PM Modi to launch the #SwachhataHiSeva movement
#SwachhataHiSeva aims at generating greater public participation towards cleanliness#SwachhataHiSeva: PM Modi to interact with a cross-section of people from 18 locations across the countryপ্রধান মন্ত্রী শ্রী নরেন্দ্র মোদীনা হয়েং সেপ্তেম্বর ১৫, ২০১৮দা স্বচ্ছতা হী সেবা খোংজং হৌদোক্কনি।
থাখাই অমা চৎথগদবা খোংজং অসি হৌদোকপগী শরুক অমা ওইনা প্রধান মন্ত্রীনা ভিদিও কনফরেন্সিংগী থোংদা লৈবাক অপুনবগী মফম ১৮দা তোঙান তোঙানবা মীওইশিংগা ৱারী শানগনি। প্রধান মন্ত্রীনা ৱারী শানগদৌরিবশিং অদুগী মনুংদা স্কুলগী মহৈরোই, জৱানশিং, ধর্মগী লুচীংবশিং, শঙ্গোম অমসুং লৌউ-শিংউগী কোওপরেতিবশিংগী মেম্বরশিং, পাউমীশিং, লম লমগী সরকারগী মীহুৎশিং, রেলৱেগী শিন্মীশিং, সেল্ফ হেল্প গ্রুপশিং, অমসুং স্বচ্ছাগ্রহীনচিংবা অতৈ ময়াম অমা য়াওরি।
স্বচ্ছতা হী সেবা খোংজং অসিগী পান্দম লুবা নানবগা মরি লৈনবা থবকশিংদা খ্বাইদগী য়াম্না মীয়াম্না শরুক য়াহনবনি। খোংজং অসি ওক্তোবর ২, ২০১৮দা স্বচ্ছ ভারত মিশনগী চহি মরি মপুং ফারকপগী হেক মাংওইননা পাংথোক্কদৌরি। মসিনা মহাত্মা গীন্ধীগী ১৫০ শুবা মপোক কুমওনগী থৌরম হৌদোকপসু ওইগদৌরি।
মসিগী মমাংদা, খোংজং অসি ‘বাপুগী মফমদা কৎচবা অশেংবা শ্রদ্ধাঞ্জলি’নি হায়না ফোংদোক্লদুনা প্রধান মন্ত্রীনা মীয়ামদা পীখিবা ভিদিওগী পউজেল অমদা লৈবাক মীয়ামদা ‘খোংজং অসিদা শরুক য়াবীনবা অমসুং তরু তনানবা ভারত অমগী মংলান অদু মংফাওনহন্নবগী মাইকৈদা পাইখৎলিবা থৌরাং অসিবু মপাঙ্গল কলহন্নবা’ ফোংদোকখি।
