প্রধানমন্ত্রীনা মহাক্কী পেলেস্তাইন, য়ুনাইতেদ অরব ইমিরেতস অমসুং ওমান চৎলমদাইদা পীরম্বা ৱারোল

মখাগী অসি প্রধানমন্ত্রী শ্রী নরেন্দ্র মোদীনা মহাক্কী পেলেস্তাইন, য়ুনাইতেদ অরব ইমিরেতস অমসুং ওমান চৎলমদাইদা পীরম্বা ৱারোল অদুনি ।
“ঐহাক ফেব্রুৱারি ৯দগী ১২ ফাওবা নাকল অনিগী ওইবা খোংচৎশিংদা পেলেস্তাইন, য়ুনাইতেদ অরব ইমিরেতস অমসুং ওমান চৎলগনি । ইং ২০১৫দগী হৌরগা মঙারকশুবা ওইনা গল্ফ অমসুং ৱেস্ত এসিয়া রিজন্দা চৎপা অসিদা ঐহাক নুঙাইবা ফাওই । মসিগী রিজন অসি ঐখোয়গী এক্সতর্নেল এঙ্গেজমেন্তদা মরুওইবা প্রায়োরিতী অমনি ।
ফেব্রুৱারি ১০দা জোর্দান ফাওদুনা চৎলবা মতুং, খোংচৎ অসি পেলেস্তাইনদগী হৌগনি । জোর্দান ফাওদুনা চৎপদা কোমথোকপগীদমক ঐহাক্না জোর্দানগী নিংথৌ হিজ মেজেস্তী অব্দুল্লা II বু থাগৎচবা ফোংদোকচরি । ফেব্রুৱারি ৯দা অমান্দা ঐহাক্না মহাক্কা উন্ননবা মীৎয়েং থম্লি । মসিনা ভারতকী মায়কৈদগী পেলেস্তাইনদা চৎপা অহানবা প্রাধানমন্ত্রীগী খোংচৎ ওইরগনি । রাষ্ট্রপতি মোহমদ অব্বাসকা লোননা খন্ন-নৈননবা ঐহাক্না মীৎয়েং থম্লি অমসুং পেলেস্তাইনগী দিবেলপমেন্তকীদমক ঐখোয়গী সপোর্ত অদু হেন্না চেৎশিলহল্লগনি ।
ফেব্রুৱারি ১০-১১দা ঐহাক য়ুএই চৎকনি । য়ুএই অসি ভেলু ৱাংবা স্ত্রেতেজিক পার্তনর অমনি, মখোয়গা ইকোনোমী, ইনর্জী, হাই তেক্নোলোজী অমসুং সেক্যুরিতী য়াওনা মরুওইবা লমশিংদা ফাস্ত-ত্রেক কোওপরেসন পিনরি । হিজ হাইনেস সৈখ মোহমদ বিন রশিদ অল মাক্তুম, য়ুএইগী ভাইস প্রসিদেন্ত অমসুং প্রাইম মিনিস্তর অমসুং দুবাইগী রুলর অমসুং হিজ হাইনেস সৈখ মোহমদ বিন জায়েদ অল নাহয়ান, অবু ধাবিগী ক্রাউন প্রিন্সকা লোয়ননা চৎথগদবা ঐহাক্কী মীফমশিংদা লমশিং অসিদা খন্ন নৈনগনি । য়ুএইগী লুচিং পুরেলগী বার্তনদা, দুবাইদা পাংথোক্কদৌরিবা ৱার্ল্দ গবর্নমেন্ত সমিৎকী ৬শুবা মীফমদা ঐহাক্না ৱা ঙাংগনি । নুমীৎ অদুমক্তদা, ঐহাক্না মাংজিল থারিবা য়ুএই অমসুং অরব সিইওশিংগা দুবাইদা উন্নগনি ।
ওমান অসি নক্ননা লৈরিবা মেরিতাইম য়ুম্লোন্নবা অমনি, মখোয়গা অফবা মরিশিং থম্লি । ঐহাক্না হিজ মেজেস্তী ওমানগী সুল্তান অমসুং অতোপ্পা মরুওইবা লুচিংবশিংগা ৱারি শান্নগনি । ঐহাক্না ওমানগী মকোক থোংবা ললোন ইতিক তৌবা মীওইশিংগশু উন্নদুনা ভারতকা লোয়ননা ললোন ইতিক্কী লিঙ্কশিং চাওখৎহন্নবা খন্নগনি । ফেব্রুৱরি ১১-১২দা প্রধানমন্ত্রী ওইনা ঐহাক্কী অহানবা খোংচৎ ওইনা চৎকদবা অসিদা ঐহাক অপেনবা পোকই ।
ফেব্রুৱারি ১১গী নুমিদাংৱাইরমদা, ঐহাক্না হিজ মেজেস্তী ওমানগী সুল্তানগা উন্নগনি । ঐহাক্না কাউন্সিল ওফ মিনিস্তর্সকী দিপুতী প্রাইম মিনিস্তর ঐছঐছ সায়িদ ফাহদ বিন মহমুদ অল সৈদ অমসুং ইন্তরনেস্নেল রিলেসন্স অমসুং কোওপরেসন এফিয়ার্সকী দিপুতী প্রাইম মিনিস্তর ঐছঐছ সায়িদ অসাদ বিন তারিক অল সৈদকশু উন্নগনি । ঐখোয়না বাইলেতরেল কোওপরেসন নৌহৌনা য়েংশিনগনি অমসুং মখাতানা চেৎশিলহন্নবা খোংথাং লৌখৎকনি । ফেব্রুৱারি ১২দা ঐহাক্না ওমানগী মাংজিল থারিবা ললোন-ইতিক তৌরিবা মীওইশিংগা ভারতকা লোয়ননা ইকোনোমীক অমসুং বিজিনেস লিঙ্কশিং চেৎশিলহন্নবা ৱারি শান্নগনি ।
ওমান অমসুং য়ুএই অনিমক্তা ময়ুম হোংখ্রবা মশিং য়াম্লবা ভারত মচাশিংগা উন্ননবগী খুদোংচাবা অদু ঐহাক্না ফংলগনি । ভারত মচা মিলিয়ন ৯ হেন্না গল্ফ রিজন্দা থবক তৌরি অমসুং খুন্দা লৈতারি, মদুগী মনুংদা শরুক অহুম থোকপগী অমদি য়ুএই খক্তদা লৈরি । ওমানদা মখোয়না চাওরবা কমুনিতী অমা শেম্লে ।
খোংচৎ অসিগী খুত্থাংদা নোংচুপ এসিয়া অমসুং গল্ফ রিজনগা লোয়ননা মরুওইবা মরিশিং শেমগৎনবা ঐহাক্না