PM to interact with young innovators and start-up entrepreneurs tomorrow. 
প্রধান মন্ত্রী শ্রী নরেন্দ্র মোদীনা হয়েং নহা ওইরিবা ইনোভেতরশিং অমসুং স্তার্ত-অপ ইন্ত্রপ্রিনরশিংগা উনদুনা ৱারী শান্নবগী থৌরমদা শরুক য়াগনি।
প্রধান মন্ত্রীনা হায়খি, “হয়েং অয়ুক পুং ৯:৩০ তাবা মতমদা, ঐহাক্না স্তার্ত-অপ অমসুং ইনোভেসনগী, মালেম পুম্বদগী লাকপা নহাশিংগা উনদুনা ৱারী শান্নগনি। ৱারী শান্নবা অসিনা লমজিং-লমতাক্লিবা নহা ওইরিবা ইনোভেতরশিংগী মফমদগী মখোয়গী ৱাফমশিং তাবগী খুদোংচাবা অদু ফংলগনি।
ভারত্তা স্তার্ত-অপ্স অমসুং ইনোভেসনগী হব অমা উবা ফংলি। হয়েংগী ৱারী শান্নবা অসিদা মকোকথোংবা ইনক্যুবেসন সেন্তরশিং অমসুং লেবোরেতরীশিংদগী নহাশিংসু শরুক য়াগনি।
হয়েংগী উনদুনা ৱারী শান্নবগী থৌরম অসিদা শরুক য়ারনবা ঐহাক্না অখন্ননা ঐহাক্কী নহা ওইরিবা মরূপশিংগী মফমদা খঙহঞ্জরি। উনদুনা ৱারী শান্নবগী থৌরম অসি নখোয়না নরেন্দ্র মোদী মোবাইল এপ্লিকেসন নত্রগা @DDNewsLiveকী থোংদা শরুক য়াবা য়াগনি। করিগুম্বা নখোয়না মখল অমা হেক্তগী ৱাখল্লোন নত্রগা সজেসন লৈরগদি সোসিয়েল মীদিয়াদা সেয়র তৌবীয়ু।”
