প্রধান মন্ত্রী শ্রী নরেন্দ্র মোদীনা অবু ধাবীগী ক্রাউন প্রিন্স অমদি য়ু.এ.ই. আর্ম ফোর্সেসকী দিপুতী সুপ্রিম কমান্দর হিজ হাইনেস শৈখ মোহম্মদ বিন জায়েদ অল-নহয়ানগা ঙসি তেলিফোন্দা ৱারী শানখ্রে।
লুচিংবা অনিমক্না লম খুদিংমক্তা লৈবাক অনিগী তেংবাং পীনবা হেঙ্গৎলক্লিবা অসিদা নুংঙাইবা ফোংদোকখি। মখোয়না লৈবাক অনিগী ওইবা কমপ্রেহেন্সিব স্ত্রেতেজিক পার্তনরশিপ মখা তানা চেৎশিনহন্নবা মখোয়গী ওইবা ৱারেপশিং অদু নৌহৌননা নীংশিংনখি।
থা অসিগী অঙনবা শরুক্তা অবু ধাবীদা পাংথোকখিবা ও.আই.সি. ফোরেন মিনিস্তর্স কাউন্সিলদা অথোইবা মীথুংলেন ওইনা শরুক য়ানবা ভারতপু বার্তন তৌরকখিবা অদুগীদমক ক্রাউন প্রিন্সপু থাগৎচনবা তাঞ্জা অদু প্রধান মন্ত্রীনা লৌখি। মসিগী পুৱারী ওইরবা শরুক য়াখিবা অসিনা শান্তি অমসুং চাউখৎপগী অপুনবা পান্দম অদু ফংবদা থৌদাং য়ারগনি হায়না মহাক্না থাজবা থমখি।
