লগনি। মসিগী প্রোজেক্ত অনি অসি অপুনবা ওইনা চাউরাক্না লুপা করোর ১০০ চংদুনা স্তেত ইনফ্রাস্ত্রকচর অমসুং ইন্দসত্রিয়েল দিবেলপমেন্ত কোর্পোরেশন উত্তরাখন্দ লিমিতেদ (এস.আই.আই.দি.সি.য়ু.এল.)না শারগনি। অরোমা পার্ক অসিনা উত্তরাখন্দগী তোপ-তোপ্পা জ্যোগ্রাফিকেল কন্দিশনশিং লৈবনা মরম ওইরগা মফম অসিগী লৈরিবা ফ্লোরিকলচর গ্রোথকী য়াম্লবা পোতেন্সিয়েল অদুবু শিজিন্নগনি। প্লাস্তিক ইন্দসত্রিয়েল পার্ক অসিনা রাজ্য অসিগী ইন্দস্ত্রীগী লমদা চাউখৎলকপদা অমসুং মফম অদুগী মীয়ামশিংগীদমক্তা থবক্কী খুদোংচাবা কয়া অমসু পীনবগী খোংথাং অমনি।
প্রধান মন্ত্রীনা নৈনিতালগী রামনাগরদা চাউরাক্না লুপা করোর ৫০ চংনা শাখিবা এম.এল.দি. ৭ অমসুং এম.এল.দি.১.৫গী কেপাসিতী লৈবা সীৱেজ ত্রীতমেন্ত প্লান্ত অনিসু শঙ্গারগনি। প্রধান মনন্ত্রীনা উধম সিং নাগরদা সীৱেজ ত্রীতমেন্ত প্লান্ত ৯ শানবগী উরেপ-উয়ুং তমলগনি, হায়রিবা অসি চাউরাক্না লুপা করোর ২০০ চংনা শাগদৌরিবনি; অমসুং নৈনিতাল সিৱরেজ সীস্তেম হেন্না ফগৎহন্নবগীদমক্তা ওইবা লুপা করোর ৭৮কী প্রোজেক্ত অমসু উরেপ-উয়ুং তম্লগনি।
প্রধান মন্ত্রীনা চাউরাক্না লুপা করোর ৫০ চংনা পিথোরাগর দিস্ত্রিক্কী মুনস্যারিদা উত্তরাখন্দ জল বিদ্যুত নিগম (য়ু.জে.ভি.এন.) লিমিতেদনা শাবা মেগা ৱাত ৫গী কেপাসিতী লৈবা সুরিংগাদ- II হায়রিবা রিভর হাইদ্রো ইলেক্ত্রিক প্রোজেক্ত অসিসু শঙ্গারগনি।
