প্রধান মন্ত্রী, শ্রী নরেন্দ্র মোদীনা দিসেম্বর ২৫গী নুংথিলগী পুং ১২.৩০দা গুজরাতকী কচতা লৈবা গুরুদ্বারা লাখপত সাহিবতা গুরু নানক দেবজীগী গুরুপুরব পাংথোকপগী থৌরমদা ভিদিও কনফরেন্সিংগী খুত্থাংদা ৱা ঙাংগনি।
গুজরাতকী সিখ সঙ্গৎনা চহি খুদিংগী ওইনা দিসেম্বর ২৩দগী ২৫ ফাওবসি গুরুদ্বারা লাখপত সাহিবতা গুরু নানক দেবজীগী গুরুপুরব থৌরম পাংথোকই। গুরু নানক জীনা মহাক্কী খোঙচৎকী মনুংদা লাখপত্তা লৈরমখি। গুরুদ্বারা লাখপত্তা উগী খোঙউপ অমসুং পালখি (নাউশুম)গা লোয়ননা গুর্মুখিগী মেনুস্ক্রিপ অমসুং মার্কিং স্ক্রিপ য়াওনা মহাক্না শিজিন্নরম্বা পোৎলম কয়া অমা লৈ।
ইং ২০০১গী য়ুহা হাবগী থৌদোক্তা গুরুদ্বারা অসিদা অকায়-অতোয় থোকখি। মতমদুগী মুখ্য মন্ত্রী, শ্রী নরেন্দ্র মোদীনা অকায়-অতোয়শিং খুদক্তা শেমজিন-শাজিনবগী থৌদাং লৌখি। গুরু নানক দেব জীগী ৫৫০শুবা প্রকাশ পুরব, গুরু গোবিন্দ সিংহ জীগী ৩৫০শুবা প্রকাশ পুরব অমসুং গুরু তেগ বহাদুর জীগী ৪০০শুবা প্রকাশ পুরব য়াওনা প্রধান মন্ত্রীনা অকোনবা ওইনা পাংথোকখিবা থৌওংশিংদা মহাক্কী ধর্মবু ইকায় খুম্নবগী মগুন উৎপগুম্না মসিগী থৌওং অসিনসু প্রধান মন্ত্রীনা ধর্মবু ইকায় খুম্নবগী মগুন উৎলি।
