প্রধান মন্ত্রী শ্রী নরেন্দ্র মোদীনা দিসেম্বর ১৭কী অয়ুক পুং ১০:৩০ তাবা মতমদা ভিদিও কনফরেন্সকী থোংদা বারানসীদা উত্তর প্রদেশকী অর্বান দিবেলপমেন্ত বিভাগনা শিনবা ভারত পুম্বগী মেয়রশিংগী কনফরেন্স হৌদোক্লদুনা ৱা ঙাংলগনি। কনফরেন্স অসিদা লৈবাক পুম্বদা লৈরিবা রাজ্য কয়াদগী মেয়রশিংনা শরুক য়াগনি। কনফরেন্স অসিগী হীরমনা “ন্যু অর্বান ইন্দিয়া”নি।
শহরগী মফমশিংদা লৈরিবা মীওইশিংগী হিংবদা লাইথোকহন্নবা পাম্বৈ পীনবা প্রধান মন্ত্রীনা লেপ্পা লৈতনা হোৎনরি। সরকার অসিনা ফীভম শোক্লবা অর্বান ইনফ্রাস্ত্রকচর অমসুং খুদোংচাবশিং ফংদবগী অৱাবশিং কোকহন্নবা স্কিম অমসুং খোঙথাং কয়ামরুম হৌদোকখ্রে। মসিগী খোঙথাংশিং অসিনা অখন্ননা হৌখিবা চহি মঙা অসিদা শহরগী মফমশিংদা অঙকপা ফংনা খুমাং চাওশিনবা অমসুং অওনবা পুরকখ্রবা উত্তর প্রদেশকী রাজ্য অসিদা মরুওইবা মীয়েং অমা চংলগনি।
অর্বান দিবেলপমেন্তকী লমদা ভারত সরকার অমসুং উত্তর প্রদেশ সরকারনা ফংখিবা মরুওইবা পান্দমশিং অদু উৎনবা দিসেম্বর ১৭তগী ১৯ ফাওবা একজিবিসন অমসু শিনগনি।
উত্তর প্রদেশকী মুখ্য মন্ত্রী অমসুং হাউজিং অমসুং অর্বান এফিয়র্সকী কেন্দ্রগী মন্ত্রীসু থৌরম অসিদা শরুক য়াগনি।
