PM Modi interacts with members of RWA and unauthorized colonies of Delhi
In a way a new rise of Delhi will be started through PM Uday Yojana: PM ModiThe government is committed to ensure a better future for the residets of Delhi: PM Modiদিল্লীগী আইন্না য়াদবা লৈকাইশিংদা লৈরিবা মীওই লাখ ৪০দা লমগী মপু ওইবগী হক ফংহন্নবা হন্দক কেন্দ্রগী মন্ত্রীমন্দলনা ৱারেপ লৌখিবা অদুগীদমক ঙসি দিল্লীগী রেসিদেন্ত ৱেলফিয়র এসোসিয়েসনগী থৌমীশিং অমসুং আইন্না য়াদবা লৈকাইশিংগী মীওইশিংনা প্রধান মন্ত্রী নরেন্দ্র মোদীবু থাগৎখি।
থৌরম অদুদা কেন্দ্রগী হাউসিং অমসুং অর্বান এফেয়র্স মন্ত্রী হারদিপ সিংহ পুরী অমসুং দিল্লীগী এম.পি.শিং মনোজ তিৱারী, হন্স রাজ হন্স অমসুং বিজয় গোয়ল য়াওখি।
মীয়ামদা প্রধান মন্ত্রীনা হায়খি মদুদি মসিগী ৱারেপ অসি “সবকা সাথ সবকা বিকাস”গী পান্দমনি। ৱারেপ অসি রাজনিতীগী ওইবা নত্তে অমসুং মসি মখোয়গী লাইনীং নৎত্রগা রাজনিতীগী পামজবা থিদনা মীওই খুদিংমক্কীনি। শীনফম খুদিংমক্কী মীওইশিং, মফম অসিগী এম.পি.শিং অমসুং এম.এল.এ.শিংগা ৱা তান্নরবা মতুংদা পি.এম.-উদয় স্কিম অসি হৌদোকপনি।
প্রধান মন্ত্রীনা হায়খি মখোয়গী পুন্সিদা অহোংবা অমা পুরক্নবা হৌখিবা সরকার খুদিংমক্তা দিল্লীগী মীওইশিংনা মতেং পাংবদগী মসিগী মাইপাকপা অসি পুরকপা ঙম্বনি। মফম অসিগী মীওইশিংদা তম্বা ঙমদবা ফিবম অমা লৈহনবা সরকারনা পামদবদগী মখোয়দা লমগী মপু ওইনবা আইন শেম্নবা ৱারেপ লৌখিবনি অমসুং হৌজিক মখোয় তান্থোক্কনি হায়বগী অকিবা লৈতনা ইংনা হিংনবগী খুদোংচাবা অমা মখোয়দা পীরে। মসিনা দিল্লী পুম্বগী খুদোংচাবা ফংলগনি। দিল্লীগী খুদোংচাবশিং ফংহনবদা অহোংবা পুরক্ত্রিফাওবা লৈবাক অসিগী লাইবক অহোংবা পুরকপা ঙম্লোই।
প্রধান মন্ত্রীনা হায়খি লৈবাক অসিনা নীংতম্লবা মতুংদা ৱারেপ লৌদবা নৎত্রগা ৱারেপ লৌবা থিন্থবা অমসুং ৱাথোকশিংদগী নাথৈবগী চৎনবী অমা লৈরক্লি। মসিনা ঐখোয়গী পুন্সিশিং লৈতাদবনি। মতম খরগী ওইনা আর্তিকল ৩৭০ থম্বনা লমদম অসিদা লৈতাদবা অমসুং চরাংনবা থোকহল্লি। মসিগী মান্নদবশিং অসি সরকারনা লৌথোক্লে অমসুং হায়রিবা লৈকাইশিং অসিদা লৈরিবা মীওই লাখ ৪০ হেন্না তান্থোক্কনি হায়বগী অকিবা লৌথোক্লে।
মিদল-ক্লাস নাগরিকশিংগী হাউসিং প্রোজেক্তশিং অমুক হিঙ্গৎহন্নবা হন্দক ৱারেপ লৌখিবা অদু প্রধান মন্ত্রীনা পনখি। মহাক্না হায়খি ৱারেপ অসিনা লৈবাক অসিগী য়ুম লৈরিবা মীওই লাখ ৪.৫ মতেং পাংলগনি অমসুং মখোয়গী পুন্সি শান্তি ওইবা মওংদা অমুক হৌরগনি। দিল্লীগী মীওইশিংদা পি.এম.–উদয় য়োজনানা অনৌবা মঙাল অমা পীরগনি।
পি.এম.-উদয়গী নুংগী ৱারোল
২০১৯গী ওক্তোবর ২৩দা প্রধান মন্ত্রী মোদীনা লুচিংবা কেন্দ্রগী মন্ত্রীমন্দলনা আইন্না য়াদবা লৈকাইশিংদা লৈরিবা মীওইশিংদা লমগী মপু ওইহন্নবা অয়াবা পীখিবনি। মসিগী মতাংদা কাংলোন অমা ২০১৯গী ওক্তোবর ২৯দা নোতিস থোকখি। চৎথরিবা সংসদকী মীফমদা বিল অমা পুথোকপা হায়না কেন্দ্রগী মন্ত্রীমন্দলনা ৱারেপ লৌখি।
পুথোক্নবা থৌরাং তৌরিবা বিল অদুনা হৌজিক চৎনরিবা রেত অসিগী মহুৎতা সরকারনা মমিংগী ওইনা রেজিস্ত্রেসন অমসুং স্তাম্প দ্যুতী লৌবা য়াহনগনি। মসিগী খুদোংচাবশিং অসি মখোয়গী ফিবমশিং য়েংলগা আইন্না য়াদবা লৈকাইশিংগী মীওইশিংদা অমুক্তংগী ওইনা পীবনি।
