প্রধান মন্ত্রী, শ্রী নরেন্দ্র মোদীনা ২০২২গী এপ্রিল ২৬তা অয়ুক্কী পুং ১০.৩০ তাবা মতমদা ৭ লোক কল্যান মার্গতা সিৱাগিরি পিলগ্রিমেজগী ৯০শুবা কুমওন অমসুং ব্রহ্মা ৱিথ্যালয়াগী গোল্দন জুবিলীগী চহি চুপ্না পুন্না পাংথোক্কদবা থৌরম হৌদোকপগী থৌরমদা শরুক য়ারগনি। মহাক্না চহি চুপ্না পুন্না পাংথোক্কদবা থৌরম অদুগী লোগো অমসু হৌদোক্লগনি। সিৱাগিরি অমসুং ব্রহ্মা ৱিধ্যালয়া অসি অফাওবা সোসিয়েল রিফোর্মর, শ্রী নরায়ন গুরুগী থৌজাল অমসুং লমজিং-লমতাক মখাদা হৌদোকখিবনি।
সিৱাগিরি পিলগ্রিমেজ অসি থিরুবনন্থপুরমগী সিৱাগিরিদা নুমিৎ হুম্নিগীদমক্তা দিসেম্বর ৩০দগী জনুৱারীগী ১ ফাওবা চহি খুদিংগী পাংথোকই। স্রী নরায়ন গুরুগী মতুং ইন্না, পিলগ্রিমেজ অসিগী পান্দম অসি মমীয়ামগী মরক্তা পাক-শন্না ৱাখল-লৌশিং লৈহনবা ওইগদবনি অমসুং পিলগ্রিমেজ অসিনা মখোয়গী চাউখৎপদা অমসুং নুংঙাই–য়াইফবদা মতেং পাংগদবনি। মরম অদুনা পিলগ্রিমেজ অসিনা হিরম নিপান্দা খুদম ওইনা এজুকেশন, লু-নানবা, পীতী, হেন্দক্রেফশিং, ত্রেদ অমসুং কমর্স, এগ্রিকলচর, সাইন্স অমসুএ তেক্নোলোজী অমসুং পুন্না পাইখৎমিন্নবা থবক-থৌরমশিংদা মীৎয়েং তম্মি।
পিলগ্রিমেজ অসি ১৯৩৩দা দিভোতী মশিং য়ামদনা হৌদোরকখিবনি অদুবু হৌজিক্তি খা ভারত্তা য়াম্না চাউবা থৌরম অমা ওইরে। চহী খুদিংগী, মালেম শিনবা থুংনদগী দিভোতী লাখ কয়া অমনা জাতি, লানিং-লাইশোল, ধর্ম অমসুং লোনগী খেৎনবা লৈতনা পিলগ্রিমেজ অসিদা শরুক য়ারুনবা সিৱাগিরিদা লাক্নৈ।
স্রী নরায়ন গুরুনা ধর্ম খুদিংমক্কী ৱাখল্লোনবু ইং-তপ্না অমসুং চপ মান্ননা ইকাইখুম্নবগা লোইননা তাকপী-তম্বীনবগী মফম অমগী মঙালন অমা মংখি। সিৱাগিরিগী ব্রহ্মা ৱিধ্যালয়া অসি মসিগী মঙলান অসিবু মঙফাওনহন্নবা লিংখৎখিবনি। ব্রহ্মা ৱিধ্যালয়া অসিনা স্রী নরায়ন গুরুগী থবকশিং অমসুং মালেমগী মরু ওইবা ধর্মশিংগী শেংলবা লাইরিকশিং য়াওনা ভারতকী ফিলোসোফীগী মতাংদা চহি ৭কী কোর্সশিং পীরি।
