PM Modi to inaugurate a stretch of the new Magenta line of the Delhi Metro on 25th December
PM Modi to undertake metro ride from Botanical Garden, address public meeting5 new Metro Rail Projects covering a total length of over 140 kilometres approved by CentreMetro Lines of around 250 kilometre length are proposed to be commissioned over the next two yearsপ্রধানমন্ত্রী শ্রী নরেন্দ্র মোদীনা দিসেম্বর ২৫দা দিল্লী মেত্রোগী অনৌবা মজেন্তা লাইনগী শরুক অমা শঙ্গারগনি। লাইন অসি নোইদাদা লৈবা বোতানিকেল গার্দেনবু দিল্লীগী কল্কাজী মন্দিরগা শম্নহল্লগনি। মসিনা মরম ওইদুনা নোইদা অমসুং খা দিল্লীগী মরক্তা চৎথোক-চৎশিন তৌবদা চংবা মতম মশক থোক্না হন্থহল্লগনি। থৌরম অদুদা প্রধানমন্ত্রীনা মীয়ামগী মীফম অমদসু ৱা ঙাংগনি।
অনৌবা লাইন অসি থবক হৌবনা লৈবাক অসিদা আর্বান ত্রান্সপোর্ত নৌথোকহন্নবা সরকারনা পাইখৎলিবা থৌরাংশিংদা অনৌবা ইনোৎ অমা হাপ্লগনি। লাইন অসিনা তেক্নোলোজী সেন্ত্রিক অমসুং ইনভাইরন্মেন্ত-ফ্রেন্দলী মাস রেপিদ আর্বান ত্রান্সপোর্ত সিস্তেমদা খোং থাংজিল্লগনি।
মসি ২০১৭তা প্রধানমন্ত্রীনা শঙ্গাগদবা অহুমশুবা মেত্রো লাইন্নি, মসিগী মমাংদা মহাক্না জুন্দা কোচ্চী মেত্রো অমসুং নবেম্বরদা হাইদ্রাবাদ মেত্রো জাতিদা কৎথোকখি। থৌরম অনি অদুদা প্রধানমন্ত্রীনা মীয়ামগী মীফম পাংথোকফমদা য়ৌদ্রিঙৈগী মমাংদা অনৌবা মেত্রো লাইনশিংদা খোংচৎ খর-খর চৎখি।
শ্রী নরেন্দ্র মোদী নেস্নেল কেপিতেল রিজন্দা মাগী থৌরমশিংদা শরুক য়াননবা মেত্রোদা তোংদুনা চৎলি। জুন ২০১৬তা প্রধানমন্ত্রী অমসুং ফ্রান্সকী রাষ্ট্রপতি ফ্রান্সৱা ওলান্দনা দিল্লীদগী গুরুগ্রাম ফাওবা, মফম অদুদা মখোয়না পুন্না ইন্তর্নেস্নেল সোলর এলাইন্সকী হেদ ওফিসকী উরেপ-উয়ুং তম্নবগীদমক তোংখি। হন্দক্তা এপ্রিল ২০১৭দা প্রধানমন্ত্রী মোদী অমসুং ওস্ত্রেলিয়াগী প্রধানমন্ত্রী মেল্কোম তর্নবুলনা অক্ষরধাম মন্দীর ফাওবা মেত্রো তোংদুনা চৎখি।
রেপিদ ত্রান্সিৎ সিস্তেমগী থোংদা কনেক্তিবিতী হেনগৎহন্নবগী পান্দমদা মিৎয়েং থম্লদুনা হৌখিবা চহি অহুম মখাই অসিদা চাওরাক্না কিলোমিতর ১৬৫ লাপ্না চৎকদবা মেত্রো প্রোজেক্ত মাপল হৌদোকলে। অপুনবা কিলোমিতর ১৪০ চৎকদবা অনৌবা মেত্রো রেল প্রোজেক্ত মঙাগী অয়াবা পীখ্রে। মথংগী চহি অনিদা চাওরাক্না কিলোমিতর ২৫০ শাংবা মেত্রো লাইন হৌদোক্নবগী ৱাফম থম্লি।
