হয়েং অয়ুক প্রধান মন্ত্রী শ্রী নরেন্দ্র মোদীনা রাষ্ট্রপতি ইমানুয়েল মেক্রোনবু বরানাসীদা তরাম্না ওক্কনি। লুচিংবা অনিনা মির্জাপুরগীদমক খোংশানগনি, বরানাসীদা হন্দ্রিঙৈগী মাংওইননা মখোয়না মফম অদুদা সোলর পৱার প্লান্ত অমা শঙ্গাগনি। বরানসীদা লুচিংবা অনিমক্না দীন দয়াল হস্থকলা সনকুলদা চৎকনি। মখোয়না আর্তিসিয়ানশিংগা ৱারি শান্নগনি অমসুং মখোয়গী পোত্থোকশিং অদুগী লাইব দেমোন্সত্রেসন অমা য়েংগনি।
তুংদা প্রধান মন্ত্রী মোদী অমসুং রাষ্ট্রপতি মেক্রোন্না বরানসীদা লৈরিবা মমিং চৎলবা অসি ঘাৎতা থুংলুগনি, মফম অদুদা মখোয়না গঙ্গাগী ইচেলদা হি অমা তোংদুনা চৎকনি অমসুং পুৱারি ওইরবা দশআশ্বামেধ ঘাৎতা লোইশিনগনি। ফ্রান্সকী রাষ্ট্রপতিবু ইকায় খুম্নদুনা প্রধান মন্ত্রী মোদীনা চাক্লেন অমা হোস্ত তৌগনি। নুমীৎ য়ুংবা মতুংদা প্রধান মন্ত্রীনা বরানসীগী মদুৱাড়ী রেলৱে স্তেসন অমসুং পতনাগী মরক্তা ত্রেন অমা লমথাগনি। মহাক্না তোঙান তোঙানবা দিব্লপমেন্ত প্রোজেক্তশিং হৌদোক্কনি অমসুং বরানসীগী দি এল দবল্যু গ্রাউন্দা পাংথোকপা মীয়ামগী মীফম অমদা ৱা ঙাংগনি।
