ওক্তোবর ৩দা নই দিল্লিগী প্রাভাসী ভারতীয় কেন্দ্রদা পাংথোকপা অখন্নবা থৌরম অমদা প্রধান মন্ত্রী নরেন্দ্র মোদীনা য়ুনাইতেদ নেসন্সকী খ্বাইদগী ৱাংবা ইনভাইরনমেন্তগী মনা লৌগনি। মনা অসি সেপ্তেম্বর ২৬তা, ন্যু য়োর্কতা য়ু.এন.গী জেনরেল এসেমব্লীগী ৭৩শুবা মীফমদা লাওথোকখিবনি, মসি য়ু.এন.গী সেক্রেতরী জেনরেল এন্তোনিও গুতেরেসনা লান্থোক্কনি। থৌরম অদুদা প্রধান মন্ত্রীনা ৱা ঙাংগনি।
মহাক্না ইন্তর্নেস্নেল সোলর এলাইন্স লিংখৎনবা পায়খৎখিবা থবকশিং অমসুং ২০২২দা ভারত্তা প্লাস্তিক মুথৎনবা ৱাশকখিবা অদুগীদমক প্রধান মন্ত্রী মোদীদা লেমজনীংঙাই ওইরবা মনা অসি পীনবা খনখৎখিবনি।
চহিগী ওইনা চেম্পিয়ন ওফ দ আর্থ মনা অসি অকোইবগী ফিবক ফগৎনবা থবক পায়খৎপা সরকারশিং, সিবিল সোসাইতী অমসুং লনাই সেক্তরদা পীবনি।
