QuoteI congratulate all those who will be voting for the first time in the 2019 Parliamentary polls. Those born in the 21st century are now going to be voters and thus, they will play a role in shaping India's progress: PM
QuoteOur friends in the Congress see things in two time periods. BC- Before Congress, when nothing happened. AD- After dynasty- where everything happened: PM
QuoteIndia is seeing remarkable progress in the last four years. In all spheres, investment, steel sector, start ups, milk and agriculture, aviation, India's progress is outstanding: PM

প্রধান মন্ত্রী শ্রী নরেন্দ্র মোদীনা ঙসি লোক সভাদা রাস্ত্রপতিগী ৱারোলদা মোসন ওফ থেঙ্কসতা পাওখুম পীখ্রে। মহাক্না হাউসকী মেম্বর কয়াবু দিবেৎতা পুক্নিংচংনা শরুক য়াখিবা অমসুং কানরবা ৱাফম কয়া সেয়ার তৌখিবা অদুগীদমক থাগৎপা ফোংদোকখি।

হৌদোক ৱারোলদা মহাক্কী সরকারগী ৱাফম থমখি- “সরকার অমা মদুনা ভারতকী প্রজাগীদমক থবক তৌরিবা, প্রজাশিংগী এস্পিরেসন্দা সেনেসিতিব, পুকচেল শেংবা, ত্রান্সপরেন্ত, শেঞ্জা-থুমজাগী মায়োক্তা অমদি দিবেলপমেন্তকী অয়াংবা খোংজেল।”
প্রধান মন্ত্রীনা হায়খি মদুদি হৌখিবা চহী মরি অসিদা ভারতনা শিংথানিঙাই ওইরবা প্রোগ্রেস উবা ফংলে। ফোরেন দাইরেক্ত ইনবেস্তমেন্তদগী হৌরগা স্তীল সেক্তর, স্তার্ত-অপস, শঙ্গোম অমসুং এগ্রীকলচর, এভিয়েসন, ভারতকী প্রোগ্রেস অসি থোইদোক হেন্দোকপনি। মহাক্না মখা তাখি, “ঐখোয় মালেমদা স্তিল পুথোকপদা অনিশুবা থাক্তা লৈরে, মোবাইল ফোন পুথোকপদা অনিশুবা থাক্তা লৈরে, ওতোমোবাইল পুথোকপদা ৪শুবা থাক্তা লৈরে। ঐখোয় চাওনা লৌরোক্কী পোত্থোক লৈবা লৈবাক অমা ওইরে।”

মহাক্কী সরকারগী শমলপ্পা ৱাফম থম্লদুনা মহাক্না হায়খি মদুদি, হৌখিবা থা ৫৫দা মহাক্কী সরকারনা ফংবা ঙমখিবা অদু হৌখিবা চহী ৫৫দা ফংবা ঙমখিবা অদুদগী হেনলি- “সেনিতেসন কোভরেজ চাদা ৯৮ হেনলে, ঐখোয়গী মীয়ামগীদমক তোইলেত কোতি ১০ হেন্না শাখ্রে। চহী ৫৫দা গ্যাস কনেক্সন কোতি ১২ পীরম্মি। হৌখিবা থা ৫৫দা গ্যাস কনেক্সন কোতি ১৩ পীখ্রে অমদি কোতি ৬তি ঙজ্জ্বলানি। থবক তৌবগী খোংজেল অমদি কনাগীদমক তৌরিবা থবক্নো, নখোয় নশানা খংজরো।” হায়না মহাক্না মকা তাখি।

ওপোজিসনগী মতাংদা প্রধান মন্ত্রীনা হায়খি মদুদি মপুংফাবা মেজোরিতী লৈবা সরকার অমনা তৌরিবা থবক অসি ময়াম্না উবিরম্লগনি। মহাক্না মখা তাখি মদুদি, মখোয়না য়ানশিন্নবা সরকার পামদে অমদি মদু মায় পাক্লোয়।

শেঞ্জা-থুমজাদা অকনবা ৱাফম থম্লদুনা প্রধান মন্ত্রীনা হায়খি, মহাক্কী সরকারনা শেঞ্জা-থুমজা তৌরিবা মীওই ফাগৎতুনা জেলদা থম্নবা চোকথবা নাইদনা হোৎনরি।

বেনামি লোগী মতাংদা মহাক্না হায়খি মদুদি বেনামি লো চৎনহনখিবা অদু মহাক্কী সরকারনি অমদি হৌজিক্তি বেনামি প্রোপরতীশিং লৈবা মীওইশিং ফাগৎলি।

প্রধান মন্ত্রীনা হায়খি মদুদি সরকারনা মখোয়গী ফন্দিং উৎপদগী চাওরাক্না এন.জি.ও. ২০০০০না মখোয়গী ওপরেসনশিং থিংজিনলে তুংদা মশিং অসি হেঙ্গৎলকপা য়ারি।

মতৌ করম্না এন.দি.এ. সরকারনা মীপুম খুদিংমক্কী পুন্সি মহিং লাইথোকহন্নবা থবক তৌরিবগে হায়বদু শন্দোক্না তাক্লদুনা মহাক্না হায়খি, মমাংগী সরকারগা য়েংনরুবদা পোৎ চৈগী মমল হেঙ্গৎপা য়েংশিনলে।

মশা মউ ফবা সরকার অমগী মায়কৈদা মহাক্কী ৱাশক অদু ফোংদোক্লদুনা প্রধান মন্ত্রীনা হায়খি, মেদিসিন অমসুং মেদিকেল অমদি সর্জিকেলগী পোৎলমশিং মমল হন্থহল্লে।

এমপ্লোইমেন্তকী মতাংদা প্রধান মন্ত্রীনা হায়খি, ত্রান্সপোর্ত সেক্তরদা খ্বাইদগী য়াম্না থবক পীরে। হৌখিবা চহী মরিদা, অনৌবা প্রোফেস্নেল লাখ ৬না ৱার্ক ফোর্সতা শরুক য়ারে অমদি মখোয়না মীওই কয়া অমা থবক পীরে। ২০১৭কী সেপ্তেম্বরদগী ২০১৮গী নবেম্বর ফাওবা হায়বদি চাওরাক্না থা ১৫দা মীওই কোতি ১গা লাখ ৮০না অহানবা ওইনা প্রোবিদেন্ত ফন্দগী পৈশা ককহনবা হৌরে। মসিদসু চাদা ৬৪দি চহী ২৮গী মখাগী নহাশিংনি। প্রধান মন্ত্রীনা লোক সভাদা মসিমসু হায়খি মদুদি নেস্নেল পেন্সন স্কিমগী মখাদা মীওই কোতি ১.২০ হেনবনা রেজিস্তার তৌরে।

ভারতকী ফোরেন পোলিসীনা গ্লোবেল এরেনাদা ভারতপু মাংলোমদা পুরক্লি হায়না ফোংদোকখি। মহাক্না মখা তাখি মদুদি পেরিস এগ্রীমেন্ত ফাইনেলাইজ তৌদ্রিঙৈ মমাংদা, মালেমগী মকোকথোংবা লুচিংবশিংনা ভারতকা ৱারি শান্নখি। প্রধান মন্ত্রীনা ময়েক শেংনা ফোংদোকখি মদুদি ভারতনা ইজরেল অমসুং পেলিস্তাইন অনিমক অমদি সাউদি অরাবিয়া অমসুং ইরান অনিমক্কা মরূপ ওইগনি।

মহাক্না হায়খি, “২১শুবা চহীচাদা পোকখিবশিং অদু হৌজিক ভোৎ থাদরগনি অমদি মখোয়না ভারতকী প্রোগ্রেসকী মওং মতৌ শেম্বদা থৌদাং অমা লৌগনি।”

মহাক্কী সরকারনা মতম পুম্নমক্তা ভারতকী মীয়ামগী এস্পিরেসন মতম পুম্নমক্তা মপুং ফাহনগনি হায়না প্রধান মন্ত্রীনা মখা তাখি।

Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
India's Q3 GDP grows at 6.2%, FY25 forecast revised to 6.5%: Govt

Media Coverage

India's Q3 GDP grows at 6.2%, FY25 forecast revised to 6.5%: Govt
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 1 মার্চ , 2025
March 01, 2025

PM Modi's Efforts Accelerating India’s Growth and Recognition Globally