COVID-19 pandemic an important turning point in history of humanity and the biggest challenge the world is facing since the World War II: PM
Time has come to focus on Multi-Skilling and Re-skilling to create a vast Human Talent Pool: PM Modi at G20 SummitAt G20 Summit, PM Modi calls for greater transparency in governance systems which will inspir citizens to deal with shared challenges & enhance their confidenceপ্রধান মন্ত্রী শ্রী নরেন্দ্র মোদীনা নবেম্বর ২১-২২, ২০২০দা সাউদী অরবনা শিল্লাংবা ১৫শুবা জি. ২০ সমিৎতা শরুক য়াখ্রে। সমিৎ অসিদা মেম্বর লৈবাক ১৯গী লৈবাক্কী/সরকারগী মকোকশিং, ই.য়ু., অতৈ চেবাউ পীখিবা লৈবাকশিং অমসুং মালেমগী ওর্গনাইজেসনশিংনা শরুক য়াদুনা কোবিদ-১৯গী য়েংদুনা ভর্চুএল ফোর্মেৎতা পাংথোকখি।
২. প্রধান মন্ত্রীনা সাউদী অরবকী নিংথৌ লৈবাক অমসুং মহাক্কী লীদরশিপ অদুবু হন্দক চহিগী জি. ২০গী মায় পাক্লবা প্রসিদেন্সীগীদমক্তা থাগৎপা ফোংদোকখি লোইননা ২০২০দা কোবিদ-১৯ লাইচৎনা ওইহল্লিবা শিংনবশিং অমসুং অপনবশিং লৈজদুনসু ভর্চুএলগী থোংদা অনিশুবা জি. ২০ সমিৎ মায় পাক্না শিনবী-লাংবীবগীদমক্তা থাগৎপা ফোংদোকখি।
৩. সাউদী অরবকী প্রসিদেন্সী মখাদা পাংথোকপা সমিৎ অসিগী মরু ওইবা হিরমদি – পুম্নমকপু ২১শুবা চহি চাদা তাঞ্জা ফংহনবনি। সমিৎ অসিদা মরুওইনা কোবিদ-১৯ লাইচৎকা মায়োক্নবদা হেন্না মিৎয়েং চংবনি। নুমিৎ নিনিগী সমিৎকী মরুওইবা এজেন্দাগী মতুং ইন্না সেসন অনি লৈখি। মসিদা কোবিদকী লাইচৎপু লাকশিনবা, শেনমিৎলোন ফগৎহনবা অমসুং থবক পীবা হেনগৎহনবা লোইননা অপুনবা, তুং কোইবা অমসুং অনোপ-অতিং লৈবা তুংলমচৎ অমা শেমবদা মিৎয়েং থমখি। মসিদা নত্তনা নুমিৎ নিনি অসিদা লাইচৎ অসিদগী ঙাকথোক্নবা শেম শাবশিং অমসুং মালেমগী ঙাক-শেলদা ৱারী-ৱাতাই শান্নবগী থৌরাংসু মসিগী শরুক অমা ওইখি।
৪. প্রধান মন্ত্রী নরেন্দ্র মোদীনা হায়খি মদুদি কোরোনা লাইচৎ অসি মীওইবগী পুৱারীদা য়াম্না মরু ওইবা তাঙ্কক অমনি অমসুং কোবিদকী লাইচৎ অসি অনিশুবা মালেমগী লাঞ্জাও মতুংগী খ্বাইদগী চাউবা শিংনবা অমনি। মহাক্না হায়খি মদুদি জি. ২০ লৈবাকশিংনা মখোয়গী ৱারী-ৱাতাইশিং অদু শুপ্নগী শেনমিৎলোনগী লম্বেলদা পুরকপা, থবক পীবা অমসুং ললোন-ইতিক তৌবা খক্তদা থম্বা নত্তনা মালেম অসিবু ঙাক-শেনবগী মতাংদসু খন্নবা তঙাইফদে। মহাক্না মসিগীদমক্তা চপ চাবা থৌওং পাইখৎনবা খঙহনখি অমসুং হায়খি মদুদি ঐখোয় পুম্নমক মীওই লোনচৎকী তুংলমচৎকী ত্রস্তীনি।
৫. প্রধান মন্ত্রীনা হায়খি মদুদি কোরোনাগী মতুংদা অনৌবা গ্লোবেল ইন্দেক্স অমা শেম্বা মথৌ তাগনি, মদুদা মরুওইবা পোৎশক মরি য়াওরি – অচৌবা তেলেন্ত পুল শেম্বা, খুন্নাইগী শরুক খুদিংমক্তা তেক্নোলোজী য়ৌহনবা, নুং-পান উবা লৈঙাক্কী থৌওং লৈহনবা অমসুং ত্রস্তীশিপ অমগী ৱাখল্লোন্দা ইমা মালেম অসিবু ঙাক-শেনবা। মসিদা য়ুম্ফম ওইরগা, জি. ২০না অনৌবা মালেম অমগী য়ুম্ফম থোনবা ঙমগনি।
৬. পি.এম.না হায়খি মদুদি হৌখিবা চহি তরাগী খুজিং কয়াদা কেপিতেল অমসুং ফাইনান্সতা হেন্না শাফু পীখি, অদুবু হৌজিক্তি অচৌবা হ্যুমেন তেলেন্ত পুল অমা শেম্নবা মল্তি-স্কিলিং অমসুং রি-স্কিলিংদা শাফু পীবগী মতম অদু লাক্লে। মসি শুপ্নগী মীয়ামগী ইকাই খুম্নবা হেনগৎহনবতা নত্তনা ঐখোয়গী মীয়ামগী মাংদা লাক্কদৌরিবা খুদোংথিবশিং মায়োক্ননবগীদমক্তা মসিনা হেন্না অনোপ-অতিং নাইহনগনি। মহাক্না মসিসু হায়খি মদুদি অনৌবা তেক্নিক্কী এসেস্মেন্ত অমা হেক্তনা পুন্সিবু লাইহনবদা লোইননা পুন্সিগী মগুন্দা পীরক্কদৌরিবা মসিগী শাফু অদুদা য়ুম্ফম ওইহনগদবনি।
৭. শ্রী মোদীনা মীয়ামদা মশানা মশাবু থাজবা হেনগৎহন্নবা অমসুং মখোয়না শরুক য়ামিন্নরিবা শিংনবা খুদিংমক্কা মায়োক্ননবা ইথিল পীনবগীদমক লৈঙাক্কী থৌরাংদা নুং-পান উবা হেনগৎহন্নবা অপিল তৌখি। মহাক্না মসিসু হায়খি মদুদি ঐখোয় ইশাবু অকোইবগী ফিভমগী অমসুং মহৌশাগী মপু ওইনা খনবগী মহুত্তা মসিবু ঙাক শেনবীগদবনি। মসিনা ঐখোয়বু অপুনবা অমসুং মশা ফবা পুন্সি মহিং অমদা ইথিল পীনবীগনি, মসিদী ৱাখল্লোনগী বেঞ্মার্ক অমনা পর কেপিতা কার্বোন ফুৎপ্রিন্ত ওইবা ঙমগনি।
৮. প্রধান মন্ত্রীনা পনখি মদুদি ‘ৱর্ক ফ্রোম হোম’ অসি কোবিদ মতুংগী মালেমগী মহৌশা অমা ওইরবনি, পি.এম.না মসিসু পাউতাক পীখি মদুদি দোক্যুমেন্তেসনগী রিপোজিতরী অমা খোমজিনবা ঙম্নবা জি. ২০ ভর্চুএল সেক্রেতরিয়েৎ অমা শেমগদবনি।
৯. ১৫শুবা জি. ২০ সমিৎ অসি নবেম্বর ২২, ২০২০ ফাওবা মখা চৎথখিগনি অমসুং লোইশিনবগী নুমিত্তা লুচিংবশিংগী দিক্লারেসন অদু লৌশিনগনি অমসুং সাউদী অরবনা ইতলীদা প্রসিদেন্সী শিন্নগনি।
We offered India's IT prowess to further develop digital facilities for efficient functioning of the #G20.
— Narendra Modi (@narendramodi) November 21, 2020
Had a very fruitful discussion with G20 leaders. Coordinated efforts by the largest economies of the world will surely lead to faster recovery from this pandemic. Thanked Saudi Arabia for hosting the Virtual Summit. #G20RiyadhSummit
— Narendra Modi (@narendramodi) November 21, 2020
