Quoteকোরোনাগী মতমগী নুপীগী সেল্ফ-হেল্ফ গ্রুপশিংনা মমাংগী মতমদা লৌখিদ্রিবা থৌদাং লৌরকপগীদমক মখোয়বু থাগৎখ্রে
Quoteইচে-ইচল পুম্নমক্না মখোয় মখোয়গী খুঙ্গংশিং অদু চাওখৎপা পুরকপা ঙম্নবগী এতমোস্ফেয়র অমা অমসুং কন্দিসনশিং সরকার অসিনা লেপ্পা-লৈতনা শেমগৎলি: পি.এম.
Quoteভারত্তা শান্নপোৎশিং শাবা অসি হেন্না পুক্নিং থৌগৎপদা সেল্ফ হেল্ফ গ্রুপশিংগী অচৌবা শক্তি লৈ: পি.এম.
Quoteএস.ঐচ.জি. লাখ ৪ হেনবদা লুপা কোতি ১৬২৫গী কেপিতেলাইজেসন সপোর্ত ফন্দশিং প্রধান মন্ত্রীনা রিলিস তৌখ্রে

খুরুমজরি,

ঙসি লৈবাক অসিনা আজাদী কা অমৃত মহোৎসব পালন তৌরিবা মতম অসিদা থৌরম অসি য়াম্না মরু ওই। লাক্কদৌরিবা চহিশিংদা আত্মনির্ভর ভারত্তা ঐখোয়গী আত্মনির্ভর নারীশক্তিনা অনৌবা ইনোৎ অমা পীরগনি। নখোয়গা ৱারী শাবা অসিনা ঙসি ঐঙোন্দা ইথিল পীরি। ঙসিগী থৌরম অসিদা শরুক য়ারিবা ঐহাক্কী কেন্দ্রগী মন্ত্রী-মন্দলগী মরুপশিং, রাজস্থানগী ইকাই খুম্নরবা মুখ্য মন্ত্রীজী, রাজ্য সরকারগী মন্ত্রীশিং, এম.পি.-এম.এল.এ. মরুপশিং, জিলা পরিসদকী চিয়রমেন অমসুং মেম্বরশিং, লৈবাক অসিগী লোকেসন লাখ ৩গী ময়ারোমগী মরী লৈনবা সেলফ হেল্প গ্রুপগী ইচে-ইচল করোর কয়া অমসুং ইকাই খুম্নরবশিং!

ইচিল-ইনাওশিং,

ঐহাক্না হৌজিক সেল্ফ-হেল্প গ্রুপশিংগা মরী লৈনবা ইচে-ইচলশিংগা ৱারী শাবা মতমদা মখোয়দা ফাওরিবা থাজবা অদু ঐহাক্না ফাওবা ঙম্মি, মখোয়দা মাংদা চংশিন্নবা অপাম্বা করম্না পোকই, করিগুম্বা অমা তৌনবা ইথিল করম্না তৌই, হায়বা নখোয়নসু শোইদনা উবীমগনি, মসি ঐখোয় পুম্নমক্কী ওইনা য়াম্না ইনোৎ হাপ্নীংঙাই ওই। মসিনা লৈবাক অসিদা লৈরিবা নুপীগী শক্তিগী মপাঙ্গল লৈবা ইহৌ অমগী মঙলান ঐখোয়দা পীরি।।

মরুপশিং,

কোরোনাগী মতমদা ঐখোয়গী ইচে ইচলশিংনা সেল্ফ হেল্প গ্রুপশিংগী খুত্থাংদা লৈবাক মীয়ামগীদমক লৌরিবা থৌদাং থাগৎনিংঙাইনি। মাস্ক অমসুং সেনিতাইজর শাবদা ওইরবসু, মথৌ তাবা মীওইশিংদা চাননবা পোৎলমশিং য়ৌহনবদা ওইরবসু, মীয়ামদা ৱাখল তাহনবগী থবক ওইরবসু হীরম খুদিংদা অদোমগী লূপশিংগী থৌদাং শিংথানীংঙাই ওইরি। মশাগী ইমুং-মনুংদা হেন্না ফবা পুন্সি মহিং অমা ফংহনবা ঙম্বগা লোইননা লৈবাক অসিবু খুমাং চাউশিনহল্লিবা ঐখোয়গী ইচে-ইচল করোর কয়াবু ঐহাক্না থাগৎচরি।

মরুপশিং,

নুপীশিংগী মরক্তা ওন্তপ্রিনোরশিপকী লম হেনগৎহন্নবা, আত্মনির্ভর ভারতকী ৱারেপ অসিদা চাউনা শরুক য়ান্নবা, ঙসি অচৌবা শেলগী তেংবাং অমা কাইথরগনি। ফুদ প্রোসেসিং ইন্তর্প্রাইস, নুপীশিংগী ফার্মর্স প্রদ্যুসর য়ুনিয়নশিং নত্ত্রগা সেল্ফ-হেল্প গ্রুপশিং ওইরবসু অসিগুম্বা ইচে-ইচলশিংগী লূপশিংদা লুপা করোর ১৬০০ হেন্না পীথখ্রে। রক্ষ বন্ধনগী মাংওইননা কাইথখিবা শেনফম অসিনা ইচে-ইচল করোর কয়াগী পুন্সিদা হরাও-তয়াম্বা পুরক্লগনি, অদোমগী থবক খুমাং চাউশিন্নবা ঐহাক্না য়াইফ-মঙ্গোল পীজরি।

মরুপশিং,

ঙসি সেল্ফ হেল্ফ গ্রুপ অমসুং দীন দয়াল অনত্যোদয় য়োজনানা ভারতকী খুঙ্গংশিংদা অনৌবা অওনবা অমা পুরকপা ঙমখ্রে। অমসুং অওনবা অসি পুরকপদা নুপীশিংগী সেল্ফ-হেল্প গ্রুপশিংনা শরুক তমখি অমসুং মখোয়না মখা চত্থহল্লি। মসিগী নুপীশিংগী সেল্ফ-হেল্ফ গ্রুপশিংগী ইহৌ অসি হৌখিবা চহি ৬-৭ অসিদা কনশিনখি। ঙসি লৈবাক অসিদা সেল্ফ হেল্ফ গ্রুপ ৭০ লৈদুনা হৌখিবা চহি ৬-৭কী মতমদা লৈরম্বা অদুদগী শরুক অহুম হেন্না লৈরে হায়না মহাক্না ফোংদোকখি৷ মসি মরু ওইরিবগী মরমদি চহি কয়া অসিদা ইচেল-ইচলশিংগীদমক শেলগী তেংবাং পীগদবা অদু তৌদনা লাকখি। ঐখোয়না সরকার পাইবা মতমদা ঐখোয়না লৈবাক অসিদা বেঙ্ক একাউন্ত লৈতবা ইচে-ইচল করোর কয়া লৈ হায়বা উবা ফংখি অমসুং মখোয় অসি বেঙ্কিং সিস্তেমদগী লাপ্না লৈরমখি। মরম অসিনা ঐখোয়না জন উন একাউন্তশিং হাংনবা অচৌবা কেম্পেন অমা অহানবদা হৌদোকখি। ঙসো লৈবাক অসিদা জন উন একাউন্ত করোর ৪২ হেন্না লৈরে। মসিগী চাদা ৫৫দি ইমাশিং অমসুং ইচে-ইচলশিংগী ওইরি। একাউন্তশিং অসিদা লুপা করোর কয়া দিপোজিৎ তৌখ্রে। হৌজিক্তি চাকশঙগী কৌতাশিংদা হাপত্রে, অসুম্না শিল্লমদ্রবদি খুঙ্গংশিংদা করম্বা ফীভমদা লৈরমগনি হায়বা ঙমদে, চাকশঙদা লৈবা কৌতাশিংদা মখোয়গী লেমহৌবা শেল খরা অদু হাপতুনা থম্লমগনি। হৌজিক্তি চাকশঙগী কৌতাগী মহুৎ বেঙ্ক একাউন্তদা ওইনা শেল অসি দিপোজিৎ তৌরে।

|

 

ইচিল-ইনাওশিং,

ঐখোয়না বেঙ্ক একাউন্তশিংসু হাংহনখ্রে অমসুং বেঙ্কশিংদগী লায়না লোনশিং লৌবা য়াহল্লি। নাকল অমরোমদা মুদ্রা য়োজনাগী মখাদা গরেন্তী য়াওদনা নুপী ওন্তপ্রিনোর লাখ কয়াদা লায়না লোনশিং পীরি, নাকল অমরোমদনা সেল্ফ-হেল্প গ্রুপশিংদা গরেন্তী য়াওদনা লোনশিং পীবা শীংথনীংঙাই ওইনা হেনগৎখ্রে। নেস্নেল লাইবলিহুদ মিসনগী মখাদা সরকারনা ইচে-ইচলশিংগীদমক্তা তেংবাং ওইনা পীখিবা শেনফম অসি হান্নগী সরকারনা পীরম্বা অদুদগী শরুক কয়া হেন্না হেনখি। মসিতা নত্তনা সেল্ফ-হেল্প গ্রুপশিংদা গরেন্তী য়াওদনা লুপা করোর লাখ ৪রোমগী লোনশিংসু পীথখ্রে।

মরুপশিং,

ঐখোয়গী ইচে-ইচলশিং অসি কয়াম য়াম্না পুকচেল শেংই অমসুং মথৌ মশক খঙবগে হায়বা অসি খন্নবা য়াম্না মরু ওই। চহি ৭ অসিদা সেল্ফ-হেল্প গ্রুপশিংনা বেঙ্কশিংদা শেল শিংগৎপগী থবক নীংথিনা তৌরি। মতম অমদা বেঙ্কনা লোন পীবা লেপলমখি হৌজিক গীরিরাজজীনা চাদা ৯ ফাওবদি অৱাফমদা তাখি হায়না তাকপীরি। হায়বদি, শেনফম অসি শিংগৎপা ঙমদে হায়বনি। হৌজিক্তি মসি চাদা অনি মখাইদা হন্থবা ঙম্লে। ঙসি লৈবাক অসিনা নখোয়গী ওন্তপ্রিনোর্শিপ, নখোয়গী পুকচেল শেংবা অসি থাগৎনরক্লি। অদুনা হৌজিক মরু ওইবা ৱারেপ অমসু লৌখ্রে। মমাংদা সেল্ফ-হেল্প গ্রুপশিং অসিনা গরেন্তী য়াওদনা লুপা লাখ ১০ ফাওবগী লোন লৌবা য়ারম্মি অদুবু হৌজিক্তি মসি শরুক অনি হেনগৎহনখ্রে হায়বদি লাখ ২০ ওইরে। মমাংদা নখোয়না বেঙ্কতা লোন অমা লৌনবা চৎপা মতমদা বেঙ্ক অদুনা অদোমগী সেভিংস একাউন্তগা লোনগা লিঙ্ক তৌনবা হায় অমসুং শেল খরা দিপোজিৎ তৌনবা হায়। হৌজিক্তি ফীভম অসিদসু লৌথোকখ্রে। অসিগুম্বা খোঙথাং কয়াগা লোইননা আত্মনির্ভরগী কেম্পেন অসিদা হেন্না থৱাই য়াওনা মাংদা চংশিনবা ঙম্লগনি।

মরুপশিং,

নীংতম্বগী ৭৫ শুবা চহিগী মতমসি অনৌবা ফিরেপ লেপ্নবা অমদি অনৌবা থৌনাগা লোইননা মাংদা চঙশিন্নবা মতম্নি। ইচল ইচেশিংগী অপুনবগী পাঙ্গলসু হৌজিক্তি অনৌবা থৌনাগা লোয়ননা মাঙদা চঙশিনগদবনি। লৈঙাক্না লেপ্পা নাইদনা ইচল ইচে পুম্নমকপু খুঙ্গঙগী নুংঙাই য়াইফবা অমদি মায় পাকপগা পুনশিন্নবা য়াবা ফীভম অমা পুরক্নবা হোৎনরি। লৌউ-শিংউ অমসুং এগ্রো-বেজ ইন্দস্ত্রী অসি নুপী সেল্ফ-হেল্প গ্রুপশিংনা তৌবা ঙম্বা কয়াই লৈবা হীরম অমা ওইদুনা লাকখি। খুঙ্গংশিংদা স্তোরেজ অমসুং কোল্দ চেন ফেসিলিতীশিং লিংখৎনবা, লৌউ-শিংউগী মেছিনশিং ইন্সতোল তৌনবা, শঙ্গোম, উহৈশিং অমসুং মনা-মশিং মাংহনদনবা প্লান্ত অমা লিংখৎপা হায়রিবশিং অসিগীদমক অখন্নবা ফন্দ অমা থমখ্রে। সেল্ফ-হেল্প গ্রুপশিংনা ফন্দ অসি লৌনবা ফেসিলিতীশিং অসি শেমগৎপা য়াগনি। মসিতা নত্তনা চৎনবা য়াবা মমলশিং লেপথোক্তুনা অমসুং মদু অতৈদা শান্দোকপা ওইরসু নখোয়না শেমগৎকদবা ফেসিলিতীশিং অসি অসিগী কান্নবা অদু মেম্বর পুম্নমক্না লৌবা য়াগনি। ওন্তপ্রিনোর ওইইবা ইচে-ইচলশিং ঐখোয়গী সরকারনা নুপী লৌমীশিংগীদমক লেও্তনা অখন্নবা ত্রেনিং অমসুং এৱের্নেস পীবদা থৌগৎলি। হৌজিক ফাওবদা লৌমী অমসুং অনিমেল হস্বেন্দরী ওইরিবা ইচে-ইচল করোর ১.২৫দা মসিনা কান্নবা ফংহনখ্রে। অনৌবা লৌউ-শিংউ রিফোর্মশিংনা লৈবাক অসিগী লৌউ-শিংউদা ঐখোয়গী লৌমীশিংদা কান্নবা পীবতা নত্তনা মসিনা সেল্ফ হেল্প গ্রুপশিংদা চাউনা লম্বীশিং পীরি। হৌজিক নখোয়না লৌমীশিংদগী হকথেংননা লৌবুক্তগী লৌদুনা সিরিএলশিং অমসুং হৱাইশিং হকথেংননা হোম দেলিবরী তৌবা য়ারে। কোরোনাগী মতম অসিদা মসি মফম কয়াদা ঐখোয়না উবা ফংখি। হৌজিক নখোয়না স্তোরেজ মোবিলাইজ তৌনবগী প্রোভিজন লৈরে, নখোয়না কয়াম স্তোর তৌবগে হায়বগী মতাংদা অথিংবা অমত্তা লৈত্রে। নখোয়না লৌবুক্তগী হকথেংননা য়োনগরে নত্ত্রগা ফুদ প্রোসেসিং য়ুনিৎশিং হাংগেরা, মসি পেকিং তৌবা ওইগেরা নখোয়দা লম্বী খুদিংমক ফংলগনি। ওনলাইন অসি হৌজিক মতম অসিদা খ্বাইদগী অচৌবা মীদিয়ম অমসু ওইরক্লি। ওনলাইন কম্পনীশিংগা চুংশিন্নদুনা নখোয়না নীংথিনা পেকেজিং তৌদুনা শহরশিংদা নখোয়গী প্রদক্তশিং লায়না শিপ তৌবা য়ারগনি। মসিতা নত্তনা ভারত সরকারগী ওইনসু জে.ই.এম. পোর্তেল অমা লৈরে, পোর্তেল অসিদা চংবদা মসিদা সরকারনা লৈবা পাম্লিবা পোৎ অদু অদোমদা লৈরবদি মদু অদোম্না হকথেংননা সরকারদা য়োনবা য়াগনি।

|

মরুপশিং,

সরকারনা ভারত্তা শাজবা শান্নপোৎশিং য়াম্না থৌগৎলি, মসিগীদমক অঙম্বা মতেং পীরি। মরু ওইনা ত্রাইবেলগী মফমশিংদা লৈরিবা ইচে-ইচলশিং অসি মসিগা নাৎকী ওইবা মরী লৈনৈ। মসিদা সেল্ফ-হেল্প গ্রুপশিংগীদমক্তা পোতেন্সিএল য়াম্না লৈ। মসিগা মান্ননা ঙসি লৈবাক অসিদা সিঙ্গল য়ুজ প্লাস্তিক থিংনবা কেম্পেনসু চত্থরি। অমসুং হৌজিক্তা মসিগী মতাংদা তামিল নাদুগী ইচল অমদগী তাখ্রে। ইচল জয়েন্তিনা হায়খিবগী মওং অদুনা মীপুম খুদিংমক্তা ইথিল পীনীংঙাই ওইখি। সেল্ফ-হেল্প গ্রুপশিংনা মসিদা থৌদাং মখল অনি য়াবা য়াই। নখোয়না সিঙ্গল য়ুজ প্লাস্তিক্কী মরমদা এৱের্নেস পীবা য়াই লোইননা মসিগী অতোপ্পা পাম্বৈসু পুথোক্নবা হোৎনবা য়াই। প্লাস্তিক খাউশিং লৈবগী মহুৎ লিমোনগী নত্ত্রা অতৈ ফজবা খাউ কয়া শাবা য়াই। মদুগী ওইনদি নখোয়না পোৎ অদু সরকারদা হেকথেংননা য়োনবা য়াগনি, চহি অনি-অহুম অসিদা সিস্তেম অমা শীজিন্নরি। মমাংদসু হায়খ্রে মসি জে.ই.এম.নি হায়বদি গভর্নমেন্ত ই-মার্কেৎ প্লেস। সেল্ফ-এল্প গ্রুপশিংনা মসিগী কান্নবা মপুং ফানা লৌহৌগদবনি।

মরুপশিং,

ঙসি অওনবা লাক্লিবা ভারত অসিদা লৈবাক অসিগী ইচে-ইচলশিং অমসুং ইচানুপীশিংগী মাংদা চংশিন্নবা খুদোংচাবশিং হেনগৎলক্লি। য়ুম, খোঙহাম-খুৎহাম্ফম, ঈশিং, গেস অসিনচিংবা খুদোংচাবশিংগা ইচল ইচেশিংগা মরী শমজিন্নরি। ইচে-ইচল অমদি ইচানুপীশিংদা মহৈ মশিং, হকশেল, মচি ওইবা চীঞ্জাক, তিকা থাবা অমদি অতৌ মথৌ তাবশিং ফংহন্নবা লৈঙাক্না ইচঙ থৌনা হোৎনরি। মসিনা মরম ওইরগা নুপীশিংগী ইকাই খুম্নবা হেনগৎপদা নত্তনা ইচানুপীশিং অমসুং ইচে-ইচলশিংদা থাজবা হেনগৎলক্লি। ঐখোয়না ধাজবা অসি শান্নবুংদগী হৌরগা, সাইন্স-তেক্নোলোজী অমসুং লানবুংদা উবা ফংলি। মসি আত্মনির্ভর ভারতকী অফবা খুদমশিংনি। হৌজিক নখোয়না ইশাদা থাজবা অসি, লৈবাক শেমগৎনবা খোঙথাংশিং অসি অমৃত মহোৎসবকাসু মরী লৈনহনবা তাই। নীংখা তমখিবগী চহি ৭৫শুবগী পালন তৌনবা চত্থরিবা আজাদী কা অমৃত মহোৎসব অসই ওগস্ত ১৫, ২০২৩ ফাওবা চত্থগনি। ইচে-ইচল অমসুং ইচানুপী করোর ৮ হেনবগী অপুনবা শক্তিনা অমৃত মহোৎসব অসি অনৌবা পানখঙ অমদা পুরগনি। নখোয় পুম্নমক্না নখোয়গী শেল-থুমগী ফীভম খুমাং চাউশিন্নবা হোৎনবা তাই। মসিদা ইচে-ইচল কয়াগী লপ য়াম্না লৈ, মখোয়না খুন্নাইগী ওইবা থবক খরা পাইখৎপা ঙমগদ্রা? মসিদা শেলগী নতনা শেবাগী ৱাখল্লোন খক্তা চেনবা মরমদি মসিনা খুন্নাইগী পুন্সিরোলদা ইথিল পীগদৌরিবনি। নহাককুম্বা অদোমগী লমদম অদুগী অতৈ নুপীশিংনা, ইচে-ইচলশিংনা মচি ওইবা চিঞ্জাক চাবা ফংদব্রা, চহি ১২, ১৫, ১৬কী ইচানুপীশিংনা মচি ওইবা চিঞ্জাক চাবা ফংদ্রবদি মদুনা করি সমস্যা থোকহল্লকপা য়াউ, মচি ওইবা চিঞ্জাক্কী মতাংদা করম্না ভাব তাহনগনি, অদোম্না মসি অদোমগী তীমগী খুত্থাংদা তৌবা ঙমগদ্রা। কেম্পেন চত্থবা য়াই। হৌজিক লৈবাক অসিনা কোরোনা ভেক্সিন কাপ্নবা কেম্পেন অমা চত্থরি। মীপুম খুদিংমক্তা লেম্না ভেক্সিন ফংহল্লি। নখোয়গী মতম য়ৌরকপদা নখোয়সু ভেক্সিন কাপথোকপীয়ু অমসুং নখোয়গী খুঙ্গংগী অতৈ মীওইশিংদসু মসি কাপথোক্নবা ইথিল পীবীয়ু।

অদোম্না নখোয়গী খুঙ্গংদা নিংতমখিবগী চহি ৭৫ শুরবনি ঐখোয়গী চহি অমদা য়ামদ্রবদা পুং ৭৫গী ৱারেপ অমা লৌবা য়ারে, ঐহাক্না য়াম্না হায়বা নত্তে, হন্দক্কী ওগস্ত ১৫দগী মথংগী ওগস্ত ১৫ ফাওবদা চহি অমগী পুং ৭৫, মন্দলগী ইচে-ইচলশিং ওইরবা সখি ঐখোয় পুম্নমক্না অমা নত্রগা অমনা খুঙ্গং অসিদা লু-নানবগী থবকশিং পাইখৎলসি। খরনা ঈশিং য়োকশিনবগী থবক, গুহা অমসুং পুখ্রিশিং শেমজিনবগী থবক পাইখৎপা য়াগনি অদুগা খরনা মসি য়োকখৎনবা কেম্পেন পাংথোকপা য়াগনি। মরম অদুনা মসি শেল অমসুং কাংলুপ খক্তগী নত্তে। মসি সমাজগী কাংলুপ অমসুনি। থা অমা নত্ত্রগা অনিগী মনুংদা নখোয় পুম্নমক্না নখোয়গী সেল্ফ-হেল্প গ্রুপ অদুদা দোক্তর অমা কৌদুনা নুপীশিংগী অনাবগী মতাংদা খংহনবা য়াই অদুগা নুপীশিংনা য়ুমদগী থোরক্তুনা হকশেলগী মতাংদা তান্ননবা দোক্তর উনবা য়াই। করিগুম্বা অদোম্না পুং অনি ৱা ঙাংলবদি অদোমগী ইচে-ইচলশিংনা মদুদগী কান্নবা ফংগনি, মখোয়দা এৱেয়র্নেস ফংগনি, অঙাংশিং ফনা য়োকপী-শেনবীনবা অফবা পাউতাক পীবীবা য়াই। থা খরা নখোয় পুম্নমক তুর চৎপা য়াই। সখি মন্দল পুম্নমক্না নখোয়না তৌরিবা থবক অদুগুম্বা অচৌবা থবক লৈবরা হায়না চহি অমদা অমুক্তং কোইথোকপা য়াই। বস অমা ৱাইরগা য়েংবা চৎপদা কান্নবা কয়ামরুম ফংগনি। নখোয়না অচৌবা দেরী প্লান্তা চৎপা য়াই, মনাক নকপদা লৈবা শন্থিগী প্লান্ততা নত্ত্রগা সোলর প্লান্ত অমদা চৎপা য়াই। ঐখোয়না প্লাস্তিক্কী মরমদা তাবগুম্না নখোয়না মফম অদুদা চৎতুনা জয়েন্তীজীনা পুন্না করম্না থবক শুবগে হায়বদু য়েংবা য়াগনি। নখোয়না উত্তরাখন্দদা বেকরী অমা উরে, নখোয়না বিস্কিৎ উরে, নখোয়গী ইচিল ইনাওশিং অদুসু মদু পুদুনা য়েংহনবা য়াগনি। মরম অদুনা, মসিনা অমগা অমগা খংনবা ঙমগনি অদুগা মসি পৈশা য়ামনসু চংলোই, অদুবু মসিনা মরম ওইরগা নখোয়গী থৌনা অদুদি হেনগৎলক্কনি। মসিদগী নখোয়না করি তম্বা ফংলকপগে হায়বদু লৈবাক অসিগীসু য়াম্না মরুওইবা ওইগদৌরিবনি। ঐহাক্না হায়নিংবদি নখোয়না হৌজিক তৌরিবা থবক অসিগা লোইননা সমাজ অসিনা নখোয়না করিগুম্বা খরা তৌরি, মসি নখোয়না কনাগুম্বা অমগী কান্নবা থবক তৌরি, কনাগুম্বা অমগী চাওখৎ থৌরাংগী তৌরিবনি  হায়বা খংহন্নবা অসিগুম্বা থবকশিং অসিগী মতম কাইথোকপীয়ু।

অদোমগী হোৎনবগী মতুং ইন্না অমৃত মহোসবকী মাই পাকপগী মহৈ অসি মফম খুদিংমক্তা ফংহনদুনা লৈবাক অসিনা কান্নবা ফংগদৌরিবনি। অদুগা নখোয়না খন্দুনা য়েংবীয়ু ভারতকী নুপী করোর ৮গী অপুনবা মপাঙ্গল অদুনা অসিগুম্বা অচৌবা ফলশিং অসি কয়াম পুরকপা ঙমগনি, মসিনা লৈবাক অসিবু মাংলোমদা কয়াম পুবা ঙমগনি। ঐহাক্না ইমা ইবেল, ইচে-ইচল করোর নিপান্দা হায়জনিংবদি করিগুম্বা অদোমগী কাংলুপতা য়াওবা ইচে-ইচল অমসুং ইমা ইবেলশিংগী মরক্তা ইবা পাবা থোক্তবা য়াওরবদি অদোম্না মদু তাকপীনবা ৱারেপ লৌগদবনি। অৱাবা থবক তৌবগী মথৌ তাদে। সর্ভিস অসি কয়াম চাওরকপগে হায়বদু য়েংবীয়ু। নখোয়দগী ঐহাক্না তারিবশিং অসিদগী ঐহাক্না নখোয়দগী তমগদবা কয়ামরুম লৈরে হায়না খল্লি, ঐখোয় পুম্নমক্না তমগদবনি। থাজবা কয়ামগা লোইননা করম্বা অরুবা ফীফমশিংদা নখোয়না মাংলোমদা চংশিল্লিবগে। নখোয়গী লনাইগী ওইবা পুন্সিদা অরুবা ফীফম কয়া মাইয়োক্নরবসু নখোয়না হৌজিক ফাওবা হনবা লৈতনা অনৌবা কয়া পুথোক্লি। নখোয়গী ৱাহৈ পুম্বনা লৈবাক অসি ইমা-ইবেল অমসুং ইচেল-ইচলশিংদা নত্তনা ঐঙোন্দসু ইথিল পীরি। ইচে-ইচল পুম্নমক্তা হকচাং ফনা লৈনবা য়াইফ-পাওজেল পীজরি, লাক্কদৌরিবা রক্ষাবন্ধন কুমহৈ অসিদা য়াইফ-মঙ্গোল পীবীরকউ, অদোমগী য়াইফ-পাউজেলশিং অদুনা অনৌবা থবকশিং পাইখৎপদা ইনোৎ হাপ্লগনি। লেপ্পা লৈতনা থবক পাইখৎনবা, নখোয়গী থৌজাল ঙাইজরদুনা অদোমদা নুঙাইরবা রক্ষাবন্ধনগী য়াইফ-পাউজেল পীরদুনা ঐহাক্কী ৱারোল অসি তেনশিনজরগে।  

হন্না হন্না থাগৎচরি!

  • krishangopal sharma Bjp January 24, 2025

    नमो नमो 🙏 जय भाजपा🙏🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹
  • krishangopal sharma Bjp January 24, 2025

    नमो नमो 🙏 जय भाजपा🙏🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷
  • krishangopal sharma Bjp January 24, 2025

    नमो नमो 🙏 जय भाजपा🙏🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹
  • Devendra Kunwar October 19, 2024

    BJP
  • Reena chaurasia September 04, 2024

    बीजेपी
  • Jaiparkash Singh March 12, 2024

    2010 से पहले से‍ कार्य करने वाली आशा बहू को पक्का किया जाए 24 घंटे कार्य करने पर 2000 रू मानदेय दिया जाता है इनसे जयादा दिहाड़ी मजदूर की दिहाड़ी है
  • Jaiparkash Singh March 12, 2024

    मै जयप्रकाश सिंह अमौठी ग्रामसभा समाजसेवी एवं बीजेपी मंडल संयोजक मै मोदी जी से विनम्र निवेदन करते हैं कि आशा बहू को पक्का किया जाए आशा बहू कोरोना में बहुत मेहनत की और जान जोखिम में डाल कर हम सभी की जान बचाई हमारे ग्रामसभा में यहाँ की आशा बहू ने 28 बार कैंप लगाए और हम सभी की जान बचाई
  • Jaiparkash Singh March 12, 2024

    आशा बहू को पक्का किया जाए इनकी वजह से हम सभी आज जीवित है कोरोना में टीकाकरण कार्यक्रम में टीका लगाया गया तभी आज हम सभी को 2024 में पुनः एक बार मोदी सरकार चुनने का मौका मिला है
  • Jaiparkash Singh March 12, 2024

    कोरोना में हम सभी को जीवित रखा है इसका सबसे बड़ा योगदान आशा बहू को जाता है जब हम सभी कोरोना में घरों में सुरक्षित रहते थे तब आशा बहू हम सभी को टीकाकरण कार्यक्रम कराया और हम सभी की जान बचाई
  • Jaiparkash Singh March 12, 2024

    आशा बहनों को पक्का किया जाए बेचारी 24 घंटे कार्य करने पर सिर्फ 2000 मानदेय मिल रहा है
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Raj Kapoor’s Iconic Lantern Donated To PM Museum In Tribute To Cinematic Icon

Media Coverage

Raj Kapoor’s Iconic Lantern Donated To PM Museum In Tribute To Cinematic Icon
NM on the go

Nm on the go

Always be the first to hear from the PM. Get the App Now!
...
Prime Minister Narendra Modi to participate in the Post-Budget Webinar on "Agriculture and Rural Prosperity"
February 28, 2025
QuoteWebinar will foster collaboration to translate the vision of this year’s Budget into actionable outcomes

Prime Minister Shri Narendra Modi will participate in the Post-Budget Webinar on "Agriculture and Rural Prosperity" on 1st March, at around 12:30 PM via video conferencing. He will also address the gathering on the occasion.

The webinar aims to bring together key stakeholders for a focused discussion on strategizing the effective implementation of this year’s Budget announcements. With a strong emphasis on agricultural growth and rural prosperity, the session will foster collaboration to translate the Budget’s vision into actionable outcomes. The webinar will engage private sector experts, industry representatives, and subject matter specialists to align efforts and drive impactful implementation.