ফেব্রুৱারি ১৮ অমসুং ১৯দা প্রধানমন্ত্রী শ্রী নরেন্দ্র মোদী মহারাষ্ট্রা অমসুং কর্নতকা চৎকনি ।
ফেব্রুৱারি ১৮গী নুমীৎয়ুংবা মতুংদা প্রধানমন্ত্রী মুম্বাইদা থুংগনি । নবি মুম্বাইদা পাংথোক্কদবা নবি মুম্বাই ইন্তরনেস্নেল এয়ারপোর্তকী গ্রাউন্দ ব্রেকিং থৌরমদা মহাক শরুক য়াগনি । থৌরম অদুমক্তদা মহাক্না জেএনপিতিদা মরিশুবা কন্তেনর তর্মিনেল অদুশু জাতিদা খুৎশিন্নগনি ।
প্রধানমন্ত্রীনা গ্লোবেল ইনভেস্তর্স সমিৎ- “মেগ্নেতিক মহারাষ্ট্রা : কনবর্জেন্স ২০১৮” হৌদোক্লদুনা ৱা ঙাংগনি । প্রধানমন্ত্রীনা মুম্বাই য়ুনিবর্সিতীদা আর্তিফিসিয়েল ইন্তেলিজেন্সকীদমক ৱাধৱানি ইনস্তিত্যুত শঙ্গাগনি ।
তুংদা প্রধানমন্ত্রীনা কর্নতকাগী মৈশুরুগীদমক খোংশানখিগনি । ফেব্রুৱারি ১৯দা, হাইদ্রবাদতা পাংথোক্কদবা ৱার্ল্দ কনফরেন্স ওন ইনফোর্মেশন তেক্নোলোজীদা ভিদিও কনফরেন্সকী খুত্থাংদা প্রধানমন্ত্রীনা ৱা ঙাংগনি ।
বহুবলি মহামস্থাকভিশেকা মহোৎসবকীদমক মহাক শ্রাবনাবেলাগোলা চৎকনি । মৈশুরু রেলৱে স্তেসনদা পাংথোকপা থৌরম অমদা ইলেক্ত্রিক লাইন তিংলবা মৈশুরু-বেঙ্গলুরু রেলৱে লাইন জাতিদা খুৎশিন্নগনি । মৈশুরু অমসুং উদয়পুরগী মরক্তা চেনগদবা পেলেস ক্যুইন হমসফর এক্সপ্রেসশু মহাক্না লমথাগনি । মৈশুরুদা পাংথোকপা মীয়ামগী মীফম অমদশু প্রধানমন্ত্রীনা ৱা ঙাংগনি ।
