প্রধানমন্ত্রী শ্রী নরেন্দ্র মোদীনা দিসেম্বর ৩১ অমসুং জনুৱারী ১দা মরু ওইবা ভিদিও কনফ্রেন্স অনিগী থোংদা ৱা ঙাংগনি।
দিসেম্বর ৩১দা, প্রধানমন্ত্রীনা বরকালা, কেরলগী সিবগিরি মত্তা ৮৫ শুবা সিবগিরি পিলগ্রিমেজগী থৌরমদা ভিদিও কনফ্রেন্সকী থোংদা ৱা ঙাংগনি। সিবগিরি অসি ভারতকী ফাওরবা লম্বোইবা অমসুং খুন্নাইবু শেমদোকপীরম্বা শ্রী নরায়ণ গুরুগী শেংলবা মফম্নি।
জনুৱারী ১, ২০১৮দা প্রধানমন্ত্রীনা কোলকতাদা প্রোফেসর এস.এন. বোসকী ১২৫শুবা মপোক কুমওনগী কর্তেন রাইজরগী থৌরমদা ভিদিও কনফ্রেন্সকী থোংদা ৱা ঙাংগনি। প্রোফেসর সত্যেন্দ্র নাথ বোস অসি ভারতকী ফিজিসিস্ত অমা ওইরম্মি, ক্বান্তম মেকানিক্সকী মতাংদা তৌরম্বা মহাক্কী থবক্কীদমক মমিং চৎখি, বোস-এন্সতাইন স্তেতিস্তিক্সকী য়ুম্ফম থোনবীরম্মি। প্রোফেসর বোসনা লৈখিদ্রবা মতুংদা বোস-এন্সতাইন স্তেতিস্তিক্সপু য়াবা কাংলুপ্পু বোসোন্স হায়না কৌনখি।
