Relations between India and Far East are not new but ages old: PM Modi
India was the first country which opened its consulate in Vladivostok: PM ModiPM Modi announces line of credit worth US $ 1 Billion for the development of Far Eastএক্সিলেন্সী রাস্ত্রপতি পুতিন,
রাস্ত্রপতি বত্তুলগা,
প্রধান মন্ত্রী অবে,
প্রধান মন্ত্রী মহাথির,
মরূপশিং,
খুরুমজরি
দোবরী দেন!
ব্লাদিবোস্তোক্কী ইং তপ্লবা অমসুং ফজরবা মহৌশাগী ফিভমদা অদোমগা লোয়ননা ৱারী শানবা অসি নুংঙাইরবা এক্সপিরিয়েন্স অমনি। অয়ুক্কী নুংশা মঙালনা মফম অসিদগী হৌরগা মালেম পুম্বদা ইনর্জী ফংহল্লি। ঐহাক্না মপুং ফানা থাজবা থম্লি মদুদি ঙসি ঐখোয়না ৱাখল চুংশিন্নরিবা অসিনা ফার ইস্ত খক্তা নত্তনা মীওইবা জাতি অপুম্বগী য়াইফনবগীদমক হোৎনরিবশিংদসু অনৌবা ইনর্জী অমসুং অনৌবা মোমেন্তম অমা পীরগনি। ঐহাকপু অসিগুম্লবা মরুওইবা থৌরম অসিগী শরুক অমা ওইহনবিবগীদমক ঐহাক্না ঐহাক্কী মরূপ রাস্ত্রপতি পুতিনবু তৌবীমল খঙবা উৎচরি। রাস্ত্রপতিনা বার্তন অসি ভারতকী জেনরেল মীখল মমাংদা পীবিরকখি। ভারতকী প্রজা কোতি ১৩০না ইফমদা থাজবা থম্বীখি অমদি অদোমগী বার্তন্না থাজবা অদু স্তামগা লোয়ননা সিল্দ তৌখি। চহী অনিগী মমাংদা, রাস্ত্রপতি পুতিন্না ঐহাকপু সেন্ত পিতর্সবর্গ ইকোনোমিক ফোরমদা বার্তন তৌবিরকখি। য়ুরোপকী ফ্রন্তিয়রদগী পেসিফিক্কী গেৎৱে ফাওবদা ঐহাক্না ত্রান্স সাইবেরিয়ান খোংচৎ অমা চৎলে। ব্লাদিবোস্তোক অসি য়ুরেসিয়া অমসুং পেসিফিক্কী থেংনফম্নি। মসিনা আর্কতিক অমসুং নোর্দন সি রুত্তা খুদোংচাবশিং পীরি। রসিয়াগী লৈপাক লৈহাওগী শরুক মরি থোকপগী অহুমদি এসিয়ানি। ফার ইস্তনা অচৌবা লৈবাক অসিগী এসিয়ান আইদেনতিতী তাক্লি। রিজন অসিগী পাক চাউবা অসি চাউরাক্না ভারতকী শরুক অনিনি অমদি মীশিংনা শুপ্নতংগী মিলিয়ন ৬ খক্তনি, অদুবু রিজন অসি মিনরেলশিং অমদি ওইল অমসুং গ্যাসকুম্বা নেচরেল রিসোর্সশিং মরাং কাইনা ফংই। মফম অসিগী মীয়াম্না মখোয়গী হোৎনবা কনবা, থৌনা অমসুং ইনোবেসন্না মহৌশাগী শিংনরকপশিংদা মায় পাকপা ঙম্লে। মসি খক্তা নত্তনা, কালা, বিজ্ঞান, লিতরেচর, স্পোর্তস, ইন্দস্ত্রী অমসুং এদভেঞ্চর এক্তিবিতী য়াওনা ব্লাদিবোস্তোক্তা খুন্দারিবা ফার ইস্তকী মীয়াম্না মায় পাকপা ফংখিদবা লম অমত্তা লৈতে। মদুগা লোয়ননা মখোয়না রসিয়া অমসুং মসিগী মরুপশিংগীদমক তাঞ্জা কয়া অমা শেমগৎলি। ইংবনা ফমজিল্লবা লমদম্বু লৈকোল অমদা ওন্থোক্তুনা গোল্দন ফ্যুচরগী য়ুমফম অমা থৌরাং তৌরে। ঙরাং, রাস্ত্রপতি পুতিনগা লোয়ননা ঐহাক ‘স্ত্রীৎ ওফ দি ফার ইস্ত’ একজিবিসন চৎলুই। মফম অসিগী দাইবর্সিতী, মীয়ামগী হৈ-শিংবা অমসুং তেক্নোলোজীগী দিবেলপমেন্তনা ঐহাকপু শুমহৎখি।
মরূপশিং,
ভারত অমসুং ফার ইস্তকী মরী অসি ঙসিগী নত্তে, মসিদি য়াম্না লীরবা মরীনি। ব্লাদিবোস্তোক্তা মশাগী কন্সুলেৎ হাংদোকপা অহানবা লৈবাক অদু ভারতনি। মতম অদুদা অমদি মদুগী মমাংদগীসু ভারত অমসুং রসিয়াগী মরক্তা থাজবা কয়া অমা লৈরম্মি। অতোপ্পা মীরৈবাক মচাশিংনা লাকপদা অথিবা থমলম্বা সোভেৎ রসিয়াগী মতমদা ফাওবা ভারত মচাশিংগীদমক ব্লাদিবোস্তোক অসি হাংদুনা থমলম্মি। দিফেন্স অমসুং দিবেলপমেন্তকী পোৎলম কয়া অমা ব্লাদিবোস্তোক্কী থোংদা ভারত য়ৌরক্লম্মি অমসুং ঙসিদি পার্তনরশিপকী উপাল অসি মরা চেৎনা তারে। মসিনা লৈবাক অনিমক্কী প্রজাগীদমক চাউখৎপগী য়ুম্বী ওইররে। ভারতনা মফম অসিদা ইনর্জী সেক্তর অমসুং দাইমন্দগুম্বা অতোপ্পা নেচরেল রিসোর্সশিংদা চাউনা ইনভেস্ত তৌরি। সখালিনগী ওইল ফিল্দ অসি ভারতকী ইনভেস্তমেন্তকী মায়পাক্লবা খুদম অমনি।
মরূপশিং,
ফার ইস্ততা রাস্ত্রপতি পুতিনগী ৱাফম অমসুং মহাক্কী মিৎয়েংনা লমদম অসিদা নত্তনা ভারতকুম্বা রসিয়াগী পার্তনরশিংগীদমক অমুক্তা ওইখিদ্রিবা মওংদা খুদোংচাবশিং পুরক্লে। রসিয়ন ফার ইস্তকী দিবেলপমেন্তপু মহাক্না নেস্নেল প্রায়োরিতী ফোর 21st সেঞ্চুরী হায়না লাওথোকখ্রে। মহাক্কী হোলিস্তিক এপ্রোচনা মফম অসিগী পুন্সিগী এস্পেক্ত পুম্ববু, ইকোনোমিক ওইগেরা নত্ত্রগা এজুকেসন ওইগেরা, হকশেল ওইগেরা নত্ত্রগা শান্ন-খোৎনবা ওইগেরা, কলচর ওইগেরা নত্ত্রগা কম্যুনিকেসন, ত্রেদ ওইগেরা নত্ত্রগা ত্রেদিসন, মীপুম খুদিংমকপু হেন্না ফগৎহন্নবা হোৎনরি। অমরোমদা মহাক্না ইনভেস্তমেন্তদা লম্বী হাংবা মতমদা অতোপ্পা অমরোমদা সোসিয়েল সেক্তরশিংদসু পুক্নিং চংনা থবক তৌরি। ঐহাক ইশামক মহাক্কী মিৎয়েং অসিদা ইমপ্রেস ওইরি লোয়ননা সিয়রসু তৌরি। খোংচৎ অসিদা ভারতনা রসিয়াগা পুন্না চৎমিন্নবা পাম্লি। মহাক্কী ভিজন্দা রিজন অসিগীদমক অমসুং মফম অসিগী মীয়ামগীদমক ইকায় খুম্নবা অমসুং নুংশিবা অদু উবা ফংই। ভারত্তসু ঐখোয়না সবকা সাথ, সবকা বিকাস অমসুং সবকা বিশ্বাসকী মন্ত্রগা লোয়ননা অনৌবা ভারত অমা শেমগৎপা হোৎনরি। ২০২৪ ফাওবদা ভারতপু $ 5 ত্রিলিয়ন ইকোনোমী অমা ওইহন্নবা ঐখোয়গী ৱারেপ অদু মপুং ফাহন্নবা ঐখোয়না হোৎনরি।
মরূপশিং,
মোতিভেসন অসিগা লোয়ননা ইস্তর্ন ইকোনোমিক ফোরমদা ঐখোয়না শরুক য়ানবগীদমক অমুক্তা ওইখিদ্রিবা মওংদা শেম শাবগী থবক চত্থরি। মন্ত্রী কয়া অমা, রাজ্য মরিগী মুখ্য মন্ত্রীশিং অমসুং চাউরাক্না বিজিনেস লিদর ১৫০না মফম অসিদা লাক্লি। মখোয়না ফার ইস্তকীদমক রাস্ত্রপতিগী অখন্নবা দুত, মসিগী গবর্নর ১১ অমসুং মখোয়গী বিজিনেসকী লুচিংবশিংগা উন্নরে। রসিয়াগী মন্ত্রীশিং অমসুং ফার ইস্তকী বিজিনেসকী লুচিংবশিংসু ভারত্তা লাকখ্রে। হোৎনরিবশিং অসিনা অফবা মহৈ পুরক্লগনি হায়না ফোংদোকপদা ঐহাক নুংঙাইবা ফাওই। ইনর্জীদগী হকশেল ফাওবা, মহৈ-মশিংদগী স্কিল দিবেলপমেন্ত ফাওবা, মাইনিংদগী তিম্বর ফাওবা, তোঙান তোঙানবা লমশিংদা ললোন ইতিক্কী য়ানা চেরোল চাউরাক্না ৫০ পাংথোকখ্রে। মখোয়না দোলর বিলিয়ন কয়া ইনভেস্ত তৌবগী ওইথোকপা লৈরে।
মরূপশিং,
ফার ইস্তকী দিবেলপমেন্তদা মখা তানা থৌদাং লৌনবগীদমক ভারতনা $1 বিলিয়নগী লাইন ওফ ক্রিদিৎ পীগনি। লৈবাক অমগী অখন্নবা লমদম অমদা ঐখোয়না লাইন ওফ ক্রিদিৎ পীবা অসি মসিনা অহানবনি। ঐহাক্কী সরকারগী এক্ত ইস্ত পোলিসীনা ইস্ত এসিয়াবু এক্তিব ওইনা এঙ্গেজ তৌরি।
মরূপশিং,
ভারতকী দাইস্পোরা লৈবা লৈবাকশিংগী লুচিংবশিংনা ঐহাক্কা উন্নবা খুদিংদা ভারত মচাশিংগী হোৎনবা কনবা, পুকচেল শেংবা অমসুং হৌনা লোনচৎকী থাগৎপা ফোংদোরক্লি। ভারতকী কম্পেনীশিং, ললোন ইতিক তৌরিবা মীওইশিংনা মালেম পুম্বদা লম কয়াগী দিবেলপমেন্তদা থৌদাং লৌরি অমসুং লন-থুম শেমগৎপদা মতেং ওইরি। ভারত মচাশিং অমসুং ঐখোয়গী কম্পেনীশিংনা লোকেল সেন্সিবিলিতী অমসুং কলচরবুসু মতম পুম্নমক্তা ইকায় খুম্নরি। ইস্তর্ন ইকোনোমিক ফোরমদা ভারতনা শরুক য়াবদা ফংলিবা মহৈ অদু হেঙ্গৎহন্নবগীদমক ঐহাক্না ফার ইস্তকী গবর্নর ১১ মকপু ভারত্তা লাক্নবা বার্তন তৌজরি।
মরূপশিং,
ঐহাক অমসুং রাস্ত্রপতি পুতিন্না ইন্দো-রসিয়ন কোওপরেসন্দা এম্বিসিয়স তার্গেৎ অমা থম্লি। ঐখোয়গী মরীশিংদা ঐখোয়না অনৌবা দাইমেন্সনশিং হাপচিল্লে অমসুং মখোয়বু দাইবর্সিফাই তৌরে। লৈনরিবা মরীশিংবু সরকারগী দোমেনদগী পুথোরক্তুনা প্রাইভেত ইন্দস্ত্রীশিংগী মরক্তা অচেৎপা তেংবাং পীনবা ফাওবা য়ৌহল্লে। মরী অসি লৈবাক্কী কোনুংদগী হেন্দোক্তুনা রাজ্যশিং অমসুং রিজনশিংদা য়ৌহল্লে। ঐখোয়না অমত্তা ওইনা পুল্লগা স্পেসকী অরাপ্পসু লান্থোক্কনি অমসুং সমুদ্রগী ইরোলনুংদগী চাউখৎপসু পুরক্কনি।
মরূপশিং,
ইন্দো পেসিফিক রিজন্দা ঐখোয়না অনৌবা য়ুগ অমা হৌরগনি। ব্লাদিবোস্তোক অমসুং চেন্নাইগী মরক্তা জহাজ হোনবা হৌরবা মতমদা, অমদি ব্লাদিবোস্তোক অসি নোর্থ ইস্ত এসিয়া মার্কেৎতা ভারতকী স্প্রিংবোর্দ ওইরকপা মতমদা, ভারত-রসিয়া পার্তনরশিপ অসি মখা তানা চেৎশিলহল্লগনি।
মরূপশিং,
চহী অসি মালেম পুম্বনা মহাত্মা গান্ধীগী ১৫০ শুবা মপোক কুমওন পাংথোক্লি। তোলস্তোই অমসুং গান্ধীজীনা অমনা অমদা ইন্দেলিবল ইনফ্লুয়েন্স অমা থম্বীরম্মি। ভারত অমসুং রসিয়ানা সিয়র তৌরিবা ইন্সপিরেসন অসি ঐখোয় হেন্না চেৎশিলহল্লসি অমসুং অমনা অমগী চাউখৎপদা অহেনবা পার্তনর ওইরসি। ঐহাক্না রসিয়াদা লাকপা খুদিং, ঐহাক্না নুংশিবা, মরূপ ওইবা অমসুং মফম অসিদা ভারতকীদমক ইকায় খুম্নবা অদু ফংদুনা লাক্লি। ঙসিসু ঐহাক্না ফিলিং অসিগী মমল লৈত্রবা খুদোল অমসুং অচেৎপা তেংবাং পীনবগী ৱারেপ অমা মফম অসিদগী পুদুনা হল্লগনি। ঐহাক্না ঐহাক্কী মরূপ রাস্ত্রপতি পুতিনবু অখন্ননা থাগৎচবা ফোংদোকচরি। ভারত অমসুং মফম অসিদা ঐহাক্না মান্নবা কলচর অমা উবা ফংই। ঐহাক্কী হোম স্তেত গুজরাত্তা, বাই-বাইগী মহুৎ, ঐখোয়না বাই-বাই হায়নদে, মদুগী মহুৎ ঐখোয়না আভাজো হায়, মদুগী ৱাহন্থোক্তি – অথুবা মতমদা হল্লকউ হায়বনি। মফম অসিদা মদু দসবিদানিয়া হায়নৈ।
মরম অদুনা মীপুম খুদিংমক্তা ঐহাক্না হায়জরি- আভাজো, দসবিদানিয়া।
হন্না-হন্না থাগৎচরি!
স্পাসিবো বোলশোই!
Honoured to be addressing the Eastern Economic Forum, says PM @narendramodi. pic.twitter.com/45aNYb3LsU
— PMO India (@PMOIndia) September 5, 2019
Was in St. Petersburg two years ago and here I am today in Vladivostok. In a way, it’s been a trans-Siberian journey for me as well. pic.twitter.com/rYXzFzOCgL
— PMO India (@PMOIndia) September 5, 2019
PM @narendramodi pays tributes to the hard work and courage of those living in Russia’s Far East. pic.twitter.com/nQhAeR1o3p
— PMO India (@PMOIndia) September 5, 2019
Got a glimpse of the culture of Russia’s Far East last evening, says PM @narendramodi at the Eastern Economic Forum. pic.twitter.com/BxMRWC3Wnp
— PMO India (@PMOIndia) September 5, 2019
India and Russia’s Far East have enjoyed close ties for ages. pic.twitter.com/wfM3IKyUCX
— PMO India (@PMOIndia) September 5, 2019
At the Eastern Economic Forum, PM @narendramodi appreciates the vision of President Putin for the welfare for Russia’s Far East. pic.twitter.com/tNMOMpmxpc
— PMO India (@PMOIndia) September 5, 2019
PM @narendramodi emphasises on India’s commitment to become a five trillion dollar economy. pic.twitter.com/wCCtVT9Tyd
— PMO India (@PMOIndia) September 5, 2019
India is a proud and active participant in the various activities of the Eastern Economic Forum. Participation has come from top levels of government and industry. pic.twitter.com/svMGc9qf15
— PMO India (@PMOIndia) September 5, 2019
A landmark announcement made by PM @narendramodi that will further India’s cooperation with regions of friendly nations. pic.twitter.com/1hfxCvwQoV
— PMO India (@PMOIndia) September 5, 2019
At the core of Indian culture is to live in harmony with nature. pic.twitter.com/X4ig5bgsmH
— PMO India (@PMOIndia) September 5, 2019
India is proud of the achievements of the Indian diaspora. I am sure here in the Russian Far East too the Indian diaspora will make an active contribution towards the region’s progress. pic.twitter.com/8b3T29EKJX
— PMO India (@PMOIndia) September 5, 2019
India and Russia friendship isn’t restricted to governmental interactions in capital cities. This is about people and close business relations. pic.twitter.com/CLC56SbuX3
— PMO India (@PMOIndia) September 5, 2019
India and Russia friendship isn’t restricted to governmental interactions in capital cities. This is about people and close business relations. pic.twitter.com/CLC56SbuX3
— PMO India (@PMOIndia) September 5, 2019
Let us deepen the bond between India and Russia even further, says PM @narendramodi. pic.twitter.com/3kRC0D7Sw6
— PMO India (@PMOIndia) September 5, 2019
In Russia, I have always experienced warm hospitality and friendship.
— PMO India (@PMOIndia) September 5, 2019
Whenever President Putin and me meet, we do so in a very informal atmosphere. Our discussions are also extensive. pic.twitter.com/IBNkHJzrPo
India and Russia friendship isn’t restricted to governmental interactions in capital cities. This is about people and close business relations. pic.twitter.com/jetGLoiomX
— PMO India (@PMOIndia) September 5, 2019
