Mera Saansad
Search Search
Manipuri language

পরিক্ষা পে চর্চা – মহৈরোইশিংগা লোইননা প্রধানমন্ত্রীগী ইন্তরেক্তিব সেসন

Published By : Admin | February 16, 2018 | 14:14 IST
Self confidence comes by challenging ourselves and working hard. We should always think of bettering ourselves: PM 
Do not compete with others, compete with yourself: PM Modi
I request parents not to make the achievements of their child a matter of social prestige. Every child is blessed with unique talents, nurture them: PM 
One time table or a schedule can’t be appropriate for the full year. It is essential to be flexible and make best use of one’s time: PM

ঙসি প্রধানমন্ত্রী শ্রী নরেন্দ্র মোদীনা পরিক্ষাশিংগা মরী লৈনবা হিরমদা মহৈরোইশিংগা লোইননা তাউন হোল সেসন অমা পাংথোকখ্রে । ন্যু দিল্লিগী তালকাতোরা স্তেদিয়মদা পাংথোকপা থৌরম অদুদা মহাক্না মহৈরোইশিংগী ৱাহংশিং অদু তাখি । তোঙান তোঙানবা তেলেভিজন ন্যুজ চেনেলশিং, নরেন্দ্র মোদী মোবাইল এপ্লিকেসন অমসুং মাইগোভ প্লেতফোর্মগী খুত্থাংদশু মহৈরোইশিংনা মফমদা ৱাহং কয়া হংখি ।

ৱারি শান্নবা অদু হৌদোক্লদুনা, মহাক্না তাউন হোলদা লাক্লিবা অসি মহৈরোইশিংগী মরূপ অমগুম, মখোয়গী মমা মপাগুম্না অমসুং ইমুং মনুংগুম্না লাকপনি হায়না মহাক্না ফোংদোকখি । তোঙান তোঙানবা প্লেতফোর্মশিংগী খুত্থাংদা লৈবাক্কী তোঙন তোঙানবা মফমশিংদা, মীওই কোতী ১০ হেনবগী মথক্তা ৱারি শান্নখ্রে হায়না মহাক্না হায়খি । ঙসি ফাওবা মফমদা মহৈরোই অমা ওইবগী মগুণশিং অদু চেলহনবিরিবা অদুগুম্লবা মহাক মশামক্কী ওজাশিং অদুবু মহাক্না থাগৎচখি । মহাক্না মীপুম খুদিংমকপু মখোয় মশাদা য়াওরিবা মহৈরোই ওইবগী মগুণ অদু হিংহন্দুনা থম্নবা কন্না হায়খি ।

পুং অনিমুক চ্ত্থখিবা থৌরম অদুগী মনুংদা, প্রধানমন্ত্রীনা চমম্নবা, ইখৌ লাংবা, পুক্নিং চংবা, অকনবা ইথিল, মমা মপাশিংনা থম্লিবা থাজবা অমসুং ওজাশিংগী থৌদাং য়াওনা পাক চাওরবা হিরমশিংদা হংলকপা ৱাহংশিং তাখি । মহাক্কী পাওখুমশিং অদু মমুৎ তানা খংবা, পুক্নিংগী ওইবা অমসুং তোঙান তোঙানবা শুগাইনা তাক্লবা খুদমশিংনা লৈতেংখি ।

পরিক্ষাগী লাংতক্নবা অদু কোকহনবদা ইশানা ইশাবু থাজবগী মরুওইবা অদু খংহন্নবা মহাক্না স্বামি বিবেকানন্দগী ৱাফমশিং পনখি । শিবা য়ানা শোক্লবা মতুং থা তরামাথোইগী লৈরগা হৌজিক চৎথরিবা ৱিন্তর ওলেম্পিক গেম্সতা শেঞ্জেংগী তকমান ফংলবা অদুগুম্লবা কানাদাগী স্নোবোর্দর মার্ক মেকমোরিসকী খুদম মহাক্না পীখি ।

পুক্নিং চংবগী হিরমদা প্রধানমন্ত্রীনা রেদিও প্রোগ্রাম মন কী বাত্তা অফাওবা ক্রিকেত শান্নরোই সচিন তেন্দুলকরগী পাওতাক অদু নৌহৌনা নিংশিংখি । মহাক্না হৌজিক শান্নরিবা বোল অদু খক্তদা মীৎয়েং থম্মী অমসুং হৌখ্রবা অমসুং লাক্কদবা অদুগী খল্লুদে হায়না তেন্দুলকরনা ফোংদোকখি । যোগনা পুক্নিং চংবা হেঙ্গৎহনবদা মতেং ওইগনি হায়নশু প্রধানমন্ত্রীনা ফোংদোকখি ।

অকনবা ইথিলগী হিরমদা প্রধানমন্ত্রীনা “প্রতিসপর্ধা”(ইশাবু অতোপ্পগা চাংদম্নবা) অদুদগী “অনুসপর্ধা” (ইশানা ইশাবু চাংদম্নবা)গী মরুওইবা অদু ফোংদোকখি । কনাগুম্বা অমনা মমাংদা হান্ননা ফংখিবা অদুদগী হেন্না অফবা ওইনবা হোৎনগদবনি হায়না মহাক্না হায়খি ।

মমা মপা খুদিংমক্না মহাক্কী মচাগীদমক কৎথোক্লিবা অদু পল্লদুনা সমাজদা ইজৎকী ওইবা ৱাফম অমগীদমক মখোয়গী মচাশিং অদু এচিবমেন্ত ওইহন্দনবা প্রধানমন্ত্রীনা কন্না হায়খি । অঙাং খুদিংমক তোপ তোপ্পা হৈথোই-শিংথোইবা য়াওজরকই হায়না মহাক্না হায়খি ।

মহৈরোই অমগী পুন্সিদা বুদ্ধিগী মহৈ অমসুং মথুম মরাং হৌবগী মহৈ অনিমক্কী মরুওইবা অদু শন্দোক্না তাকখি ।
মতম শিন্দোকপগী মতাংদা, প্রধানমন্ত্রীনা হায়খি মদুদি মহৈরোইশিংগীদমক্তদি চহি চুপ্পা অমগী তাইম-তেবল অমা নত্রগা অকক্নবা মতম অমা শেম্বা অসি চান্নবা ৱাৎলি । মসিবু শেমদোক শেমজিন য়াহন্দুনা মতম চান্ননা শিজিন্নবা মথৌ তাই হায়না মহাক্না মখা তাখি ।

Login or Register to add your comment
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
View All
‘Make in India’ is working, says DP World Chairman

Media Coverage

‘Make in India’ is working, says DP World Chairman
View All
NM on the go

Nm on the go

Always be the first to hear from the PM. Get the App Now!
Download App
...
PM Modi condoles loss of lives due to stampede at New Delhi Railway Station
February 16, 2025

The Prime Minister, Shri Narendra Modi has condoled the loss of lives due to stampede at New Delhi Railway Station. Shri Modi also wished a speedy recovery for the injured.

In a X post, the Prime Minister said;

“Distressed by the stampede at New Delhi Railway Station. My thoughts are with all those who have lost their loved ones. I pray that the injured have a speedy recovery. The authorities are assisting all those who have been affected by this stampede.”