প্রধান মন্ত্রী শ্রী নরেন্দ্র মোদীনা ঙসি য়ুনাইতেৎ স্তেতস ওফ অমেরিকাগী উপ রাস্ত্রপতি হর এক্সেলেন্সি কমলা হরিসকা ফোন্দা ৱারী শান্নখ্রে।
উপ রাস্ত্রপতি হরিসনা “স্ত্রাতেজী ফোর গ্লোবেল ভেক্সিন সিয়ারিং”গী মখাদা ভারত য়াওনা অতৈ অতোপ্পা লৈবাকশিংদা য়ু.এস.না মখোয়গী লৈজরিবা কোবিদ-১৯গী মায়োক্তা ভেক্সিন পীনবা তৌরিবা থৌরাং অসি প্রধান মন্ত্রীদা পাউদমখি।
প্রধান মন্ত্রীনা উপ রাস্ত্রপতি হরিসপু য়ু.এস.না লৌরিবা ফিরেপ অসিদা লোয়ননা য়ু.এস. সরকারদগী ভারতনা লৌরিবা অতৈ মখল খুদিংগী মতেং অমসুং অমত্তা ওইবগী ৱাখল্লোন, ব্যুজিনেস অমসুং য়ু.এস.তা লৈরিবা ইন্দিয়ন এক্সপাত্রীয়েৎকীদমক মহাক্না থাগৎপা ফোংদোকখি।
লুচিংবশিংনা য়ু.এস. অমসুং ভারতকী মরক্তা লৈনরিবা ভেক্সিন পুথোকপগী লম য়াওনা হেলথ সপ্লাই চেন মপাঙ্গল কন্নবা হৌজিক হোৎনরিবা অসিগী মতাংদা খন্নখি। মখোয়না ইন্দিয়া-য়ু.এস. পার্তনরশীপ লোয়ননা লায়চৎ অসিদা হকশেলদা মতম শাংনা চৈথেং পীরিবা অসিগীদমক লৌখৎলিবা খোঙথাং ক্বাদ ভেক্সিনগী তুংদা ওইরকপা য়াবশিং উৎখি।
প্রধান মন্ত্রীনা উপ রাস্ত্রপতি হরিসপু মালেমগী ওইবা হকশেলগী ফিভম অসি হেক ফরকপগা ভারত্তা তরাম্না ওক্নবা আসা তৌরি হায়না ফোংদোকখি।
