প্রধান মন্ত্রী শ্রী নরেন্দ্র মোদী এপ্রিল ১৪, ২০২৩দা অসামদা চৎকদৌরি।
নুমিৎয়ুংবা পুং ১২ রোম তাবা মতমদা, প্রধান মন্ত্রীনা এইমস গুৱাহাতীদা থুংদুনা নৌনা শাবা কেম্পস অদুবু য়েংশিনগনি। তুংদা পাঙথোকপা মীয়ামগী মীফম অমদা, মহাক্না এইমস গুৱাহাতী অমদি অতৈ মেদিকেল কলেজ অহুম লৈবাক্কী মফমদা কত্থোক্কনি। মহাক্না অসাম এদভান্স হেল্থ কেয়র ইনোভেসন ইনস্তিত্যুৎ (এ.এ.ঐচ.আই.) শানবগী উরেপ উয়ুং তমগনি অমদি ইলিজিবল ওইবা বেনিফিসরীশিংদা অয়ুস্মান ভারত প্রধান মন্ত্রী জন অরোগ্য য়োজনা (এ.বি.-পি.এম.জে.এ.ৱাই.) কার্দ য়েন্থোক্তুনা ‘আপকে দ্বার অয়ুস্মান’ কেম্পেন হৌদোক্কনি।
নুমিৎয়ুংবা মতুং পুং ২:১৫ রোম তাবা মতমদা, প্রধান মন্ত্রীনা গুৱাহাতীগী স্রিমন্ত সঙ্করদেব কলাক্ষেত্রদা গৌহাতী হায় কোর্তকী প্লাতিনম জুবিলী সেলেব্রেসনগা মরী লৈননা পাঙথোক্কদবা থৌরম শরুক য়াগনি।
নুমিদাংৱাইরম পুং ৫ তাবা মতমদা, প্রধান মন্ত্রীনা গুৱাহাতীগী সরুসজাই স্তেদিয়মদা থুংদুনা মফমদুদা পাঙথোক্কদবা মীয়াম তিনবা থৌরম অমদা থৌরম মপু ওইনা শরুক য়াগনি অমদি বিহু জগোয় শাবা মীওই লিশিং তরা হেনবনা শরুক য়াদুনা শাগদবা মচু মমেন্না থল্লবা বিহু জগোয়গী থৌরম অমা মীৎয়েং তাগনি। থৌরম অসিদা প্রধান মন্ত্রীনা নামরুপ্তা পায়খৎপা ৫০০ তি.পি.দি. মেন্থোল প্লান্ত কম্মিসন তৌবা; পলাসবারী অমদি সোলকুচী শম্নহনগদবা ব্রহ্মপুত্র মথক্তা শাগদবা থোং অমগী উরেপ উয়ুং তম্বা; রঙ্গ ঘর, সিবসাগর শেমজিন শাজিনবগী থবক্কী উরেপ উয়ুং তম্বা; অমদি রেলৱে প্রোজেক্ত মঙা লৈবাক্কী মফমদা কত্থোকপা য়াওনা প্রোজেক্ত কয়াগী উরেপ উয়ুং তমগনি অমদি লৈবাক্কী মফমদা কত্থোক্কনি।
এইমস গুৱাহাতীদা প্রধান মন্ত্রী
প্রধান মন্ত্রীনা লুপা করোর ৩,৪০০ হেনগদবা তোঙান তোঙানবা প্রোজেক্তশিং লৈবাক মীয়ামদা কত্থোক্কনি অমদি উরেপ উয়ুং তমগনি।
এইমস গুৱাহাতী মথৌ তৌবা হৌবনা অসাম অমদি অৱাং নোংপোক স্তেত পুম্বগী অচৌবা মীৎকুপ অমা ওইরগনি। মসিনা প্রধান মন্ত্রীনা লৈবাক শিনবা থুংনা হকশেলগী ইনফ্রাস্ত্রকচর মপাঙ্গল কনখৎহন্নবগীদমক লেপখিবা খোঙফমগী খুদম অমসু ওইরি। লায়েংশঙ অসিগী উরেপ উয়ুংসু প্রধান মন্ত্রীনা মে ২০১৭দা তমখিবনি। লুপা করোর ১১২০ হেন্না চঙনা শেমগৎ শাগৎখিবা এইমস গুৱাহাতী অয়ুস ফমুং ৩০ য়াওনা পুন্না ফমুং ৭৫০ লৈবা স্তেত ওফ দি আর্ত হোস্পিতাল অমনি। লায়েংশঙ অসি চহি খুদিংগী এম.বি.বি.এস. মহৈরোয় ১০০ মিং চনবগী কেপাসিতী লৈগনি। লায়েংশঙ অসিনা অৱাং নোংপোক্কী মীয়ামদা মালেমগী থাক্কী হকশেলগী খুদোংচাবশিং ফংহনগনি।
প্রধান মন্ত্রীনা মথঙশিৎনা লুপা করোর ৬১৫, লুপা করোর ৬০০ অমদি লুপা করোর ৫৩৫ রোম চঙনা শেমগৎ শাগৎখিবা নালবরি মেদিকেল কলেজ, নালবরি; নগাও মেদিকেল কলেজ, নগাউ; অমদি কোক্রাঝার মেদিকেল কলেজ, কোক্রাঝার হায়রিবা মেদিকেল কলেজ অহুম অসিসু লৈবাক্কী মফমদা কত্থোক্কনি। মেদিকেল কলেজ খুদিংমক ইমর্জেন্সী সর্ভিস, আই.সি.য়ু. ফেসিলিতী, ও.তি. অমদি দাইগ্নোস্তিক ফেসিলিতীনচিংবা য়াওনা ও.পি.দি./আই.পি.দি. সর্ভিস লৈবা ফমুং ৫০০ লৈবা তীচিং হোস্পিতাল অমমম এতেচ তৌরি। মেদিকেল কেলজ খুদিংমক্তা চহিদা এম.বি.বি.এস. মহৈরোয় ১০০ মিং চনবগী কেপাসিতী লৈগনি।
প্রধান মন্ত্রীনা হৌদোক্কদৌরিবা ‘আপকে দ্বার অয়ুস্মান’ কেম্পেন অসি য়াইফ-থৌরাংশিং চাদা ১০০ ফংহন্নবগীদমক বেনিফিসরী খুদিংমক্তা য়ৌহন্নবগী মহাক্কী মঙলান মঙফাওননবগী মায়কৈদা থাংজিনবা খোঙথাঙ অমনি। প্রধান মন্ত্রীনা বেনিফিসরী মীহুৎ অহুমদা অয়ুস্মান ভারত প্রধান মন্ত্রী জন অরোগ্য য়োজনা (এ.বি.-পি.এম.জে.এ.ৱাই.) কার্দশিং য়েন্থোক্লবা মতুংদা স্তেত অসিগী দিস্ত্রিক্ত পুম্নমক্তা এ.বি.-পি.এম.জে.এ.ৱাই. কার্দ করোর ১.১রোম য়েন্থোক্কনি।
অসাম এদভান্স হেল্থ কেয়র ইনোভেসন ইনস্তিত্যুৎ (এ.এঐচ.আই.আই.)গী উরেপ উয়ুং তমগদৌরিবা অসি হকশেলগা মরী লৈনবা লমশিংদা ‘আত্মনির্ভর ভারত’ অমদি ‘মেক ইন ইন্দিয়া’গী প্রধান মন্ত্রীগী মঙলান মঙফাওনহন্নবগী মায়কৈদা থাংজিনবা খোঙথাঙ অমনি। লৈবাকসিগী হকশেলগী লমদা শীজিন্নরিবা তেক্নোলোজী অয়াম্বা মপান লমদগী পুশিল্লকপা, অমদি তোঙানবা ফীভমদা শেমগৎপা, ভারতকী ফীভমগা য়েংনবদা মমল য়াম্না ৱাংবা অমদি শীজিন্নবদা য়াম্না লুবা ওইরি। লুপা করোর ৫৪৬ লোম চঙনা লিংখৎকদৌরিবা, এ.এ.ঐচ.আই.আই. অসিনা হিদাক লাংথক অমদি হকশেলগী লমদা কত্তিং-এদ্জ ইনভেন্সনশিং অমদি আর. এন্দ দি.গী থবকশিং তৌদুনা, হকশেলগী লমদা লৈবাকসিদা তোপ তোপ্না লৈরিবা পরৈ চেনবা ফীভমশিং খঙদোক্কনি অমদি হায়রিবা ফীভমশিং অসিগী ৱাখৈ পুরক্নবগীদমক অনৌবা তেক্নোলোজীশিং শেমগৎপগী থবক তৌগনি।
স্রিমন্ত সঙ্করদেব কলাক্ষেত্রদা প্রধান মন্ত্রী
প্রধান মন্ত্রীনা গাউহাতী হায় কোর্তকী প্লাতিমন জুবিলী সেলেব্রেসনগা মরী লৈননা পাঙথোক্কদবা থৌরম অমদা শরুক য়াগনি।
থৌরম অসিদা, প্রধান মন্ত্রীনা অসাম পুলিসনা শেমবা ‘অসাম কোপ’ কৌবা মোবাইল এপ্লিকেসন অমা হৌদোক্কনি। এপ অসিনা ক্রাইম এন্দ ক্রিমিনেল নেৎৱর্ক ত্রেক্কিং সিস্তেম (সি.সি.তি.এন.এস.) অমদি ভাহন নেস্নেল রেজিস্তরগী দেতাবেজতগী মরাল লৈবা মীওইশিং অমদি গারীশিং থিবদা মতেং ওইগনি।
গাউহাতী হায় কোর্ত ১৯৪৮ দা লিংখৎখিবনি অমদি মসিনা মার্চ ২০১৩দা মনিপুর, কেঘালয় অমদি ত্রিপুরাগী তোখাইবা হায় কোর্তশিং শেমখিবগী মমাঙদা অসাম, নগালেন্দ, মনপুর, মেঘালয়, মিজোরম, ত্রিপুরা অমদি অরুনাচল প্রদেশ হায়রিবা অৱাং নোংপোক স্তেত তরেৎকী অপুনবা কম্মন কোর্ত ওইনা থবক তৌরম্মী। হৌজিক গাউহাতী হায় কোর্তকী জুরিস্দিক্সন অসাম, নগালেন্দ, মিজোরম অমদি অরুনাচল প্রদেশতা লৈদুনা মাগী প্রিন্সিপাল সীত গুৱাহাতীদা লৈ অমদি পর্মেনেন্ত বেঞ্চ অহুম কোহিমা (নগালেন্দ), আইজোল (মিজোরম) অমদি ইতানগর (অরুনাচল প্রদেশ)তা লৈ।
সরুসজাই স্তেদিয়মদা প্রধান মন্ত্রী
প্রধান মন্ত্রীনা লুপা করোর ১০,৯০০ হেনবগী তোঙান তোঙানবা প্রোজেক্তশিং শঙ্গাগনি অমদি উরেপ উয়ুং তমগনি।
প্রধান মন্ত্রীনা পলাসবারী ঐমদি সোলকুচী শম্নহনগদবা ব্রহ্মপুত্র তুরেল মথক্তা শাগদবা থোং অমগী উরেপ উয়ুং তমগনি। খোং অসিনা লমদম অসিদা তঙায় ফদনা মথৌ তারিবা লম্বী থোং শম্নহনবগী ফীভম ফংহনগনি। মহাক্না দিব্রুগরগী নামরুপ্তা ৫০০ তি.পি.দি. মিথানোল প্লান্ত অমসু মথৌ তৌহনবা হৌদোক্কনি। মহাক্না লমদম অসিগী রেলৱেগী তোঙান তোঙানবা সেক্সনশিং দব্লিং অমদি ইলেক্ত্রিফিকেসন তৌবা য়াওনা রেলৱে প্রোজেক্ত মঙাশু শঙ্গাগনি।
শঙ্গাগদৌরিবা রেলৱে প্রোজেক্তশিং অসিদা দিগারু – লুমদিং সেক্সন; গৌরিপুর – অভয়পুরী সেক্সন; নিউ বোঙ্গাইগাও – ধুপ ধারা সেক্সন দব্লিং তৌবা; রানিনগর জলপাইগুরী – গুৱাহাতী সেক্সন ইলেক্ত্রিফিকেসন তৌবা; সেঞ্চো – সিলঘাত তাউন অমদি সেঞ্চো – মাইরাবারি সেক্সন ইলেক্ত্রিফিকেসন তৌবা য়াওরি।
প্রধান মন্ত্রীনা সিবসাগরদা লম কোয়বশিংগী এমেনিতীশিংগী ফীভম ফগৎহনগদবা রঙ্গ ঘর শেমজিন শাজিনবগী প্রোজেক্তকী উরেপ উয়ুংসু তমগনি। রঙ্গ ঘর শেমজিন শাজিনবগী প্রোজেক্ত অসিনা অচৌবা ঈশিং তুংফমদুগী অকোয়বদা শাগবা ঈশিং চাইবীগী সো অমদি অহোম দাইনাস্তীগী পুৱারী উৎকদবা, এদভেঞ্চর হি তোংনবগীদমক জেত্তীগা লোয়নবা বোত হাউস, লমদমদুগী খুৎশা-হৈবগী শিন্ফমবু য়োকখৎনবা অর্তিজন ভিলেজ, চাবা থকপা পামজবশিংগীদমক খেন্নবা মখলগী ইথ্নিক কুইজিন্নচিংবা ফেসিলিতীশিং ফংহনগনি। সিবসাগরদা লৈবা রঙ্গ ঘাত অসি অহোমগী নাৎ অমদি চৎনবী উৎলিবা খ্বায়দগী মশক নাইবা স্ত্রকচরশিংগী মরক্তা অমনি। মসি অহোম নিংথৌ স্বরগদেও প্রমত্ত সিংহানা ১৮শুবা চহিচাদা শারম্বনি।
প্রধান মন্ত্রীনা অসামিজ মীয়ামগী নাৎকী অমদি পুন্সিগী শক্তমগী মাস্কোৎ অমা ওইনা বিহু জগোয়বু মালেম পুম্বদা মশক উত্থোক্নবগীদমক শিল্লিবা মেকা বিহু জগোয়সু মীৎয়েং তাগনি। থৌরম অসিদা মফম অমখক্তদা পর্ফোর্মর/ বিহু আর্তিস্ত ১০,০০০ হেনবনা শরুক য়াদুনা মালেমগী ওইনা মফম অমখক্তদা খ্বায়দগী চাউনা বিহু জগোয় উৎপা কাঙলুপ্তা অনৌবা জীনেস ৱর্ল্দ রেকোর্দ অমা থম্নবা হোৎনগদৌরি। মসিদা স্তেত অসিগী দিস্ত্রক্ত ৩১দগী লাকপা আর্তিস্তশিংনা শরুক য়াগদৌরি।
