Smooth rollout and implementation of GST is a prime example of cooperative and competitive federalism: PM Modi at Niti Aayog meet
Indian Economy has grown at a healthy rate of 7.7% in Q4 of 2017-18; the challenge now is to take this growth rate to double digits: PMThe vision of a New India by 2022, is now a resolve of the people of our country: PM Modi1.5 lakh Health and Wellness Centres being constructed under Ayushman Bharat, about 10 crore families to get health assurance worth Rs. 5 lakhs every yearSchemes such as Mudra Yojana, Jan Dhan Yojana and Stand Up India, are helping in greater financial inclusion: PM Modiপ্রধান মন্ত্রী শ্রী নরেন্দ্র মোদীনা ঙসি ন্যু দিল্লিগী রাষ্ট্রপতি ভবনগী কলচরেল সেন্তরদা নীতি আয়োগকী গবর্নিং বোদীগী মরিশুবা মীফমদা হৌদোক ৱারোল পীখ্রে।
মুখ্য মন্ত্রীশিং অমসুং অতোপ্পা মীহুৎশিংবু তরাম্না ওক্লদুনা গবর্নিং কাউন্সিল অসি পুৱারীদা অহোংবা পুরকপা ঙম্বা অদুগুম্লবা প্লেৎফোর্ম অমনি হায়না প্রধান মন্ত্রীনা অমুক হন্না হায়খি। কেন্দ্র সরকারনা মখোয়দা পীবা য়াবা মতেং পুম্নমক পীগনি হায়না ঈশিং ইচাউনা শোকহল্লবা রাজ্যশিংগী মুখ্য মন্ত্রীশিংগী মফমদা মহাক্না থাজবা পীখি।
গবর্নিং কাউন্সিল অসিনা কোওপরেতিব, কম্পিতিতিব ফেদরেলিজমগী স্পিরিৎকা লোয়ননা তিম ইন্দিয়াগী মওং মতৌদা গবর্নান্সকী কমপ্লেক্স ইশুশিং মায়োক্নরি হায়না মহাক্না ফোংদোকখি। জি.তি.এস.পু অপন-অরাক য়াওদনা চৎনহনখিবা অসি মসিগী মরুওইবা খুদম্নি হায়না মহাক্না ফোংদোকখি।
রাজ্যশিংগী মুখ্য মন্ত্রীশিংনা স্বচ্ছ ভারত মিশন, দিজিতেল ত্রাঞ্জেকসন অমসুং স্কিল দিবেলপমেন্তগুম্বা ইশুশিংদা সব-গ্রুপ অমসুং কমিতীশিংগী থোংদা পোলিসী শেম্বদা মরুওইবা থৌদাং অমা লৌরি হায়না প্রধান মন্ত্রীনা ফোংদোকখি।
চহি ২০১৭-১৮ গী মরিশুবা তাঙ্কক্তা ইন্দিয়াগী ইকোনোমিক গ্রোথ চাদা ৭.৭তা লৈরিবা অসি দিজিৎ অনিদা হেঙ্গৎহন্নবা হোৎনবা অসি অচৌবা শিংনবা অমনি, মদুগীদমক মরুওইবা খোংথাং কয়া অমা পায়খৎপা তাই হায়না প্রধান মন্ত্রীনা ফোংদোকখি। ২০২২দা থম্লিবা অনৌবা ভারতকী মীৎয়েং ফংবা হায়বসি ঐখোয়গী লৈবাক্কী মীয়ামগী ৱারেপ অমনি হায়না মহাক্না হায়খি। মসিগী মনুং চন্না মহাক্না লৌমীশিংগী শেন্থোক শরুক অনি ওইহনবা, শোত্থরিবা জিলাশিং চাউখৎহনবা, অয়ুশ্মান ভারত, মিশন ইন্দ্রধনুশ অমসুং মহাত্মা গান্ধীগী ১৫০ শুবা চহীগী মপোক কুমওন পাংথোকপা য়াওনা ঙসিগী এজেন্দাগী ইশুশিং পনখি।
অয়ুশ্মান ভারতকী মখাদা হেল্থ অমদি ৱেলনেস সেন্তর লাখ ১.৫ লিংলগনি হায়না প্রধান মন্ত্রীনা লাওথোকখি। চাউরাক্না ইমুং কোতি ১০দা চহি খুদিংগী লুপা লাখ ৫গী হেল্থ ইন্সুরেন্স পীগনি হায়না মহাক্না ফোংদোকখি। সমগ্রহ শিক্ষা অভিয়ানগী মখাদা এজুকেসনগী লমদা কমপ্রেহেন্সিব এপ্রোচ অমসু এদোপ্ত তৌরে হায়না মহাক্না হায়খি।
মুদ্রা য়োজনা, জন ধন য়োজনা অমসুং স্তেন্দ অপ ইন্দিয়া অসিগুম্বা স্কিমশিংনা হেন্না ফবা ফাইনান্সিয়েল ইনক্লুজনদা মতেং পাংলি হায়না প্রধান মন্ত্রীনা ফোংদোকখি।
হ্যুমেন দিবেলপমেন্তকী এস্পেক্ত অমসুং পেরামিতর পুম্নমক্তা পুক্নীং চংবা অমসুং শোত্থরিবা জিলা ১১৫ গী ফিভম ফগৎহনবা মথৌ তাই হায়না মহাক্না ফোংদোকখি।
গ্রাম স্বরাজ অভিয়ান অসি স্কিমশিং ইমপ্লিমেন্ত তৌনবগীদমক অনৌবা মোদেল অমগুম উবা ফংলে হায়না শ্রী নরেন্দ্র মোদীনা ফোংদোকখি। হৌজিক ফাওবদা শোত্থরিবা জিলাশিংগী খুঙ্গং ৪৫,০০০দা মসি শন্দোক্লে হায়না মহাক্না হায়খি। মহাক্না হায়খি মদুদি মরুওইবা ৱেলফেয়র স্কিম তরেৎ: উজ্জ্বলা, সৌভাগ্য, উজালা, জন ধন, জীবন জ্যোতি য়োজনা, সুরক্ষা বিমা য়োজনা অমসুং মিশন ইন্দ্রধনুশ অসি পাক শন্না কোনশিন্নবা তার্গেৎ থম্লি। মসিগী তার্গেৎ অসি চাউরাক্না খুঙ্গং ১৭,০০০ তা হন্দক্তা ফংবা ঙমখ্রে হায়না মহাক্না ফোংদোকখি।
ভারত্তা কেপেবিলিতী, কেপাসিতী অমসুং রিসোর্সশিংগী অৱাৎপা লৈতে হায়না প্রধান মন্ত্রীনা হায়খি। হৌজিক চত্থরিবা শেনবা চহি অসিদা রাজ্যশিংনা কেন্দ্রদগী লুপা কোতি লাখ ১১ হেন্না ফংলি, মদুনা মমাংগী সরকারগী অরোইবা চহিগা চাংদম্নবদা চাউরাক্না লুপা কোতি লাখ ৬ হেঙ্গৎলে হায়না প্রধান মন্ত্রীনা ফোংদোকখি।
ঙসি মফম অসিদা পুল্লরিবা অসি ভারতকী মীয়ামশিংগী আশা অমসুং এস্পিরেসনশিং অদু রিপ্রজেন্ত তৌরি হায়না প্রধান মন্ত্রীনা হায়খি। মখোয়গী আশা অদু ফংহন্নবগীদমক ওইথোকপা য়াবা পুম্নমক পাংথোকপা অসি মফম অসিদা তিল্লরিবা পুম্নমক্কীসু থৌদাংনি হায়না মহাক্না ফোংদোকখি।
থৌরম অসিগী মাংওইননা, নীতি আয়োগকী ভাইস চেয়ারমেন শ্রী রজিব কুমারনা মুখ্য মন্ত্রীশিং অমসুং অতোপ্পা মীহুৎ কাংবুশিংবু তরাম্না ওকখি। খন্ন-নৈনখিবা অদুগী মোদরেতর হোম মিনিস্তর শ্রী রাজনাথ সিংহনা ওইখি।
