প্রধান মন্ত্রী শ্রী নরেন্দ্র মোদী তামিল নাদুগী তিরুপ্পুরদা চৎখ্রে অমদি রাজ্য অসিদা দিবেলপমেন্ত প্রোজেক্ত কয়া মায়খুম হাংদোকখ্রে।
তিরুপ্পুরদা প্রধান মন্ত্রীনা পেরুমনালুর খুঙ্গংদগী দিবেলপমেন্ত প্রোজেক্ত কয়া মায়খুম হাংদোকখি।
তিরুপ্পুরদা মহাক্না ই.এস.আই.সি. মল্তি স্পেসিয়েলিতী হোস্পিতাল গী উরেপ উয়ুং তমখি। ফমুং ১০০ লৈবা হোস্পিতাল অসিনা তিরুপ্পুর অমসুং ই.এস.আই.না কোল্লিবা মনাক নকপা লমদমশিংদা লৈরিবা শিন্মী লাখ অমা হেনবা অমসুং মখোয়গী ইমুং মনুংগী মেদিকেলগী মথৌ তাবশিং অদু ফংহল্লগনি। মমাংদদি মীওইশিং অসি শহর অসিদা মথৌ তৌরিবা ই.এস.আই.সি. দিস্পেন্সরী অনিনা য়েংশিল্লম্মি। এদভান্স মেদিকেল ইন্তর্বেন্সন অমা হেক্তগীদমক কিলোমীতর ৫০ লাপ্না কোয়েম্বেতোর ই.এস.আই.সি. মেদিকেল কোল্লেজ হোস্পিতালদা মখোয় চৎপা তারি।
মহাক্না জাতিদা ই.এস.আই.সি. হোস্পিতাল চেন্নৈ কত্থোকখি। মসিগী ফমুং ৪৭০ লৈবা হোস্পিতাল অসিনা মেদিসিনগী দিসিপ্লিন খুদিংমক্তা ক্বালিতী ত্রিৎমেন্ত ফংহল্লগনি।
প্রধান মন্ত্রীনা ত্রিচে এয়ারপোর্ত্তা অনৌবা ইন্তেগ্রেতেদ বিলদিং অমগীদমক অমসুং চেন্নৈ এয়ারপোর্তকী মোদর্নাইজেসনগীদমক উরেপ উয়ুংসু তমখি। ত্রিচেদা অনৌবা ইন্তিগ্রেতেদ তর্মিনেল বিলদিং অসিনা এয়ারপোর্ত অসিনা চহীগী ওইনা পেসেঞ্জর মিলিয়ন ৩.৬৩ অমসুং পীক অৱারদা পেসেঞ্জর ২,৯০০ হেন্দল তৌবা ঙমহল্লগনি। চেন্নৈ এয়ারপোর্ত অসি ই গেৎস, বাইওমেত্রিক বেজ পেসেঞ্জর স্ক্রীনিং সিস্তেমশিং, তোঙান তোঙানবা অতোপ্পা ফিচরশিং ফংহনবগা লোয়ননা মোদর্নাইজ তৌরগনি অমদি হৌজিক লৈরিবা ইন্তর্নেস্নেল দিপার্চর তর্মিনেলগী মী চিনবা হন্থরগনি।
থৌরম অসিদা ভারত পেত্রোলিয়ম কোর্পোরেসন লিমিতেদকী ইন্নোর কোস্তেল তর্মিনেল জাতিদা কত্থোকখি।
প্রধান মন্ত্রী মোদীনা চেন্নৈ হিথাংফমদগী চেন্নৈ পেত্রোলিয়ম কোর্পোরেসন লিমিতেদকী মনালী রিফাইনরী ফাওবগী অনৌবা ক্রুদ ওইল পাইপ লাইনসু শঙ্গাখি। অহেনবা সেফতী ফিচরগা লোয়ননা শেমগৎলিবা পাইপলইন অসিনা শুংদোক্ত্রিবা থাওগী সেফ অমসুং রেলিয়েবল সপ্লাই ফংহল্লগনি অমসুং তামিল নাদু অমসুং য়ুমলোন্নবা রাজ্যশিংগী দরকার লৈবা ফংহল্লগনি।
প্রধান মন্ত্রীনা এ.জি.-দি.এম.এস. মেত্রো স্তেসনদগী ৱাশেরমেনপেৎ মেত্রো স্তেসন ফাওবা চেন্নৈ মেত্রোগী সেক্সন অমগী পেসেঞ্জর সর্বিস হৌদোকখি। কিলোমীতর ১০ শাংবা সেক্সন অসি চেন্নৈ মেত্রোগী ফেজ-১গী শরুক অমনি। মসি শাংদোকহনবা অসিগা লোয়ননা ফেজ-১গী কিলোমীতর ৪৫মক মথৌ পাংথোকপা হৌখ্রে।
তুংদা প্রধান মন্ত্রীনা ঙসিগী খোংচৎ অসিগী অরোইবা পন্থুংফম ওইনা হুব্লীদা খোংশানখি।
