Government is open to discuss all issues in Parliament: PM
Like the previous session, I urge the MPs to actively participate in all debates and discussions: PMহৌজিক চৎথরিবা সংসদকী মীফম অসি রাজ্য সভাগী ২৫০শুবা মীফম ওইবনা মসি য়াম্না মরুওইবা অমনি অমসুং ভারত সংবিধানগী ৭০শুবা চহিনি হায়না প্রধান মন্ত্রীনা হায়খ্রে।
ঙসি সংসদকী নিংথম মীফম অহৌবা নুমিৎতা প্রধান মন্ত্রীনা মেদিয়াদা ৱা ঙাংখি।
ভারত চাউখৎপগী লম্বীদা অচৌবা থৌদাং লৌবগীদমক মহাক্না রাজ্য সভাবু থাগৎখি।
“মরূপশিং, মসি ২০১৯গী অরোইবা মীফমনি অমসুং মীফম অসি রাজ্য সভাগী ২৫০শুবা মীফম ওইবনা য়াম্না মরুওইবা অমনি”।
নবেম্বর ২৬তা ভারতনা মসিগী ৭০শুবা সংবিধানগী নুমিৎ পাংথোক্কনি। ১৯৪৯গী নবেম্বর ২৬তগী চৎনবা হৌখিবা ভারত সংবিধান চহি অসিদা চহি ৭০ মপুং ফারে।
প্রধান মন্ত্রীনা হায়খি সমবিধান্না ভারতকী অপুনবগী শক্তম অমসুং খেন্নবশিং ঙাক্লৌ পীরি।
“সংবিধান চৎনবা হৌখিবগী চহি ৭০ মপুং ফারকপদগী নবেম্বর ২৬তা ঐখোয়না ৭০শুবা সংবিধানগী নুমিৎ পাংথোক্কনি। সংবিধান অসিনা লৈবাক্কী অপুনবগী শক্তম অমসুং খেন্নবশিং ঙাক্লৌ পীরি। মসি ভারতকী ফজবা অমনি। অমসুং মসি ভারতকী থৌনা অমনি। চৎথরিবা মীফম অসি চহি ৭০শুরবা ঐখোয়গী সংবিধানগী মতাংদা মীয়ামদা ৱাখল তাহন্নবগী মচাক অমা ওইরগনি”।
লৈবাক অসি চাউখৎনবা অমসুং য়াইফনবা মমাংগী মীফমগুম্নবা হন্দক্কী মীফম অসিদসু এম.পি.শিংনা থৱায় য়াওনা শরুক য়াবীনবা প্রধান মন্ত্রীনা অপীল তৌখি।
“হৌখিবা নুমিৎ খরনিগী মমাংদা ঐখোয়না দল খুদিংমক্কী লুচিংশিংগা উনবগী খুদোংচাবা অমা ফংলে। হন্দক্কী মীফম অসিদসু এম.পি.শিংনা থৱায় য়াওনা শরুক য়াগনি হায়না থাজবা থমলি। মমাংগী মীফম মমাংদা অমুক্তা ওইখিদ্রিবা মওংদা মাইপাকপা কয়া ফংখি। হায়রিবা মাইপাকপশিং অদু সরকারগী অমসুং ত্রেজুরী বেঞ্ছিশিংগী নত্তে মদু সংসদ অপুনবগীনি। মেম্বর খুদিংমক মাইপাকপা অদুগী হক লৈরি।
থৱায় য়াওনা শরুক য়াবগীদমক ঐনা অমুক হন্না এম.পি.শিংবু থাগৎচরি অমসুং মসিগী মীফম অসিনা লৈবাক অসি চাউখৎনবা থবক তৌনবা মখোয়দা থৌনা পীগনি হায়না ঐনা থাজবা থম্লি।
লৈবাক্কী য়াইফনবা অমসুং খ্বাইদগী ফবা পাম্বৈশিং পুথোক্নবা ৱাফম খুদিংমক খন্নবা ঐখোয়না পাম্মি।
মখোয়গী খ্বাইদগী অফবা ওইনবা ঐনা মেম্বর খুদিংমক্তা য়াইফ-পাউজেল পীজরি”।
