কীর্গীজ রিপব্লিক্কী রাস্ত্রপতি অমদি ঐহাক্কী মরূপ শ্রী সুরোনবায় জিনবেকোব,
ইচিল–ইনাও অমসুং ইচল–ইচেশিং,
ঐহাক অমসুং ঐহাক্কী খোংলোইশিংবু তরাম্না ওকপীবগীদমক, ঐহাক্না রাস্ত্রপতি জিনবেকোবপু তৌবীমল খঙবা উৎচরি। ঐহাক্না কীর্গীস্তানবু হৌখিবা চহী ৩০দাঅমুক্তা ওইখিদ্রিবা মওংদা ফংলিবা এচিবমেন্তশিংদা নুংঙাইবা ফোংদোকচরি। মশাগী ওইবা মহৌশাগী ফজবা, অচেৎপা দেমোক্রেসী অমসুং হৈথোই–শিংথোইরবামীয়াম্না মরম ওইদুনা লৈবাক অসিগী মশেক মঙাল নাইবা তুংলমচৎ অমা লৈরি। ভারতকী মীয়ামগীদমক কীর্গীজ মীয়ামগী মরূপ ওইবা অমদি নুংশিবীবা অসিনাপুক্নীং শুমহৎলি। ঐহাক্কী মমাংগী খোংচৎ অমদি হন্দক্কী খোংচৎ অসিদসু ঐহাক্না য়ুমদা লৈবগুম ফাওই।
এক্সিলেন্সী,
অদোম্না লুচিংলদুনা এস.সি.ও. সম্মিৎ মায় পাক্না পাংথোকখিবদা ঐহাক্না য়াইফ–পাওজেল পীজরি। অদোমগী লুচিং মখাদা, এস.সি.ও.না রিজনেল কোওপরেসনমখা তানা ফগৎহন্নবা খোংথাং কয়া অমা পায়খৎলে। মমাং থাদা, নই দিল্লীদা পাংথোকখিবা ঐহাক্কী ৱাশক লৌবগী থৌরমদা অদোম্না লৈতেং ওইবীখি। ঐহাক্নাঅদোমগী তৌবীমল খঙবা উৎচরি। ঐহাক্না ৱাফম অসিগিসু নুংঙাইবা ফাওরি মদুদি ঙসি অদোমগা লোয়ননা ঐখোয়গী লৈবাক অনিগী লৈনরিবা মরী অসিনৌহৌননা য়েংশিনবগী খুদোংচাবদু ফংজরে। ভারত অমসুং কীর্গীজ রিপব্লিক অনিমক্না লৈবাক অনিগী ওইবা মরীবু য়াম্না লুম্না লৌরি।
মরূপশিং,
ঙসি ঐহাক্না রাস্ত্রপতি জিনবেকোবকা লোয়ননা হিরম কয়াদা পাক–চাউনা খন্ন–নৈনখি। ঙসি ঐখোয়না লৈবাক অনিগী ওইবা মরীবু স্ত্রাতেজিক পার্তনরশিপকীথাক্তা পুখৎনবা ৱারেপ লৌনরে। মসিনা ঐখোয়গী পার্তনরশিপকী হিরম খুদিংদা মতম শাংনা তেংবাং পীনবদা ঐখোয়দা মতেং ওইরগনি।
লিরবা অমসুং মশক নাইবা সভ্যতা অনিগী মওংদা, ঐখোয় অমনা অমবু মহৌশানা শম্নহল্লি। ভারত অমসুং সেন্ত্রেল এসিয়ানা অচেৎপা পুৱারী অমসুং কলচরগীওইবা মরী লৈরি। ভারত অমসুং কীর্গীজ রিপব্লিক মহাকাব্যশিংগী লমদম্নি। খুদম ওইনা হায়রবদা ভারত্তা মহাভারত অমসুং রাম চরিৎ মানস অমসুং কীর্গীজরিপব্লিক্তনা সীচেনি। ঐখোয়গী লৈবাক অনিমক দেমোক্রেসী চৎপা অমসুং দাইবর্সিতী মপুংফানা লৈবা লমশিংনি।
ঐখোয়গী লীরবা মরীশিং অমসুং শান্তি হেঙ্গৎহন্নবা ঐখোয়গী ইথিলশিংনা ঐখোয়গী মরী অসি মখা তানা চেৎশিলহন্নবা ইনোৎ পীরি। মসিনা ঐখোয়গীদিপ্লোমেতিক্কী ওইবা মরীশিংদসু পাকথোক চাউথোকহল্লে। লৈবাক অনিগী ওইবা অমদি লৈবাক ময়ামগী ওইবা ইশুশিংগী তোঙান তোঙানবা লমশিংদা ভারতঅমসুং কীর্গীজ রিপব্লিক্না চাং নাইনা য়াম্না নক্ননা তাথোক তাশিন তৌরি। অন্তর্জাতিগী হিরম কয়াদা ঐখোয়না মান্নবা মিৎয়েং থম্লি।
য়ুনাইতেদ নেসন্স অমসুং অতোপ্পা অন্তর্জাতিগী প্লেৎফোর্মশিংদা ঐখোয়গী অচেৎপা কোওপরেসন লৈরি। মিলিতরী ত্রেনিং, জোইন্ত কোম্বেৎ এক্সর্সাইজ, ফিল্দরিসর্স অমদি মিলিতরী ত্রেনিংগী লমশিংদা ঐখোয়গী দিফেন্স কোওপরেসন হেঙ্গৎলক্লি। লৈবাক অনিমক্না দিফেন্স কোওপরেসন্দা জোইন্ত ৱার্কিং গ্রুপ অমালিংখৎনবা ৱারেপ লৌরে। ঐখোয়গী মরক্তা ইকোনোমিক কোওপরেসনগী চাউনা ওইথোকপা লৈ। লৈবাক অনিমক্না মসিগী খুদোংচাবা লৌবা য়াই।
মরূপশিং,
ঙসি ঐখোয়গী মরক্তা বাইলেতরেল ইনবেস্তমেন্ত ত্রিতী অমসুং দবল তেক্সেসন এবোইদেন্স এগ্রীমেন্ত (দি.তি.এ.এ.) পাংথোকখি। ঐখোয়গী লৈবাক অনিমক্না চহীমঙাগী মতমগী ওইনা ত্রেদ অমসুং ইকোনোমিক কোওপরেসন্দা রোদ মেপ অমদসু য়ান্নবা পুরকখ্রে। রাস্ত্রপতি অমসুং ঐহাক্না বি২বি তেংবাং হেঙ্গৎহন্নবগীদমকঙসি ইন্দিয়া–কীর্গীজ বিজিনেস ফোরম অসি অমত্তা ওইনা পুন্দুনা হৌদোক্লি। চহী অসিদা বিশকেক্তা নমস্কার য়ুরেসিয়া ইন্দিয়ন ত্রেদ শোগী থৌরমসু পাংথোক্লগনি।ঐহাক্না ভারতকী কম্পেনীশিংবু প্রদক্সন, রেলৱে, হাইদ্রো পাৱর, মাইনিং অমদি অসিগুম্লবা অতোপ্পা লমশিংদা খুদোংচাবশিং খন্ন–নৈননবা য়াম্না কন্না হায়জরি।
মরূপশিং,
কীর্গীজ রিপব্লিক্কী চাউখৎ থৌরাংগী দরকার ওইবশিং অদু ফংহন্নবা ঙসি ঐহাক্না মিলিয়ন দোলর ২০০গী লাইন ওফ ক্রেদিৎ লাউথোকপদা নুংঙাইবা ফাওই।ভারতকী তেংবাংদগী কীর্গীজ রিপব্লিক্তা জোইন্ত ইকোনোমিক এক্তিবিতীশিং পায়খৎপদা মতেং ওইরগনি হায়না ঐহাক্না থাজবা থম্লি। ভারত অমসুং কীর্গীজরিপব্লিক অমদি সেন্ত্রেল এসিয়াগী পাক–চাউরবা মফমশিংদা হেন্না ফবা কনেক্তিবিতীনা নাকল অনিমক্কী মীয়ামগী মরক্তা ললোন–ইতিক, ইনবেস্তমেন্ত অমদিপিপল–তু–পিপল কন্তেক্তশিংদা পুক্নীং থৌগৎলগনি।
মরূপশিং,
ভারত অমসুং কীর্গীজ রিপব্লিক্না জনুৱারী থাদা উজবেকিস্তানগী সমরকন্দা মপাল থৌরম পুবা মন্ত্রীশিংগী থাক্তা পাংথোকখিবা অহানবা ইন্দিয়া–সেন্ত্রেল এসিয়াদাইলোগতা শরুক য়াখি। ঐখোয়গী শরুক য়ামিন্নরিবা লমদমদা চাউখৎপা, শান্তি অমসুং তংদু লৈতাবা পুরক্নবা ঐখোয়গী অপুনবা মিৎয়েং অমসু লৈরি।
এক্সিলেন্সী,
ভারত অমসুং কীর্গীজ রিপব্লিকগুম্বা লোকতন্ত্র অমসুং তোঙান তোঙানবা কাংলুপ্না থল্লবা খুন্নাই অসি ঙসিদি তেরোরিজম্না খ্বাইদগী চাউবাখুদোংথিবা ওইরি। ঐখোয়না তেরোরিজম অমসুং রেদিকেলাইজেসন থেংননবা অমত্তা ওইনা পুল্লি। তেরোরিস্তশিংদা তেংবাংলিবশিংবু মরু ফংনামুথৎপা তাই। তেরোরিজম্না অচুম্বা লম্বী অমত্তা পুরক্লোই হায়বা পাওজেল অসি মালেম পুম্বদা পীবা মথৌ তাই।
মরূপশিং,
বিশকেক্তা ইন্দিয়া–কীর্গীজ জোইন্ত তেক্সতাইল্স একজিবিসন হৌদোকখ্রে। একজিবিসন অসিবু পুক্নীং চংনা য়েংলিবশিংনা ভারত অমসুংকীর্গীজকী তেক্সতাইল ত্রেদিসনশিংগী মরক্তা মান্নরিবশিং অদু উবদা অঙকপা ফাওরমগনি। ভারত অমসুং কীর্গীজ রিপব্লিক্না মাউন্তেন ইকোলোজী,গ্রীন তুরিজম অমসুং স্নো লেপার্দ য়োক্তুনা থম্বগুম্বা হিরমশিংদা তেংবাং পীনগনি। ঐখোয়গী মীয়ামগী মরক্তা পিপল–তু–পিপল ফ্রেন্দশিপ অমসুংকলচরেলগী মরী অসি খ্বাইদগী চাউবা লন্নি। ঐহাক্না মসিবু য়োকখৎপা পামই। মসিগীদমক খোংথাং কয়া অমা লৌখৎলগনি।
ঐহাক্না ৱাফম অসি লাওথোকপদা নুংঙাইবা ফাওই মদুদি চহী ২০২১ অসি কীর্গীজ রিপব্লিক অমসুং ভারতকী মরক্তা সংস্কৃতি অমসুং মরুপ ওইবগী চহী ওইনাপাংথোকপদা ঐখোয়না য়ানবা পুরক্লে। অমুক্কা হন্না রাস্ত্রপতিবু থাগৎপা ফোংদোকচরি। তঞ্জা অসিদা ঐহাক্না অদোম্বু ভারত্তা লেংবীরক্নবা বার্তন তৌজরি। অদোম্বুভারত্তা তরাম্না ওকচবা অসি ঐখোয়গীদমক চাউথোকচনীংঙাইনি।
থাগৎচরি।
Strategic partners for a better future.
— PMO India (@PMOIndia) June 14, 2019
Significant outcomes from the talks between PM @narendramodi and President Jeenbekov that will benefit India-Kyrgyzstan relations. pic.twitter.com/rUyvWY4fhs
भारत और Kyrgyz Republic जैसे लोकतान्त्रिक और विविधता भरे समाजों को आज आतंकवाद से सबसे बड़ा खतरा है। हम आतंकवाद और कट्टरवाद के समाधान के लिए एकजुट हैं। आतंकवाद के प्रायोजकों को जवाबदेह ठहराना होगा: PM @narendramodi
— PMO India (@PMOIndia) June 14, 2019
पूरी दुनिया को यह संदेश देने की जरूरत है कि आतंकवाद को किसी भी तरीके से उचित नहीं माना जा सकता: PM @narendramodi
— PMO India (@PMOIndia) June 14, 2019
मुझे घोषणा करते हुए प्रसन्नता है कि वर्ष 2021 को Kyrgyz Republic और भारत के बीच सांस्कृतिक और मैत्री के वर्ष के रूप में मनाने पर हम सहमत हुए हैं: PM @narendramodi
— PMO India (@PMOIndia) June 14, 2019
