PM to launch Gangajal Project to Provide Better and More Assured Water Supply
PM to Address a Public Gathering in Agraপ্রধান মন্ত্রী শ্রী নরেন্দ্র মোদী হয়েং ২০১৯গী জনুৱারি ৯দা উত্তর প্রদেশকী আগ্রাদা চৎকনি। মহাক্না গঙ্গাজল প্রোজেক্ত অমসুং অতোপ্পা তোঙান তোঙানবা প্রোজেক্তশিং হৌদোক্কনি। মহাক্না আগ্রা স্মার্ত সিতীগী ইন্তেগ্রেতেদ কমান্দ এন্দ কন্ত্রোল সেন্তর, এস.এন. মেদিকেল কোলেজকী থাক হেঙ্গৎহনবা অসিনচিংবশিংগীদমক উরেপ উয়ুংশু তমগনি।
গঙ্গাজল প্রোগ্রাম অসি লুপা কোতি ২৮৮০গী প্রোজেক্তনি। মসিনা আগ্রা শহরবু হেন্না ফবা অমদি হেন্না থাজনিঙাই ওইবা ৱাতর সপ্লাই ফংহল্লগনি। মসিনা আগ্রাগী প্রজাশিং অমসুং লমকোইবশিংবু কানবা ফংহল্লগনি। আগ্রাদা লারিবা এস.এন. মেদিকেল কোলেজ থাক হেঙ্গৎহনবদা লুপা কোতি ২০০ চংগনি, মদুদা ৱুমেন্স হোস্পিতালদা ফমুং ১০০ লৈবা মেতরনিতী ৱিং শেমগৎপসু য়াওরি। মসিনা সমাজকী অশোনবা কাংলুপকীদমক হেন্না ফবা হকশেল অমসুং মেতর্নিতী কেয়ার ফংহনবদা মতেং ওইরগনি। আগ্রা স্মার্ত সিতীগী ইন্তেগ্রেতেদ কমান্দ এন্দ কন্ত্রোল সেন্তর অসি প্রোজেক্ত মমল লুপা কোতি ২৮৫ চংনা শাগনি। মসিনা আগ্রা শহরবু মোদর্ন ৱার্ল্দ ক্লাস স্মার্ত সিতী অমগুম দিবেলপ তৌদুনা প্রিমিয়ম তুরিস্ত দেস্তিনেসন অমগুম থম্বদা মতেং ওইরগনি।
প্রধান মন্ত্রীনা আগ্রাগী কোথি মীনা বজারদা পাংথোকপা মীয়ামগী মীফমদশু ৱা ঙাংগনি। মসিনা শহর অসিদা প্রধান মন্ত্রীগী অনিশুবা খোংচৎনি। ২০১৬কী নবেম্বর ২০দা চৎখিবা মহাক্কী মমাংগী খোংচৎ মনুংদা মহাক্না প্রধান মন্ত্রী অৱাস য়োজনা (গ্রামিন) হৌদোকখি। স্কিম অসিগী মখাদা উত্তর প্রদেশতা লাখ ৯.২ য়াওনা হৌজিক ফাওবদা য়ুম লাখ ৬৫ শাখ্রে। মহাক্না রিজন অসিদা রেল ইনফ্রাস্ত্রকচর অমসুং সর্ভিসেস স্পেসিফিক হৌদোকখি।
