“পরিক্ষা পে চর্চা ২০২০”দা প্রধান মন্ত্রীনা মহৈরোইশিং, ওজাশিং অমসুং মমা-মপাশিংগা লোয়ননা ৱারী শানগনি

প্রধান মন্ত্রী শ্রী নরেন্দ্র মোদীনা ২০২০গী জনুৱারী ২০দা মহৈরোইশিং, ওজাশিং অমসুং মমা-মপাশিংগা লোয়ননা “পরিক্ষা পে চর্চা ২০২০”দা ৱারী শানগনি। স্কুলগী মহৈরোইশিংগা লোয়ননা প্রধান মন্ত্রীগী ৱারী শানবগী প্রোগ্রাম অসিগী অহুমশুবা তাঙ্কক “পরিক্ষা পে চর্চা ২০২০” অসি ২০২০গী জনুৱারী ২০গী অয়ুক পুং ১১ তাবা মতমদা নই দিল্লীগী তালকতোরা স্তেদিয়মদা পাংথোক্কনি। প্রধান মন্ত্রী শ্রী মোদীনা ৱাহংশিংগী পাউখুম পীগনি অমসুং মতৌ করম্না মখোয়না পরিক্ষাগী স্ত্রেস থেংনগদগে হায়বগী মতাংদা খনগৎলবা মহৈরোইশিংগা লোয়ননা ৱারী শানগনি।

মহৈরোইশিং, ওজাশিং অমসুং মমা-মপাশিংগী মরক্তা এক্সাইতমেন্ত অমসুং থৱাই য়াওবা কয়া উবা ফংলি। মখোয়না য়ুনিক ওইবা থৌরমদা শরুক য়াবদা নত্তনা প্রধান মন্ত্রীগী মফমদগী মমল য়াম্লবা ৱাফমশিংসু ফংগনি। প্রধান মন্ত্রীনা মতম পুম্নমক্তা মহৈরোইশিংবু ইং চিকপা এতমোস্ফিয়ার অমদা পরিক্ষা পীবা ঙম্নবা অমদি স্ত্রেস লৈতনবা, হেন্না ফবা রিজল্ত ফংহন্নবগীদমক থৌগৎলি।

স্কুল অমসুং কোলেজগী মহৈরোইশিংগা লোয়ননা প্রধান মন্ত্রীগী ৱারী শানবগী প্রোগ্রাম অসিগী অহানবা তাঙ্কক “পরিক্ষা পে চর্চা ১.০” অদু ২০১৮গী ফেব্রুৱারী ১৬তা নই দিল্লীগী তালকতোরা স্তেদিয়মদা পাংথোকখি। স্কুল অমসুং কোলেজগী মহৈরোইশিংগা লোয়ননা হায়রিবা ৱারী শানবগী প্রোগ্রাম অসিগী অনীশুবা তাঙ্কক “পরিক্ষা পে চর্চা ২.০” অদু ২০১৯গী জনুৱারী ২৯দা নই দিল্লীগী তালকতোরা স্তেদিয়মদা পাংথোকখি।