প্রধান মন্ত্রী, শ্রী নরেন্দ্র মোদীনা ঙসি কিংদম ওফ বহরেনগী ক্রাউন প্রিন্স অমসুং প্রধান মন্ত্রী, হিস রোয়ল হাইনেস প্রিন্স সলমান বিন হমদ অল খলিফাগা তেলিফোনদা ৱারী শাখি। ঐচ.আর.ঐচ. প্রিন্স সলমাননা ভারতকী রপব্লিক দেগী থৌরমদা য়াইফ পাউজেল পীরকখি।
লুচিংবা অনিমক্না ভারত অমসুং বহরেনগী মরক্তা লৈরিবা লৈবাক অনি অসিগী মরী অদুবু য়েংশিনখি অমসুং মরী অসিনা পোলিতিকেল, ত্রেদ অমসুং ইনভেস্তমেন্ত, ইনর্জী, হেল্থ, সেক্যুরিতী অমসুং পীপল-তু-পীপল কন্তেক্তশিং য়াওনা তোঙান-তোঙানবা সেক্তর কয়া লাপ্তনা চাউখৎলকপা অসিদা অপেনবা ফোংদোকখি।ভারত অমসুং বহরেন্না ২০২১-২২দা লৈবাক অনী অসিগী মরক্তা দিপ্লোমেতিক রিলেশনশিং থমখিবা অদুগী গোল্দন জুবিলী পাংথোক্লগনি।
প্রধান মন্ত্রীনা কোবিদ লাইচৎ মনুংদা বহরেনদা লৈরিবা ইন্দিয়ন কম্যুনিতীবু নিংথিজনা য়েংশিন্দুনা থম্বীবগীদমক্তা, অমসুং মসিগা লোইননা মখোয়গী সোসিয়েল অমসুং কলচরগী ওইবা তঙাইফদবশিং অদুবু য়েংশিনবীবগীদমক্তা বহরেনি লীদরশিপ্পু থাগৎপা ফোংদোকখি।
প্রধান মন্ত্রী, শ্রী নরেন্দ্র মোদীনা ঐচ.এম. নিংথৌ হমদ বিন ইসা অল খলিফাদা মহাক্কী য়াইফ পাউজেল পীখি অমসুং ঐচ.আর.ঐচ. প্রিন্স সলমান বিন হমদ অল খলিফা, ক্রাউন প্রিন্স অমসুং প্রধান মন্ত্রীদা য়াম্না য়াংনা ভারত্তা লাক্নবা চাবাউ পীখিবা অদুবু অমুক হন্না হায়খি।
