পি.এম.না ‘ওপরেসন বিজয়’গী নিংতম লান্মীশিং অমসুং ভেতরিয়নশিংবু তরাম্না ওক্লগনি।
গোৱা লিবরেসনগী নিংতম লান্মীশিংদা ইকাই খুম্নবা উৎপা ওইনা পি.এম.না নৌনা শেমগৎখিবা অগ্বারা লানবনগী জেল ম্যুজিয়ম শঙ্গারগনি।পি.এম.না গোৱাদা লুপা করোর ৬৫০ মথক্কী দিবেলপমেন্ত প্রোজেকশিং শঙ্গারগনি অমসুং উরেপ উয়ুং তম্লগনি।লৈবাক পুম্বদা স্তেত ওফ দি আর্ত মেদিকেল ইনফ্রাস্ত্রকচর ফংহন্নবা পি.এম.গী মীৎয়েং মখাদা গোৱা মেদিকেল কোলেজদা শাখিবা সুপর স্পিসিএলিতী ব্লোক অমসুং ন্যু সাউথ গোৱা দিস্ত্রিক্ত হোস্পিতাল শঙ্গারগনি।প্রধান মন্ত্রী শ্রী নরেন্দ্র মোদীনা দিসেম্বর ১৯দা গোৱাদা চৎলগনি অমসুং নুংথিল পুং ৩ মুক তাবা মতমদা গোৱাদা লৈবা দা. শ্যাম প্রসাদ মুখর্জী স্তেদিয়মদা গোৱা লিবরেসন দেগী থৌরমদা শরুক য়ারগনি। প্রধান মন্ত্রীনা থৌরম অদুদা ‘ওপরেসন বিজয়’গী নিংতম লান্মীশিং অমসুং ভেতরিয়নশিংবু তরাম্না ওক্লগনি। গোৱা লিবরেসন দে অসি গোৱাবু পোর্তুগিজ শাসন্দগী ইন্দিয়ন আর্মদ ফোর্সনা মনিং তমহনখিবা ‘ওপরেসন বিজয়’গী মাই পাকপা অদুবু নিংশিংবা ওইনা চহি খুদিংগী দিসেম্বর ১৯দা পাংথোকই।
প্রধান মন্ত্রীনা নৌনা শেমগৎকদবা অগ্বারা লানবনগী জেল ম্যুজিয়ম, গোৱা মেদিকেল কোলেজদা সুপর স্পিসিএলিতী ব্লোক, ন্যু সাউথ গোৱা দিস্ত্রিক্ত হোস্পিতাল, মোপা এয়র্পোর্ত্তা এভিএসন স্কিল দিবেলপমেন্ত সেন্তর অমসুং দবোলিম-নভেলিম, মর্গাওদা গ্যাস ইন্সুলেতেদ সবস্তেসনশিং য়াওনা দিবেলপমেন্ত প্রোজেক্ত কয়ামরুম শঙ্গারগনি। মহাক্না গোৱাদা ইন্তরস্নেল য়ুনিভর্সিতী ওফ লিগেল এজুকেসন এন্দ রিসর্চ ওফ বার কাউন্সিল ওফ ইন্দিয়া ত্রস্তকী উরেপ উয়ুং তমলগনি।
লৈবাক পুম্বদা মেদিকেল ইনফ্রাস্ত্রকচর ফগৎহন্নবা অমসুং অফবা মখলগী মেদিকেল ফেসিলিতীশিং পীনবা প্রধান মন্ত্রীনা লেপ্পা লৈতনা হোৎনদুনা লাক্লি। মসিগী ৱাখল্লোন অসিগা মরী লৈননা প্রধান মন্ত্রী স্বাস্থ্য সুরক্ষা য়োজনা স্কিমগী মখাদা লুপা করোর ৩৮০ গী মথক্তা চংদুনা গোৱা মেদিকেল কোলেজদা সুপর স্পিসিএলিতী ব্লোক শাখি। মসি অফবা মখলগী সুপর স্পিসিএলিতী সর্ভিসশিং ফংহল্লিবা গোৱা রাজ্য পুম্বদা অমখক্তা ঙাইরবা স্তেত ওফ দি আর্ত সুপর স্পিসিএলিতী হোস্পিতাল অমনি। মসিনা এঞ্জিওপ্লাস্তী, বাইপাস সর্জরী, লিভর ত্রান্সপ্লান্ত, কিদনী ত্রান্সপ্লান্ত, দাইলাইসিস নচিংবা অখন্নবা সর্ভিসশিং ফংহনগনি। সুপর স্পিসিএলিতী ব্লোক অসিদা পি.এম. কেয়র্সকী মখাদা ইন্সতোল তৌবা এল.পি.এম. ১০০০গী পি.এস.এ. প্লান্ত অমসু লৈরগনি।
লুপা করোর ২২০ মুক চংনা শাখিবা ন্যু সাউথ গোৱা দিস্ত্রিক্ত হোস্পিতাল অসি স্পিসিএলিতী ৩৩দা ও.পি.দি. সর্ভিসশিং, খ্বাইদগী নৌবা দাইগোনোস্তিক অমসুং লেবোরেতরীগী খুদোংচাবশিং অমসুং ফিজিওথেরাপী, ওদিওমেত্রীগুম্বা সর্ভিসশিং য়াওনা ফংহল্লি। হোস্পিতাল অসিদা ওক্সিজিনেতেদ বেদ ৫০০, লিতর ৫৫০০গী এল.এম.ও. তেঙ্ক অমসুং এল.পি.এম. ৬০০কী পি.এস.এ. প্লান্ত ২ লৈ।
স্বদেশ দর্শন স্কিমগী মখাদা হেরিতেজ তুরিজম দেস্তিনেসন অমা ওইনা অগ্বারা লানবনগী জেল ম্যুজিয়ম অসি লুপা করোর ২৮ চংনা শেমগৎখি। গোৱা লিবরেসনগী মমাংদা অগ্বারা লানবন অসি নীংতম লান্মীশিং ফাজিন্দুনা থম্বা অমসুং ওৎ নৈবদা শীজিন্নরম্মি। ম্যুজিয়ম অসিদা গোৱা নীংতম্নবা লান্থেংনখিবা মমিং লৈরবা নীংতম লান্মীশিংনা কত্থোকখিবা অমসুং থৱাই কৎখিবশিং অদু হাইলাইত তৌরগনি অমসুং মখোয়দা ইকাই খুম্নবা উৎলগনি।
নৌনা হাংদোক্কদৌরিবা মোপা এয়র্পোর্ত্তা শেমগৎলিবা এভিএসন স্কিল দিবেলপমেন্ত সেন্তর অসি তোঙান তোঙানবা জোব প্রোফাইল ১৬তা ত্রেনিং পীনবা চাউরাক্না লুপা করোর ৮.৫ চংনা শাবনি। ত্রেনীশিংনা মোপা এয়র্পোর্ত প্রোজেক্ত অসি মথৌ তৌবা হৌবদা অদুগা ভারত অমসুং অতোপ্পা লৈবাকশিংদা থবক্কী খুদোংচাবশিং ফংলগনি।
দবোর্লিম–নভেলিম, মর্গাও শারিবা গ্যাস ইন্সুলেতেদ সবস্তেসন অসি পাৱর মন্ত্রালয়, ভারত সরকারগী ইন্তিগ্রেতেদ পাৱর দিবেলপমেন্ত স্কিমগী মখাদা চাউরাক্না লুপা করোর ১৬ চংনা শাখি। মসিনা দবোর্লিম, নেসসাই, নভেলিম, অক্বেম বাইসো অমসুং তেলৌলিমগী খুঙ্গংশিংদা লেপ্পা লৈতনা মৈ ফংহল্লগনি।
ইন্তরস্নেল য়ুনিভর্সিতী ওফ লিগেল এজুকেসন এন্দ রিসর্চ ওফ বার কাউন্সিল ওফ ইন্দিয়া ত্রস্ত অসি গোৱাবু হায়র এন্দ তেক্নিকেল এজুকেসনগী হব অমা ওইনা শেমগৎনবা সরকারগী মীৎয়েং মখাদা লিংখৎলগনি।
প্রধান মন্ত্রীনা গোৱাবু পোর্তুগীজ শাসন্দগী মনীং তমখিবা ইন্দিয়ন আর্মদ ফোর্সেসকী থৌনা অদুবু ইকাই খুম্নবা উৎপা ওইনা অখন্নবা কভর অমসুং অখন্নবা কেন্সেলেসন অমা ফোঙলগনি। মসিগী পুৱারীগী অখন্নবা তাঙ্কক অসি অখন্নবা কভরদা উৎলগনি অদুগা অখন্নবা কেন্সেলেসন্দনা ‘ওপরেসন বিজয়’দা থৱাই কৎখ্রবা নহা ওইরিবা গেলেন্ত সেলর তরেৎ অমসুং অতোপ্পা পর্সনেলশিংবু নিংশিংবা ওইনা শারিবা ভারত নেভীগী জহাজ গোমন্তকতা ৱার মেমোরিএল অসি উৎলগনি। প্রধান মন্ত্রীনা গোৱাগী নীংতম ইহৌদা থৱাই কৎখ্রবশিং অদুবু ইকাই খুম্নবা উৎপা ওইনা পাত্রদেবীদা লৈবা হুততমা স্মারক য়েকপা ‘মাই স্তাম্প’সু ফোঙলগনি। গোৱা নীতম লালহৌগী মতমদা তোঙান তোঙানবা থৌরমশিংগী অপুনবা পিকচরশিং উৎলিবা ‘মেঘদুত পোস্ত কার্দ’ অমসু প্রধান মন্ত্রীদা খুদোল তমলগনি।
প্রধান মন্ত্রীনা খ্বাইদগী ফবা পঞ্চায়ত/ম্যুনিসিপালিতী, স্বায়মপুর্ন মিত্রশিং অমসুং স্বায়মপুর্ন গোৱা প্রোগ্রামগী বেনিফিসিয়রীশিংদা এৱার্দশিং য়েন্থোক্লগনি।
প্রধান মন্ত্রীনা মহাক্কী খোঙচৎকী মনুংদা নুংথিল পুং ২:১৫ মুক তাবা মতমদা পনাজীগী অজাদ মাইদানদা লৈবা মার্তিয়র্স মেমোরিএলদা হৈকৎ লৈকৎ তম্লগনি। নুথিল পুং ২:৩০ মুক তাবদা পনাজীগী মীরামারদা পাংথোক্কদবা সেল পেরেদ অমসুং ফ্লাই পাস্ততা শরুক য়াগনি।
