চহি লিশিং কয়াদগী ভারত অমসুং উগান্দানা অচেৎপা মরি লৈনরক্লি অমসুং লৈবাক অনিমক মতমগী চাংয়েং অমদা লেপমিন্নরিঃ প্রধান মন্ত্রী মোদী
ত্রেনিং, কেপাসিতী বিল্দিং, তেক্নোলোজী অমসুং ইনফ্রাস্ত্রকচর অসি ভারত-উগান্দাগা তেংবাং পীনবগী মরু ওইবা লমশিংনিঃ প্রধান মন্ত্রী মোদীপ্রধান মন্ত্রী মোদীনা উগান্দাগীদমক দোলর মলিয়ন ২০০ চংবা ক্রেদিৎকী লাইন অনি লাওথোকখ্রেঐহাকপু উগান্দাগী পর্লিয়ামেন্তা ৱা ঙাংননবগী তাঞ্জা পীবীবগীদমক্তা রাষ্ট্রপতি মুসেভেনীবু থাগৎচরিঃ প্রধান মন্ত্রী মোদীহিজ এক্সিলেন্সী রাষ্ট্রপতি মুসেবেনী
ইকাই খুম্নজরিবা মীহুৎশিং,
মীদিয়াগী মীহুৎশিং,
চহি কুনগী মতুংদা ভারতকী প্রধান মন্ত্রীগী অহানবা লৈবাক অনিগী ওইবা খোংচৎকীদমক ঐহাক য়ুগান্দাদালাকচবা ফংজবা অসি ঐহাক্কী লাইবক ফবনি। রাষ্ট্রপতি মুসেবেনী ভারতকী য়াম্না লীরবা মরূপ্নি। মতম কয়াগীমমাংদগী ঐহাক্না মহাক্কা শকখঙ মায়খঙনরক্লি। গুজরাৎকী মুখ্য মন্ত্রী ওইনা ঐহাক ২০০৭তা মফম অসিদালাকখি, খোংচৎ অদুগী খোয়থুম্নরবা ৱাফম কয়া ঙসিসু নৌহৌনা নীংশিংলি।
মরূপশিং,
ভারত অমসুং য়ুগান্দাগী মরক্তা চহি চা কয়া কুইরবা পুৱারী ওইরবা মরি লৈরি। মতম পুম্নমক্তা য়ুগান্দানাঐখোয়গী থমোইগা নক্ননা লৈরি। ত্রেনীং, কেপাসিতী বিলদিং, তেক্নোলোজী, ইনফ্রাস্ত্রকচর অসিনচিংবশিং অসিঐখোয়না তেংবাং পীনরিবা মরুওইবা লমশিংনি। তুংদসু ঐখোয়না য়ুগান্দাগী মথৌ তাবশিং অমসুংমরুওইবশিংগী মতুং ইন্না মতেং পাংখিগনি।
উগান্দাগী মীয়ামগীদমক ঐখোয়গী মরূপ ওইবগী মতৌ অদুদা ভারত সরকারনা উগান্দা কেন্সর ইন্সতিত্যুৎ, কমপালাদা অলত্রা–মোর্দন কেন্সর থেরাপী মেচিন খুদোল তম্নবা ৱারেপ লৌরে। মেচিন অসিনা ঐখোয়গীয়ুগান্দাগী মরূপশিং খক্তা নত্তনা নোংপোক আফ্রিকা লৈবাকশিংগী মরূপশিংদসু কান্নবা ফংহল্লগনি তাবদাঐহাক নুংঙায়বা ফাওই। য়ুগান্দাদা ইনর্জী ইনফ্রাস্ত্রকচর অমসুং লৌউ–শিংউবা অমদি দাইরী সেক্তরগী চাউখৎথৌরাংগীদমক ঐখোয়না চাউরাক্না দোলর মিলিয়ন চানিগী লাইন্স ওফ ক্রেদিৎ অনিগীদমক হায়রকপা অদুদাঅয়াবা পীখ্রে। ঙাকশেলগী লমদা ঐখোয়গী তেংবাং পীনবা অসি মাংলোমদা চংশিনগদবা অসিসু নুংঙাইবাহিরম অমনি। মিলিতরী ত্রেনীংদা ঐখোয়না তেংবাং পীনবগী শাংলবা পুৱারী লৈরি। ঐখোয়না তেংবাং পীনরিবাঅসি হেন্না চেৎশিলহন্নবা থৌরাং তৌরি। ঐখোয়না উগান্দাগী লান্মীশিংগীদমক অমসুং মীচমগী থবক্কীদমকহৱা–গারীশিং (ভেহিকলশিং) অমসুং এম্বুলেন্সশিং পীনবা ৱারেপসু লৌরে। ত্রেদ অমসুং ইনভেস্তমেন্তা ঐখোয়গীমরি হেন্না চেৎশিল্লে। হয়েং ঐহাক্না রাষ্ট্রপতিজীগা লোয়ননা লৈবাক অনিমক্কী মরুওইবা ব্যুজিনেস লুচীংবশিংগালোইননা মরি অসি হেন্না চেৎশিলহন্নবা খন্ন–নৈননবা তাঞ্জা ফংলগনি।
মরূপশিং,
য়াম্না লুবা তাঞ্জা অমগী মতুংদা রাষ্ট্রপতিগী অচেৎপা লুচীং মখাদা ঙসিদি ভারত্তগী হৌখিবা মীওইশিংগী খুন্নাইনায়ুগান্দাগী সোসিয়েল অমসুং ইকোনোমিক ওইবা পুন্সিদা অচৌবা থৌদাং লৌরি। ভারত্তগী হৌখিবা মীওইশিংগীখুন্নাইগা লোয়ননা ঙসি নুমীদাং ৱাইরম পাংথোক্কদবা ঐহাক্কী থৌরমদা রাষ্ট্রপতি মশামক শরুক য়াগদবা অসিদাঐহাক নুংঙাইবা ফাওই। মহাক্কী অসিগুম্লবা অখন্নবা খোংথাং অসিগীদমক ঐহাক্না ভারত পুম্বগী মায়কৈদগীতৌবীমল খঙবা উৎচরি। হয়েং অয়ুক ঐহাক্না উগান্দাগী সংসদতা ৱা ঙাংজনবগী তাঞ্জা অদুসু ফংলগনি।ঐহাক্না খুদোংচাবা অসি ফংবা ভারতকী অহানবা প্রধান মন্ত্রী ওইরে। অখন্নবা ইকাইখুম্নবীবা অসিগীদমকঐহাক্না রাষ্ট্রপতি অমসুং য়ুগান্দাগী সংসদপু থমোই শেংনা থাগৎপা ফোংদোকচরি।
মরূপশিং,
ভারত অমসুং য়ুগান্দা, অনিমক নহারোল মশিং য়াম্না লৈবা লৈবাক্নি। সরকার অনিমক্তা নহাশিংগীএস্পিরেসনশিং মপুং ফাহন্নবা থৌদাং লৈরি। ভারতমচা কোতি চামগা কুনমঙাগী মায়কৈদগী ঐহাক্না য়ুগান্দাগীমীয়ামগী প্রোগ্রেস অমসুং প্রোস্পেরিতীগীদমক থমোই শেংনা য়াইফ–পাউজেল পীজরি।
থাগৎচরি।
