প্রধান মন্ত্রী শ্রী নরেন্দ্র মোদীনা অনৌবা চহীগী য়াইফ-পাওজেল পীনবগীদমক য়ুনাইতেদ স্তেতসকী রাস্ত্রপতি শ্রী দোনাল্দ ত্রম্পকা লোয়ননা ৱারী শানখ্রে।
প্রধান মন্ত্রীনা রাস্ত্রপতি ত্রম্প, মহাক্কী ইমুং মনুং অমসুং অমেরিকাগী মীয়াম্বু অনৌবা চহীনা লাকপদা হকচাং ফবা, চাউখৎপা অমসুং মায়পাকপা ওইরসনু হায়না য়াইফ পাওজেল পীখি।
প্রধান মন্ত্রীনা ফোংদোকখি মদুদি থাজবা, অমনা অমবু ইকায় খুম্নবা অমসুং অন্দর্সতেন্দিংদা শেম্বা ভারত-অমেরিকাগী মরী অসি মপাঙ্গল কনখৎলক্লি। হৌখিবা চহীদা লৈবাক অনিগী মরক্তা স্ত্রেতেজিক পার্তনরশিপ হেন্না চেৎশিলহনবদা খুমাং চাউশিনখিবা অদু প্রধান মন্ত্রীনা পাউদমখি অমসুং ম্যুচেল ইন্তরেস্তকী লম খুদিংমক্তা তেংবা পীবা হেঙ্গৎহন্নবগীদমক রাস্ত্রপতি ত্রম্পকা লোয়ননা মখা তানা থবক তৌমিন্ননিংবগী অপাম্বসু ফোংদোকখি।
অনৌবা চহীনা লাকপদা রাস্ত্রপতি ত্রম্পনা ভারতকী মীয়াম্বু চাউখৎপা অমসুং প্রোগ্রেসকী য়াইফ পাউজেল পীখি। হৌখিবা চহী খরদা লৈনরিবা মরীদা ফংখিবা এচিবমেন্তশিংদা মহাক্না অপেনবা ফোংদোকখি অমসুং নাকল অনিগী ওইবা তেংবাং পীনবা মখা তানা হেঙ্গৎহন্নবা মহাক্কী অয়াবা অদু অমুক হন্না ফোংদোকখি।
