প্রধান মন্ত্রী শ্রী নরেন্দ্র মোদীনা শ্রীলঙ্কাগী রাস্ত্রপতি অমসুং প্রধান মন্ত্রীগা লোয়ননা তেলিফোন্দা ৱারী শানখ্রে অমদি শ্রীলঙ্কাদা থোকখিবা ঙসিগী তেরোরিস্ত এতেক্তা মীচম চামা য়াঙ্খৈ হেন্না লৈখিদবদা মহাক্কী ওইবা অমদি ভারত মীয়ামগী মায়কৈদগী থম্মোয় শোক্না অৱাবা ফোংদোকখ্রে।
প্রধান মন্ত্রী মোদীনা ধর্মগী ওইবা মফমশিং অমদি ধর্মগী ওইবা থৌরম পাংথোক্লিঙৈ মনুংদা থংন-থংননা চত্থরকখিবা এতেক্তশিং অদু য়াম্না কন্না য়ানিংদবা ফোংদোকখি। মহাক্না মদুবু মাংজৌননা থৌরাং তৌদুনা কোল্দ-ব্লদতা চত্থখিবা থৌওংনি হায়না ফোংদোকখি অমদি এতেক্ত অসিনা ঐখোয়গী লমদম অমদি মালেম পুম্বদা তেরোরিজম্না মীওইবা খুন্নাই পুম্বদা পীরকপা খ্বাইদগী চাউনা মায়োক্নরিবা অতোপ্পা অমা নীংশিংহল্লি হায়না ফোংদোকখি।
প্রধান মন্ত্রীনা শ্রীলঙ্কাবু তেরোরিজম্না পীরকপা চৈথেংশিংগী মায়োক্তা মখোয়গী সেক্যুরিতী হেঙ্গৎহন্নবগীদমক পীবা য়াবা তেংবাং পুম্নমক পীগনি হায়না নৌহৌনা নীংশিংখি।
মহাক্না থৌদৌক অদুদা শোক্লবশিংবু অথুবা মতমদা ফরকপা ওইরসনু হায়না ফোংদোকখি অমদি মখোয়গী লায়েংগীদমক মথৌ তাবা তেংবাং পুম্নমক পীগনি হায়না ফোংদোকখি।
